အဲရစ်ဆင်သို့ ရန်ကုန်မြို့သို့ ရောက်ရှိလာစဉ် (photo: YUFC)
အင်္ဂလန်လက်ရွေးစင်အသင်းနှင့် မန်စီးတီးအသင်း နည်းပြဟောင်း အဲရစ်ဆင် သည် ယနေ့ (စက်တင်ဘာလ ၂၄ရက်နေ့) မွန်းလွဲပိုင်းက ရန်ကုန်မြို့သို့ ရောက်ရှိ လာခဲ့ကြောင်း သိရသည်။
အဲရစ်ဆင်သည် ထိုင်းပရီးမီးယားလိဂ် ကလပ် ဘီအီးစီ တယ်ရို ဆက်ဆနာ အသင်း၏
နည်းစနစ် ဒါရိုက်တာအဖြစ် တာဝန်ထမ်းနေသူဖြစ်ပြီး ရန်ကုန်မြို့သို့
ရောက်ရှိစဉ် အတွင်း ရန်ကုန် ယူနိုက်တက် အသင်း လေ့ကျင့်ရေးကွင်းနှင့်
ရန်ကုန် ယူနိုက်တက် အသင်းသားများ၏ လေ့ကျင့်မှုကို ကြည့်ရှုခဲ့ကြောင်းသိရသည်။
ရန်ကုန်အသင်းရဲ့ မီဒီယာတာဝန်ခံ ကိုထွန်းထွန်းဝင်းက "အဲရစ်ဆင်ဟာ ယနေ့
နေ့လည်ပိုင်းက ရောက်လာပါတယ်။ ရန်ကုန်ယူနိုက်တက်အသင်းရဲ့ ဖိတ်ကြားချက်အရ
ရောက်ရှိလာတာပါ။ ညနေ ၄း၃၀ လောက်မှာ ရန်ကုန်ယူနိုက်တက်ရဲ့
လေ့ကျင့်ရေးကွင်းဖြစ်တဲ့ YUFC ကွင်းကို လာရောက်လေ့လာခဲ့ပါတယ်။ မနက်ဖြန်မှာ
ပြန်လည်ထွက်ခွာမှာဖြစ်ပါတယ်။ ခရီးစဉ်အတွင်းမှာ
ရန်ကုန်ယူနိုက်တက်အသင်းတာဝန်ရှိသူတွေနဲ့ တွေ့ဆုံးဆွေးနွေးမှုတွေ
ပြုလုပ်ခဲ့ပါတယ်"ဟု ပြောကြားခဲ့သည်။
အဲရစ်ဆင်သည် မြန်မာနိုင်ငံသို့ ပထမဆုံး လာရောက်ခဲ့ခြင်းဖြစ်ပါသည်။
အဲရစ်ဆင်သည် ဘင်ဖီကာ၊ ဖီအိုရင်တီးနား၊ ရိုးမား၊ လာဇီယို၊ မန်စီးတီး
တို့အပြင် အင်္ဂလန်၊ မက္ကဆီနှင့် အိုင်ဗရီကို့စ် အစရှိသော နိုင်ငံ လက်ရွေးစင်
အသင်းများ၏ နည်းပြ အဖြစ်လည်း တာဝန် ယူခဲ့ဖူးပြီး လက်ရှိ အချိန်တွင်
အဲရစ်ဆင်သည် ထိုင်း ပရီးမီးယားလိဂ် ကလပ် ဘီအီးစီ တယ်ရို ဆက်ဆနာ အသင်းတွင်
နည်းစနစ် ဒါရိုက်တာ အဖြစ် ယခုနှစ် သြဂုတ်လ ကတည်းက တာဝန် ထမ်းလျက်
ရှိကြောင်း သိရှိရပါသည်။
အင်္ဂလန်လက်ရွေးစင်အသင်း၏ နည်းပြဟောင်း အဲရစ်ဆင် မြန်မာနိုင်ငံသို့
မလာရောက်မီ စက်တင်ဘာလ ၁၈ ရက်နေ့က အင်္ဂလန်လက်ရွေးစင်ဟောင်းနှင့်
လီဗာပူးလ်ကစားသမားဟောင်း ဂျွန်ဘန်းစ်သည် ရန်ကုန်မြို့သို့ ၃
ရက်ကြာခရီးအဖြစ်လာရောက်ခဲ့သည်။ ခရီးစဉ်အတွင်း မြန်မာ ယူ-၁၂ကစားသမားများအား
လေ့ကျင့်ပေးမှုများ ပြုလုပ်ခဲ့သည်။
EMG
No comments:
Post a Comment