ကော့မှူးမြို့နယ်တွင် အဓိက အရေးကြီးဆုံးအရာမှာ အလုပ်အကိုင် ဖန်တီးပေးရေး ဖြစ်သည်ဟု ဒေါ်အောင်ဆန်းစုကြည် ပြောဆို
ကော့မှူးမြို့နယ်
မှ ၀င်ရောက်အရွေးခံမည့် ဒေါ်အောင်ဆန်းစုကြည်မှာ ၀ါးသင်္ခကျေးရွာတွင်
သန်းခေါင်စာရင်း ၀င်လိုက်သဖြင့် ၀ါးသင်္ခကျေးရွာစာရင်တွင်
ပါဝင်သွားခြင်းအတွက် ၀ါးသင်္ခကျေးရွာသားများက ဂုဏ်ယူလျက်ရှိကြသည်ဟု
ပြောဆိုသည်။
ယင်းကျေးရွာတွင်
ဒေါ်အောင်ဆန်းစုကြည် မိန့်ခွန်းဟောပြောရာသို့ ကျေးရွာနှင့်
အနီးအနားကျေးရွာများမှ လူပရိတ်သတ် အနည်းဆုံး ၇၊ ၈ ထောင်ကျော်
လာရောက်ခဲ့ကြသည်။
ဝါသင်္ခကျေးရွာတွင်
ဒေါ်အောင်ဆန်းစုကြည် ၉မိနစ်ကြာ မိန့်ခွန်းပြောကြားခဲ့ရာ၊
ကော့မှူးမြို့နယ်တွင် အဓိက အရေးကြီးဆုံးအရာမှာ အလုပ်အကိုင်ဖန်တီးပေးရေး
ဖြစ်သည်ဟု ပြောဆိုသွားသည်။ လူငယ်ဘွဲ့ရ ပညာတတ်တွေ အများစုမှာ
အလုပ်အကိုင်မရှိကြသဖြင့် ပထမဆုံး ဦးစားပေးလုပ်ကိုင်ရမည့် အချက်မှာ
အလုပ်အကိုင် ဖန်တီးပေးရေးပင်ဖြစ်သည်ဟု ပြောဆိုသွားသည်။
ထို့ပြင်
လမ်းတလျှောက်၌ လူထုပရိတ်သတ်က ၀ိုင်းဝန်းအားပေးကြသည်ကို မြင်တွေ့ရ ၊
ကြားနေရကြောင်း ဒီမိုကရေစီသို့ လျှောက်သွားရမည့် လမ်းကြောင်းသည်
ကြမ်းတမ်းသည် ဝေးလည်းဝေးလွန်းသဖြင့် အန်အယ်လ်ဒီပါတီကို ၀န်းရံပေးသွားကြရန်
ဒေါ်အောင်ဆန်းစုကြည်က လူထုအား ပန်ကြားသွားသည်။
ကော့မှူးမြို့နယ်သို့ မဲဆွယ်စည်းရုံးရေးခရီးစဉ် သွားရောက်နေသော
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ၀ါးသင်္ခရွာသို့
ယခုအခါ ရောက်ရှိနေပြီး ကျေးရွာသူကျေးရွာသားများအား
တွေ့ဆုံနှုတ်ဆက်စကားပြောကြားခဲ့သည်။
လက်ရှိတွင် ခေတ္တ နားနေပြီး တခြားရွာသို့ ဆက်သွားရန် ရှိကြောင်းလည်း
သိရသည်။ ဒေါ်အောင်ဆန်းစုကြည် လာရာလမ်းတစ်လျှောက်တွင် ဒေသခံများက
တစ်ခဲနက်ကြိုဆိုခဲ့ကြသည်ကို တွေ့ရသည်။
From သစ်ထူးလွင်(MNN)
No comments:
Post a Comment