၂၀၁၂ ခုနှစ် သြဂုတ်လ ၆ ရက်က ရန်ကုန်မြို့ အင်းစိန် ပန်းခြံအနီးမှာ
ဈေးရောင်းချခွင့်
ပေးဖို့ လမ်းဘေးဈေးသည်များ တောင်းဆို
ဆန္ဒဖော်ထုတ်နေကြစဉ်။
ရန်ကုန်မြို့ အင်းစိန်ပန်းခြံအနီးမှာ ဆက်လက် ဈေးရောင်းချခွင့်ပေးဖို့ တောင်းဆို ဆန္ဒပြခဲ့ကြတဲ့ လမ်းဘေး ဈေးသည် (၁၁) ဦးကို တရားမ၀င် စုရုံးမှု ပုဒ်မ ၁၈ (က) နဲ့ တရားစွဲဆိုပြီး အင်းစိန်မြို့နယ် တရားရုံးမှာ ဒီကနေ့ စတင်စစ်ဆေးတယ်လို့ သိရပါတယ်။
အဲဒီ ဈေးသည် ၁၁ ဦးကို စစ်ဆေးပြီးတဲ့နောက် ကိုယ်ပိုင်
ခံဝန်ချက်ပေးပြီး နောက်တစ်ပတ် အင်္ဂါနေ့ကို ရုံးချိန်းထပ်မံ
သတ်မှတ်လိုက်တယ်လို့ ဈေးသည်တွေရဲ့ ရှေ့နေ ဦးအောင်သူရိန်ထွန်းက RFA ကို
ပြောပါတယ်။
ဈေးရောင်းချခွင့် ပြန်လည်ရရှိဖို့ သြဂုတ်လ ၆ ရက်နေ့က တောင်းဆို
ဆန္ဒဖော်ထုတ်ခဲ့ကြတဲ့ လမ်းဘေးဈေးသည်တွေကို ရဲဘက်က အဲဒီနေ့ ညနေ ၃ နာရီမှာ
ဖမ်းဆီး ခေါ်ဆောင်သွားပေမယ့် အဲဒီနေ့ ညပိုင်းမှာပဲ အာမခံနဲ့
ပြန်လွှတ်ပေးခဲ့ပါတယ်။
အင်းစိန်ပန်းခြံအနီး ဒက္ခိဏလမ်းမှာလွန်ခဲ့တဲ့နှစ်(၂၀) လောက်ကတည်းက
ဈေးရောင်းချလာခဲ့တဲ့ ဈေးသည် တစ်ရာကျော်ကို အဲဒီနေရာမှာ လုံးဝ
ဈေးမရောင်းတော့ဖို့ သြဂုတ်လ ၃ ရက်နေ့စလို့ အာဏာပိုင်တွေက ပိတ်ပင်လိုက်တဲ့
အတွက်ကြောင့် ဈေးသည်တွေ ဆန္ဒပြခဲ့ကြတာ ဖြစ်ပါတယ်။
RFA 
No comments:
Post a Comment