Saturday, April 6, 2013

ကြက်ဘဲ ၂ သောင်းကျော် တရုတ်သုတ်သင်

Ever November | 4/06/2013 10:43:00 AM | Best Blogger Tips
တရုတ်နိုင်ငံမှာ လူကိုသေစေနိုင်တဲ့ ကြက်ငှက်တုပ်ကွေး ရောဂါသစ် ပျံ့နှံ့ဖြစ်ပွားမှုကို ရပ်တန့်နိုင်အောင် ကြိုးစားတဲ့အနေနဲ့ ရှန်ဟိုင်းမြို့မှာ ကြက်ဘဲအသားရောင်းချမှုတွေကို ပိတ်ပင်ထားသလို ငှက် ၂ သောင်းကျော်ကိုလည်း စတင်သုတ်သင်ခဲ့ပါတယ်။

H7N9 အမျိုးအစား ကြက်ငှက်တုပ်ကွေး ဗိုင်းရပ်စ်သစ်ကြောင့် သေဆုံးသူဟာ သောကြာနေ့အထိ ၆ ယောက်ရှိသွားပြီလို့ ကျန်းမာရေးအရာရှိတွေက ပြောပါတယ်။ တရုတ်နိုင်ငံ အရှေ့ပိုင်းပြည်နယ် Zhejiang ခရိုင်မှာရှိတဲ့ Huzhou မြို့က အသက် ၆၄ နှစ်အရွယ် လယ်သမားတဦး သေဆုံးခဲ့တာ က နောက်ဆုံးဖြစ်ရပ် ဖြစ်ပါတယ်။

ဒီရောဂါပိုးကူးစက်ခံရသူ ၁၄ ယောက်ရှိနေပြီး ရောဂါပိုးဘယ်လိုပျံ့နှံခဲ့သလဲဆိုတာကို သိပ္ပံ ပညာရှင်တွေ အနေနဲ့ ရှာဖွေနိုင်ဖို့ အလှမ်းဝေးနေဆဲ ဖြစ်တယ်လို့ အစိုးရအရာရှိတွေ က ပြောပါ တယ်။ နောက်ဆုံး စမ်းသပ်မှုတွေအရကတော့ ဒီဗိုင်းရပ်စ်ပိုးဟာ လူကနေ တဆင့်တော့ ကူးစက်ပျံ့ ပွားနိုင်မှာ မဟုတ်ဘူးလို့ ကျန်းမာရေး အရာရှိတွေက ပြောဆိုထားပါတယ်။

H7N9 ဗိုင်းရပ်စ်ပိုး ကူးစက်ခံနေရသူဆီကနေ ဒီရောဂါကူးစက်ခံရတယ်လို့ ယူဆရတဲ့အမျိုးသား တယောက်ကို စမ်းသပ်ခဲ့တာမှာ လူလူချင်း ကူးစက်နိုင်ခြင်း မရှိဘူးဆိုတာကို ရှာတွေ့ခဲ့တာဖြစ်တယ်လို့ ရှန်ဟိုင်းဒေသ ရောဂါပိုး ထိန်းချုပ်ရေးနဲ့ ကာကွယ်ရေးဆိုင်ရာ အကြီးအကဲ Wu Fan က သောကြာနေ့ က ပြောဆိုလိုက်တာ ဖြစ်ပါတယ်။

ဟောင်ကောင်မှာပြုလုပ်ခဲ့တဲ့ စမ်းသပ်မှု ရလဒ်ကြောင့် လူလူချင်းကနေ ကူးစက်မှုတွေ ရှိနေပြီဆိုတဲ့ စိုးရိမ်ကြောက်ရွံ့မှုတွေကတော့ ရပ်သွားခဲ့ပါတယ်။ 
VOA

No comments:

England - Premier League

Italy - Serie A

Spain - Primera Division

Germany - Bundesliga

France - Ligue 1