ဖားကန့်သို့ ချီတက်လာသော မြန်မာစစ်အင်အား ၂၀၀ ကျော် နမ့်ယာမှာ ရောက်နေ

ကချင်ပြည်နယ် ဖားကန့်ကျောက်စိမ်းမှော်သို့ တပ်အင်အားတိုးချဲ့နေသော မြန်မာအစိုးရသည် ဖားကန့်သွားလမ်း နမ့်ယာ (Nam Ya) ကျေးရွာတွင် အစိုးရတပ်အင်အား ၂၀၀ ကျော် ထပ်မံဖြည့်

ထားကြောင်း KIA အရာရှိ တစ်ဦး KNG ကချင်သတင်းဌာန သို့ပြောသည်။

နှစ်ဖက်တိုက်ပွဲများရပ်နေချိန် အစိုးရတပ်အင်အားများသည် ဖားကန့်ဖက်သို့ မြစ်ကြီးနား-မိုးကောင်း၊

မိုးကောင်း-ကားမိုင်းလမ်းဖက်မှ တိုးချဲ့လာကာ အောက်တိုဘာလ ၄ ရက် ကြာသပတေးနေ့တွင် နမ့်ယာ (Nam Ya) ကျေးရွာသို့ ရောက်ရှိလာခြင်းဖြစ်ကြောင်းသိရသည်။

ဖားကန့်သွားလမ်း နမ့်ယာ (Nam Ya) ကျေးရွာသည် ဖားကန့်ကျောက်စိမ်းမှော်ဒေသနှင့် (၁၀) မိုင်ကျော် အကွာအဝေးဖြစ်သည်။

ယခုချိန် ဖားကန့်တွင် တိုက်ပွဲများ ခဏရပ်စဲနေသော်လည်း မြန်မာအစိုးရတပ်များမှ စစ်အင်အားများ အင်တိုက်အားတိုက် ဖြည့်နေသောကြောင့် တိုက်ပွဲများဆက်လက်ဖြစ်ပွားလာနိုင်ဖွယ်ရှိသည်ဟု ကချင်လွတ်မြောက်ရေးတပ်ဖွဲ့ KIA အရာတဦးဆိုသည်။

“မြန်မာအစိုးရတပ်က မိုးကောင်း-ကားမိုင်း ကနေတက်လာတယ်။ နောက် သာမခန် ဘက်ကနေတက်လာပြီး ဖားကန့် ကျောက်စိမ်းမှော်ကို သူတို့လုံးဝထိန်းချုပ်နိုင်အောင်၊ သူတို့ကြိုက်သလိုလုပ်စားလို့ရအောင်၊ ကြိုက်သလိုတူးစားလို့ရအောင် ကြိုးပမ်းနေတယ်။”

မြန်မာအစိုးရတပ်သည် ဖားကန့်တပ်ရင်း (၆) ကိုတိုက်ရန် အသင့်ရှိနေပြီး ယခုအချိန် အင်အားတိုးချဲ့ ချထားသော အစိုးရတပ် တပ်ရင်းများ ၁၀ ကျော်သည် လူအင်အား ၆၀၀ ကျော်ဖြင့် မြစ်ကြီးနား-ဖားကန့်လမ်း၊ ဖားကန့်-သာမခန်လမ်းများဖြင့် ဆက်လက်တိုးချဲ့နေသောကြောင့် မကြာမီတိုက်ပွဲကြီးများဖြစ်လာ နိုင်ကြောင်း တပ်ရင်း ၆ တပ်ရင်းမှူး ဒု-ဗိုလ်မှူးကြီး Nhkum Zau Doi မှ ပြောသည်။

မြန်မာအစိုးရတပ်သည် KIA တပ်ရင်း ၆ ရှိသည့် ကျောက်စိမ်းကောင်းများစွာထွက်ရှိသည့် ဆိုင်းဂျာဘွမ် (Seng Ja Bum)နှင့် လမောင်ကောင် (Lamawng Kawng) များကို သိမ်းပိုက်ရန်လည်း ကြိုးစားနေကြောင်း ဆက်ဆိုသည်။

မြန်မာအစိုးရတပ်သည် ကျောက်စိမ်းထွက်သော ဖားကန့်-မှော်ဝှမ်း-လောင်ခန်ပတ်ဝန်းကျင်တွင်လည်း အင်အား ၁၀၀ ကျော်ရှိပြီး၊ ဂွေခါဘက်တွင်တပ်လည်း အင်အား ၁၀၀ ကျော်ရှိကြောင်းသိရသည်။ အစိုးရတပ်များသည် ဖားကန့် မျောက်ဖြူတွင်လည်း မြေဇာပုံတွင်တပ်ချ ကျင်းတူးပြီး အသင့်ရှိနေကြောင်း အရာရှိများပြောသည်။
(KNG)