အိန္ဒိယပိုင် ခရီးသည်တင် လေယာဉ် တစ်စင်းသည် တနင်္လာနေ့က စက်ချွတ်ယွင်းပြီးနောက် ပါကစ္စတန်သို့ အရေးပေါ် ဆင်းသက်ခဲ့ရကြောင်း သိရသည်။ အိန္ဒိယ လေကြောင်း ကုမ္ပဏီ Air India က ပိုင်ဆိုင်သော လေယာဉ်သည် ခရီးသည် (၁၃၀)နှင့် အမှုထမ်းများကို တင်ဆောင်လာစဉ် နည်းပညာပိုင်း ချွတ်ယွင်းဖောက်ပြန်မှုနှင့် ကြုံခဲ့ရသည်။ ထို့နောက် ပါကစ္စတန်ကို ဆက်သွယ် အကူအညီတောင်းကာ နာဝက်ဘ်ဆား လေဆိပ်တွင် ဘေးရန်ကင်းကင်း သက်ဆင်းနိုင်ခဲ့ခြင်း ဖြစ်သည်။ ပါကစ္စတန် လေကြောင်း ပို့ဆောင်ရေးဌာန ပြောရေးဆိုခွင့်ရ ပုဂ္ဂိုလ် ပါဗက်ဇ် ဂျော်ဂျီက မိမိတို့ အာဏာပိုင်များသည် လေယာဉ်ပေါ်မှ ခရီးသည်များကို အလုံးစုံ ဘေးကင်းအောင် အကူအညီ ပေးခဲ့ကြောင်း ပြောဆိုသွားသည်။
No comments:
Post a Comment