ကျနော်နဲ့ ဘားမားရုဒ် (Burma Road and me)

မကြာသေးခင်က အမေရိကန်နိုင်ငံခြားရေးဋ္ဌာနမှ အဆင့်မြင့်ပုဂ္ဂိုလ်တဦး ဗမာပြည်ခရီးစဉ်သွားခဲ့၏။ ဦးသိန်းစိန် အစိုး ရနှင့်ရော ဒေါ်အောင်ဆန်းစုကြည်နှင့်ပါ တွေ့ဆုံဆွေးနွေးဖြစ်ခဲ့ကြကြောင်း သတင်းများတွင်ဖတ်လိုက်ရသည်။ ဦးသိန်းစိန် အစိုးရဘက်မှတောင်းဆိုချက်များတွင် “အမေရိကန်အစိုးရအနေနှင့် သူတို့နှင့်ဆက်ဆံရေးကောင်းလိုလျှင် တိုင်းပြည်အ မည်ကို Burma ဟု ခေါ်နေခြင်းအစား Myanmar ဟု ပြောင်းခေါ် ရန်လိုကြောင်း” တချက်ပါသည်ဟုလည်း သတင်းများ တွင် ဖတ်ရ၏။ ကုလသမဂ္ဂအပါအဝင်နိုင်ငံတိုင်းလိုလိုက တိုင်းပြည်အမည်အား သူတို့ ခေါ်စေချင်၍ပြောင်းသည့်အတိုင်း မြန်မာဟုခေါ်နေချိန်တွင် အမေရိကန်ပြည်ထောင်စုက ဗမာပြည်ဟုသာသုံးစွဲနေခြင်းအား သူတို့ကနှစ်မြို့ဟန်မရှိ။ ယင်း တို့ အာဏာလက်လွှဲယူလိုက်ပြီးကတည်းက လူထုလိုချင်သည့်၊ တိုင်းပြည်၏လက်ငင်းလိုအပ် ချက်ဖြစ်သည့်၊ သမိုင်း၏ တောင်းဆိုမှုဖြစ်သည့် နိုင်ငံရေးအနှစ်သာရမှတပါး အရာရာကိုပြောင်း၏။ တိုင်းပြည်အမည်မှအစ ကြိုးကြီးချိတ်အဆုံးဖြစ် ၏။ ဤတွင် ကျနော့်ခေါင်းထဲ Burma Road ဝင်လာ၏။

တနေ့ Bowen Center မှာ ဗမာ့ယဉ်ကျေးမှုအကြောင်း ဟောပြောပွဲလေးတခုလုပ်၏။ Terry Noon ဆိုသည့် အမေရိ ကန် မိတ်ဆွေက အဖေါ်လိုက်ခဲ့ပါဆိုသဖြင့်အတူပါသွား၏။ ဟောပြောပွဲကအပြန် လမ်းပေါ်ရောက်တော့ သူက “ဒီနားေး မှာ Burma Road ဆိုတဲ့အမည်နဲ့ လမ်းလေးတလမ်းရှိတာ သိလား” ဟု မေးလာ၏။ ကျနော်က သိကြောင်း၊ လာကြည့် မည်စိတ်ကူးသာရှိပြီး တခေါက်မှမရောက်သေး ကြောင်းပြန်ပြောဖြစ်ရာ သူက “ဒါဆိုအတော်ပဲ၊ သွားကြည့်တာပေါ့” ဆို သဖြင့်ရောက်ခဲ့၏။ “အဲဒါပဲ (Burma Road) ဆိုတာ”ဟု ဆိုသည့် သူ့အသံကြောင့် ကားအပြင်ကိုကြည့်လိုက်မိ၏။ ကင်မ ရာပါမလာသည့်အတူတူ ကားပေါ်ကနေလှမ်းကြည့်ပြီး ပြန်ရုံသက်သက်။

နောက်တခေါက် အမေရိကန်မိတ်ဆွေတယောက်နှင့် ရောက်ဖြစ်ပြန်၏။ သူက ဗမာ့နိုင်ငံရေးအခင်းအကျင်းကို အထိုက် အလျှောက်တီးမိခေါက်မိရှိရုံမက၊ ဖို့ဝိန်းရောက်မြန်မာပြည်သား ဒုက္ခသည်များအရေးကိုလည်း တော်တော်လေး စိတ်ဝင် စားသူဖြစ်၏။ မြန်မာပြည်သားများနှင့်ဆိုင်သည့်၊ ကျင်းပသည့်၊ ပွဲတိုင်းလိုလိုလာတတ်သလို မှတ်တမ်းဗီဒီယိုများ၊ ဓါတ်ပုံ များရိုက်ပြီး သူ့ဝက်ဘ်ဆိုက်မှာ တခမ်းတနားလည်းတင်၏။ ဖို့ဝိန်းမြို့မှာ HBO က Burma Soldier ကားကို အကြိုမိတ် ဆက်ပွဲ ပြမည်ဆိုစဉ်ကလည်း အစအစအရာရာ ကူညီဆောင်ရွက်ပေးခဲ့သူဖြစ်၏။ သို့နှင့် သူ့အား “မင်း..အချိန်ရတဲ့အခါ ငါ့ကိုဓါတ်ပုံရိုက်ပေးပါလား”ဟု အကူအညီတောင်းဖြစ်၏။ သူက လိုလိုလားလားနှင့် ဓါတ်ပုံရိုက်ပေးမည်ပြောရုံမက နောက်ခံသမိုင်းလေးပါ ရှာဖွေမေးမြန်းပေးမည်ဆို၏။ တနေ့ စီဒီကူးထားသည့် ဓါတ်ပုံများလာပေးရင်း စုံစမ်းလို့ရသမျှ Burma Road နောက်ခံအကြောင်းလေးများပါ ပြောပြခဲ့၏။ သို့နှင့် သည်ဆောင်းပါးရေးဖြစ်သွား၏။

အမေရိကန်ပြည်ထောင်စု အင်ဒီယားနားပြည်နယ် ဖို့ဝိန်းမြို့တွင် Goshen အမည်ဖြင့် အမှတ် ၃၃ ပြည်နယ်တွင်း အမြန် လမ်းမကြီး တခုရှိ၏။ ထို Burma Road က Goshen ပေါ်တွင်ရှိပြီး စက်ရုံအလုပ်များ ပတ်လည်ဝိုင်းထား၏။ မလှမ်းမ ကမ်းတွင် Showgirls ဆိုသည့် မိန်းမလှနှင့်ယမကာမြည်းသည့်ဆိုင်၊ အမိုးနီ Red Inn ဆိုသည့်စားပွဲရုံ၊ အငှားဂိုဒေါင်များ၊ လူနေရပ်ကွက်များ၊ အခန်းတွဲအိမ်ယာများနှင့် စည်စည်ကားကားလေးရှိ၏။ Goshen ပေါ်မှ ညာဘက်ချိုးလိုက်လျှင် Burma Road ။

သည်လမ်းလေးအတိုင်းဆက်လျှောက်သွားက လမ်းမဆုံးခင် နောက်ထပ်ဘယ်ဘက်ချိုးဝင်သွားသည့် Tierney ဆိုသည့် လမ်းသွယ်လေးတခုရှိသေး၏။ ၁၉၄၃ ခုနှစ်တွင် Burma Road ဆိုသည့်အမည်ဖြင့် သည်လမ်းလေးကို နာမည်ပေးကင် ပွန်းတပ် ဆိုင်းဘုတ်တင်ခဲ့ချိန်က သည်လမ်းတွင်လူနေအိမ်တလုံးမှမရှိသေး။၁၉၄၄ ခုနှစ်ရောက်တော့မှ ပထမဆုံးအိမ်ကို စဆောက်ခြင်းဖြစ်၏။ ကျနော်ရောက်ချိန်တွင် တရပ်ကွက်လုံးအိမ်အပြည့်။ အိမ်လေးတွေကလည်း သပ်သပ်ရပ်ရပ် သန့် သန့်ရှင်းရှင်းလေးတွေဆိုတော့ နေချင်စရာလိုဖြစ်နေ၏။ ဤရပ်ကွက်တွင် ဗမာပြည်သားမိသားစုမည်မျှ နေထိုင်ကြသ နည်းဆိုသည်ကိုတော့မသိ။ နောက်တခုက ဒီနေရာမှာ ဒီလမ်းလေးကို ဘာကြောင့် ဒီနံမည်ပေးခဲ့ရသလဲ။ ဘယ်သူ့စိတ် ကူးလဲ။ ထိုစိတ်ကူးဘယ်လိုရခဲ့သလဲ။ ဖို့ဝိန်းနေ ဗမာပြည်သားတွေကရော သည်လမ်းကို Burma Road လို့ပဲ ဆက်တွင် နေစေချင်သလား။ Myanmar Road လို့ အမည်ပြောင်းစေချင်သူ တွေရောမရှိနိုင်ဘူးလား။ ရှိမည်ဆိုလျှင်ရော ဘယ်နှရာ ခိုင်နှုန်းလောက်ရှိနေမလဲ။ အကယ်၍ Myanmar လို့ အမည်ပြောင်းပေးပါဟု ဆိုလျှင်ရော သက်ဆိုင်ရာက ပြောင်းပေး လေမလား။ ကျနော်သိချင်တာတွေရော တွေးချင်တာတွေပါတွေးနေမိ၏။

ဖို့ဝိန်းက အင်ဒီယားနားပြည်နယ်၏ ဒုတိယအကြီးဆုံးမြို့ဖြစ်ပြီး စီးတီးလိမစ် (Within City Limit) အတွင်းလူဦးရေ (၂) သိန်း ခွဲဝန်းကျင်ခန့်ရှိ၏။။ လူမျိုးစုံ၊ ဘာသာစုံ၊ စကားစုံသည့်မြို့ကလေး၊ လူဝင်မှုအနေအထားမျိုးစုံနှင့်ရောက်လာသည့် မြန်မာနိုင်ငံသား ၈ ထောင်ဝန်းကျင်ခန့် တစုတဝေးတည်းနေထိုင်ရာအရပ်။ တောမြို့လေးဖြစ်သည့်အလျှောက် နားအေး ပါးအေးနှင့် တိတ်တိတ်ဆိတ်ဆိတ်။ ဗမာစာ၊ ဗမာဆေး၊ ဗမာပစ္စည်း၊ ဗမာဆိုင်များနှင့်ဗမာနံ့သင်းပြီး ဗမာပြည်အလွမ်း ဖျောက်ကောင်းသည့်အရပ်။

ကျနော်က ဗမာ..ဗမာဆိုပြီးထပ်တလဲလဲသုံးသဖြင့် မြန်မာဟုသုံးရသည်ကို ခံတွင်းလိုက်သူများအဖို့ နားခါးစရာဖြစ်နိုင်၏။ ဤနေရာတွင် ဗမာ-မြန်မာဆိုင်ရာကိစ္စကို ပြောလိုရင်းမဟုတ်သော်လည်း ချက်မြုတ်မြေကို ဗမာပြည်ဟုပြောရခြင်းတွင် နှုတ်မြိန်သလို တယောက်ယောက်က ဗမာပြည်ဟုဆိုသံ ကြားလိုက်သည်ဆိုလျှင်လည်း နားဝင်ချို၏။ နံမည်ဆိုသည်မှာ ပြောင်း၍ရ၏။ ပြောင်းလည်းပြောင်းကြ၏။ သို့သော် လူတယောက်နံမည်ပြောင်းခြင်းနှင့် တိုင်းပြည်တပြည်၏အမည်ကို ပြောင်းခြင်းကား ခြားနား၏။ မတူ။ လူနံမည်ပြောင်းခြင်းက ကာယကံ ရှင်၏ရွေးချယ်ဆုံးဖြတ်မှု ဖြစ်ပြီး၊ လူထုနှင့်ဆိုင် သည့်၊ သမိုင်းနှင့်ဆိုင်သည့်အရာကို အမည်ပြောင်းခြင်းကား ထိုသို့မဟုတ်တော့။ လူထုသဘောထား ပါရမည်။ ငါ့မြင်းငါ စိုင်းထင်တိုင်းကြဲပါမူ တိုင်းပြည်နှင့်လူထုအပေါ်ကျူးလွန်သည့် နိုင့်ထက်စီးနင်းမှုဖြစ်၏။ လူတဦးနံမည်ပြောင်းလိုက်ရုံဖြင့် သူ့ပင်ကိုယ်စရိုက်ဖျောက်မရသလို တိုင်းပြည်အမည်ပြောင်းလိုက်ရုံဖြင့်လည်း လူမျိုး၏ဇာတိပုညဂုဏ်မာန ပျောက်မသွား။ ထို့နည်းတူ တို့ဗမာအစည်းအရုံး၊ ဗမာ့ထွက်ရပ်ဂိုဏ်း၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်၊ ဗမာပြည် ကွန်မြူနစ်ပါတီ စသည်တို့သည်လည်း သမိုင်းတည်သရွေ့ရှိနေရမည့် အမည်များသာဖြစ်နေ၏။ ပြောင်းလို့မရ။ ပြင်လို့မ ဖြစ်။ လူထုကိုသမိုင်းနှင့်မျက်ခြေဖြတ်လိုခြင်း၊ လူထုနှင့်သမိုင်းအဆက်အစပ်ကို လက်စဖျောက်ချင်လိုခြင်းသည် ကောင်း သည့်ရည်ရွယ်ချက်မဟုတ်။ မယဉ်ကျေးသေးသော၊ သမိုင်းတန်ဘိုးဆိုသည်ကို နားလည်လောက်သည့် အသိဉာဏ်ပညာ မဖွံ့ဖြိုးသေးသောလက္ခဏာဖြစ်၏။ ကျနော်တို့ ကြိုက်သည်ဖြစ်စေ၊ မကြိုက်သည်ဖြစ်စေ သမိုင်းနှင့်အတူသမိုင်းဝင်ခဲ့ သမိုင်းတွင်ခဲ့သည့် အမည်များသည် သမိုင်းနှင့်ရှင်သန်နေရမည်လည်းဖြစ်၏။

အတွေးအခေါ်၊ နိုင်ငံရေး၊ သမိုင်းစသည်များနှင့်ဆိုလျှင် အစွဲအလမ်းကြီးခြင်းနှင့် အညှာလွယ်လွန်းခြင်းတို့သည် ကိစ္စ ကောင်းမဟုတ်ဟုထင်မိ၏။ ယုံကြည်ချက်အပေါ်ခိုင်မာခြင်းနှင့်အစွဲအလမ်းကြီးခြင်းသည် ကိစ္စတခုစီဖြစ်၏။ တွေဝေခြင်း နှင့် တည်ငြိမ်ခြင်း၊ ပျော့ညံ့ခြင်းနှင့်ပျော့ပျောင်းခြင်း၊ ခိုင်မာခြင်းနှင့်တင်းမာခြင်းတို့သည် တခါတရံတွင်ခွဲရခက်၏။

ဗမာကနေ မြန်မာဟုပြောင်းပြောင်း၊ မြန်မာကနေ နောက်တခုခုကိုထပ်ပြောင်းပြောင်း နိုင်ငံရေးအရအနှစ်သာရ မပြောင်း လျှင် ဘာမှ မပြောင်း။ တိုင်းပြည်၏လက်ငင်းလိုအပ်ချက်နှင့် သမိုင်း၏တောင်းဆိုမှုသည် အနှစ်သာရပြောင်းရေးဖြစ်၏။ ဘာမှမပြောင်းခြင်းတွင် ဘာအပြောင်းအလဲမှမရှိခြင်းသည်မဆန်း။ ထို့ကြောင့်ပြောင်းရန်လို၏။ သို့သော် နာမည်မဟုတ်။

မျိုးမြင့်ချို

(လွန်ခဲ့တဲ့နှစ် ၆လပိုင်း ၃ ရက် ၂၀၁၁ က ရေးဖြစ်ခဲ့ပါတယ်)

naytthit.net