လာမည့် စက်တင်ဘာ ၁၂ ရက်တွင် ဆန်ဖရန် စစ္စကိုမြို့၌ စတင် မိတ်ဆက်မည့် အိုင်ဖုန်း မျိုးဆက်သစ် iPhone 5 တွင် အသုံးပြုမည့် ဘက်ထရီစနစ်နှင့် ပတ်သက်၍ လျှို့ဝှက်ချက် တချို့ အွန်လိုင်းပေါ်တွင် ပေါက်ကြားသွားခဲ့ကြောင်း Daily Mail အွန်လိုင်းသတင်းစာက ဖော်ပြခဲ့သည်။
ဈေးကွက်တင်ရန် အချိန်တစ်လဝန်းကျင်သာ လိုတော့သည့် iPhone 5 အား
နိုင်ငံတကာမှ မိုဘိုင်းဖုန်း စိတ်ဝင်စားသူများ အနေဖြင့် မျက်နှာပြင်
အရွယ်အစား ၄ လက်မရှိသည့် အချက်ကလွဲ၍ မည်သည့် အချက်အလက်ကိုမှ မသိရှိရသည့်
အခြေအနေတွင် ရှိနေခဲ့ရာမှ ယခုကဲ့သို့ ဘက်ထရီနှင့် ပတ်သက်သည့်
လျှို့ဝှက်ချက်များ ပေါက်ကြားခဲ့ခြင်း ဖြစ်သည်။
နည်းပညာ ဘလော့ဂ်တစ်ခုဖြစ်သည့် 9 to 5 Mac က ဘက်ထရီပုံစံကို
ထုတ်ဖော်ပြသခဲ့ပြီး ယခင် အိုင်ဖုန်းမျိုးဆက်များ၌ အသုံးပြုခဲ့သည့်
ဘက်ထရီစနစ်ထက် ပိုမိုကောင်းမွန်သည့် စွမ်းဆောင်ရည်များကို
ပေးစွမ်းနိုင်မည့်အပြင် သက်တမ်းကြာချိန် ပိုမိုမြင့်မားမည်ဟုလည်း သိရသည်။
iPhone 4 တွင် 1420 mAh အမျိုးအစား၊ iPhone 4S တွင် 1430 mAh
အမျိုးအစားတို့ကို အသုံးပြုခဲ့ပြီး ယခု iPhone 5 တွင် 1440 mAh ဘက်ထရီကို
အသုံးပြုသွားမည် ဖြစ်ကြောင်းလည်း သိရသည်။
KZZ
The it Times 
No comments:
Post a Comment