''ကျွန်မအဖို့ ယောက်ျားတစ်ယောက်ရဲ့ အရေးကြီးဆုံး အရည်အချင်းကတော့ Sweet ဖြစ်ဖို့ လိုတယ်။ ချစ်စရာကောင်းဖို့လိုတယ်။ ကျွန်မက ကောင်ချောလေးတွေကို ကြိုက်တယ်'' လို့ ဂျနီဖာလိုပက်ဇ်က ပြောလိုက်ပါပြီ။
ဂျေလိုဟာ နောက်ဆုံး တရားဝင် ခင်ပွန်းဖြစ်တဲ့ မက်အန်ထော်နီနဲ့ ၇ နှစ် ပေါင်းပြီး လမ်းခွဲခဲ့တယ်။
ဒါပေမယ့် ဂျေလိုဟာ အိပ်မက်တွေထဲက ယောက်ျားသားကို ထပ်မံရှာဖွေဖို့ လန့်နေမယ် ထင်ပါသလား။
အိမ်ထောင်ကွဲပြီး လအနည်းငယ်အကြာမှာ ဓာတ်ပုံဆရာလေး ကက်စပါစမက် ၂၅ နှစ်နဲ့ တွဲနေတယ်။
သူမထက် ၁၈ နှစ် ငယ်သူနဲ့တွဲနေတဲ့ ဂျေလိုဟာ ဘာကြောင့် ဒီကောင်လေးနဲ့ တစ်နှစ်နီးပါးကြာ ခရီးဆက်နေနိုင်သလဲ။
ဂျေလိုက စက်တင်ဘာလထုတ် In Style မဂ္ဂဇင်းနဲ့ဗျူးမှာ ပြောတယ်။
သူမက အချစ်ကိုစိတ်ကုန်ပုံမရသေးပါဘူး။
''အခက်ခဲဆုံး အပိုင်းကတော့ သင်ချစ်ခြင်းမှာ ယုံကြည်မှု ဘယ်တော့မှ မရပ်တန့်ဖို့ပါ။ သင်ဘယ်တော့မှ မရပ်ပါနဲ့။ ဒါဟာ အကောင်းဆုံး အပိုင်းပဲ'' တဲ့။
တောက်လျှောက် အောင်မြင်ခဲ့တဲ့ ဂျေလိုဟာ အချစ်နဲ့အိမ်ထောင်ရေးမှာတော့ ကံခေရှာတယ်။
သူမ တရားဝင် ပထမဆုံး လပ်ထပ်တာက ကျူးဘားသရုပ်ဆောင် အိုဂျာနီဖြစ်ပြီး တစ်နှစ်ပေါင်းတယ်။
အဲဒီနောက် နောက်ခံအကသမား ခရစ္စဂျပ်ဒ် နဲ့ နှစ်နှစ် ပေါင်းတယ်။ နောက်တော့ ဘင်အက်ဖလက်နဲ့တွဲတယ်။
နောက်ဆုံးမှာ အမြွာ နှစ်ယောက်ရဲ့ဖခင် အန်ထော်နီ နဲ့လမ်းခွဲခဲ့တယ်။
''ကလေးတွေနဲ့ပတ်သက်လို့ပြောရရင် ကျွန်မဟာအားလုံးသော မိဘတိုင်းလို နည်းတူပါပဲ။ ဂရိတ်မိဘ ဖြစ်ချင်တယ်။ ကလေးတွေ အတွက် မားမားမတ်မတ် မှန်မှန်ကန်ကန် ရှိချင်၊ ဖြစ်ချင်တာပဲ။ မိခင်ကောင်း၊ ဖခင်ကောင်း ဖြစ်ဖို့ ဆိုတာဟာ အရေးအကြီးဆုံးအလုပ်လို့ ကျွန်မမြင်တွေ့လာတယ်။ ရှင်ဘယ်သူ ဆိုတာက အရေးမကြီးပါဘူး'' တဲ့။
KN-M
ဈေးကွက်ဂျာနယ်
No comments:
Post a Comment