၂၀၁၂ ခုနှစ် မတ်လ ၁၂ ရက်နေ့ထုတ် The Voice Weekly Journal မျက်နှာဖုံးအားတွေ့ရစဉ်။
သတ္တုတွင်း ၀န်ကြီးဌာနက The Voice ဂျာနယ်ကို ပြစ်မှုဆိုင်ရာ ပုဒ်မ ၅၀၀ နဲ့ တရားစွဲဆိုထားတဲ့အမှုကို သတ္တုတွင်း ၀န်ကြီးဌာနက ပြန်လည်ရုတ်သိမ်းဖို့ စီစဉ်နေပြီလို့ သိရပါတယ်။
ပြီးခဲ့တဲ့ ၂၀၁၂နှစ် မတ်လ ၁၀ ရက်နေ့ထုတ် The Voice ဂျာနယ် အတွဲ-၈၊ အမှတ်
၁၃ မှာ ၀န်ကြီးဌာနအချို့၏ ကျပ်သိန်းထောင်ချီ အလွဲသုံးစားမှု စစ်ဆေးတွေ့ရှိ
ဆိုတဲ့သတင်း ဖော်ပြခဲ့ပါတယ်။ အဲဒီသတင်းနဲ့ ပတ်သက်လို့ သတ္တုတွင်း
ဝန်ကြီးဌာနက ဂျာနယ် ကို တရားစွဲဆိုခဲ့ပါတယ်။
The Voice ဂျာနယ် ထုတ်ဝေသူ၊ အယ်ဒီတာချုပ် နဲ့ သတင်းရေးသား သူတွေကို
မဟုတ်မမှန် စွပ်စွဲရေးသားမှု နဲ့ အရေးယူပေးဖို့ သတ္တုတွင်းဝန်ကြီးဌာန
ညွှန်ကြားရေးမှူး ဦးဇော်ကိုကို က တရားလိုအဖြစ်နဲ့ ဒဂုံမြို့နယ် တရားရုံးကို
ဦးတိုက် လျှောက်ထားခဲ့ တာဖြစ်ပါတယ်။
သတ္တုတွင်းဝန်ကြီးဌာန နဲ့ The Voice ဂျာနယ် အမှု ကို စစ်ဆေးနေခဲ့တဲ့ ရုံးချိန်းပေါင်း ယနေ့အချိန်ထိ(၂၃) ကြိမ် ရှိပြီ ဖြစ်ပါတယ်။
လာမယ့် ဇန်န၀ါရီလ (၁၇) ရက်နေ့ ရုံးချိန်းမှာတော့ သတ္တုတွင်း
ဝန်ကြီးဌာနဘက်က တရားစွဲဆိုမှု ပြန်လည်ရုတ်သိမ်းဖို့ ကိစ္စ အဖြေထွက်မယ် လို့
သိရပါတယ်။
RFA
No comments:
Post a Comment