Monday, April 8, 2013

မြောက်ကိုရီးယားနဲ့စစ်ရေးအခြေအနေ

Ever November | 4/08/2013 11:44:00 AM | Best Blogger Tips

မြောက်ကိုရီးယား ဟာလက်ရှိနိုင်ငံရေး အခက်အခဲတွေကို နောက်ဆုံးဖြေရှင်းတဲ့ အနေနဲ့ ဖဲသဘောနဲ့ ပြောရင် low hand နဲ့ all in လုပ်တဲ့ သဘောလို့ ဆိုရမယ်ထင်တယ်။

ဘာကြောင့်လဲဆိုတော့အရင်ကသူရဲ့ ကျောထောက်နောက်ခံဖြစ်တဲ့တရုတ်ကြီးဟာတချိန်က ပြုပြင်ပြောင်း

လဲရေးတွေလုပ်ဖို့ မက်လုံးတွေနဲ့ အတူ အမေရိကန်နဲ့ အနောက်နိုင်ငံတွေက ချမှတ်တဲ့ အရေးယူပိတ်ဆို့မှုတွေကို ကာကွယ်ပေးနေပေမဲ့ကျန်ခဲ့တဲ့ (failed) satellite launch. စမ်းသပ်မှု လုပ်ပြီးနောက်ပိုင်း တရုတ်ကြီး စိတ်ကောက်သွားကာ သူ့မွေးတဲ့ မျောက်ကို သူမနိုင်တော့လို UN ရဲ့ ချမှတ်ချက်တွေကို သဘောတူလာရာကနေ မြောက်ကိုရီးယား နိုင်ငံဟာ မလှုပ်သာမလူးသာ အကျပ်အတည်းတွေ့နေတာဖြစ်တယ်။

မေလ၆ရက်၂၀၁၂မှာ မြောက်ကိုရီးယားကသူရဲ့ နူကလီးယားစမ်းသပ်မှုတွေကို ပြန်လည်အကောင်အ
ထည်ဖော်မယ်လို့ ကြေညာလိုက်တာနဲ့ အတူ တောင်ကိုရီးယားနဲ့ အမေရိကန်တို့ဟာလဲ ပူးပေါင်းစစ်ရေးလေ့ကျင့်မှုတွေ ပြုလုပ်လာကြတာတွေ့ရတယ်မြောက်နဲ့တောင် ကိုရီးယား နှစ်ဖက်လုံးက နှစ်နိုင်ငံ ပေါင်းစည်းဖို့ထက် တနိုင်ငံက နိုင်ငံ သိမ်းယူဖို့ ထိန်းချုပ်ဖို့ ကြိုးစားကြကာ နှစ်ဖက်ခေါင်းဆောင်သစ်တွေကလဲ သူတို့ရဲ့ နိုင်ငံရေး စစ်ရေး စွမ်းအားကို သက်သေပြချင်နေကြတာဖြစ်တဲ့ အချိန်လို့မြင်တယ်။

တရုတ်ကြီးကလဲ ပေါင်းစည်းဖို့ထက် မြောက်ကိုရီးယားကို ပြုပြင်ပြောင်းလဲပြီး လက်ရှိအတိုင်း ရပ်တည်နေစေချင်ပုံပဲ ဒါကြောင့်လဲ အတော်လေးကာကွယ်ပြီးထောက်ပံခဲ့ပုံရပါတယ် ။

ဒါပေမဲ့ နူ လက်နက် စမ်းသပ်အောင်မြင်သွားတဲ့ အခါ တရုတ်ကြီးလဲ ဒေသတွင်း အန္တရာယ်ကို စိုးရိမ်တတ်လာပြီးUNနဲ့အနောက်နိုင်ငံတွေဘက်ပါလာတဲ့အတွက် မြောက်ကိုရီးယားအနေနဲ့အတော်လေး ကျပ်တည်းလာစေတယ် ။

နိုင်ငံတွင်းမှာလဲ ခေါင်းဆောင်သစ်ဖြစ်တဲ့ကင်ဂျုံအွန်းဟာပါတီတွင်းဗဟိုကော်မတီဝင်တွေကို ပြောင်းအလဲ
လုပ်ကာ ပါတီတွင်း အာဏာတည်ဆောက်လာပြီး ။ပြည်သူတွေရဲ့ ယုံကြည်မှုကို ရဖို့ နဲ့ ခေါင်းဆောင်မှုစွမ်းရေးကို ပြဖို့ လိုအပ်နေတဲ့ အချိန်လဲဖြစ်တယ် ။
အစိုးရနဲ့ ပါတီအတွင်း အပြောင်းအလဲတွေမှ စစ်တပ်ရဲ့ အခန်း ကဏ္ဏကိုလဲ လျော့ချလာတာတွေ့ရတယ်။

အထူးသဖြင့် ၂၀၁၀ နှစ်ဆန်းပိုင်းက ချ မှတ်ခဲ့တဲ့ စီပွားရေးဆိုင်ရာ ပေါ်လစီအပေါ် ပါတီနဲ့ စစ်တပ်တို့ သဘောထားကွဲလွဲမှု တွေရှိခဲ့ပြီး ၊ ဒီကွဲလွဲမှုတွေဟာ ခေါင်းဆောင်သစ်ကို အကြပ်ရိုက်စေခဲ့တယ်။
 
နောက်ဆုံးပြုလုပ်ခဲ့တဲ့ ဗဟိုအစည်းအဝေးမှာ နိုင်ငံရဲ့ စီးပွားရေးကို စနစ်တကျပြုပြင်ပြောင်းလဲမှု လုပ်ဖို့
မူဝါဒ အသစ်တွေ အပြင် ။ နုလက်နက် တွေ ကိုအဆင့်မြင့်ဖို့ အစီအစဉ်တွေလဲထုတ်ပြန်ကြေညာခဲ့
တယ်။

ဗဟိုအစိုးရအသစ်အနေနဲ့ ချမှတ်ထားတဲ့ မူဝါဒအသစ်တွေကို အကောင်အထည်ဖော်ဖို့ ဘဏ္ဏာရေး အခက်အခဲနဲ့ နိုင်ငံတကာရဲ့ စီးပွားရေး ပိတ်ဆို့မှုတွေကို ဖြေလျော့နိုင်ဖို့ လိုအပ်နေတာဖြစ်တယ် ။

ဒီလို အကျပ်အတည်းကို ဖြေရှင်းဖို့ တခုတည်းသောနည်းက လက်တလော ပူးပူးနွေးနွေး စမ်းသပ်အောင်မြင်လိုက်တဲ့ နူကလီးယား လက်နက်နဲ့ ခြိမ်းခြောက်ပြီး နိုင်ငံတကာနဲ့ ဆွေးနွေးမဲ့ စားပွဲဝိုင်းပေါ်မှာ advantageရအောင်လုပ်ယူနေတာလို့ မြင်တယ်။

အမေရိကန်ကို တိုက်မယ်ကြွေးကျော်ပေမဲ့ မြောက်ကိုရီယားမှာရှိတဲ့ နူ လက်နက် ဟာ ၁၀ ဂဏန်းလောက်ပါ ဒါတောင် ဒုံးပျံမှာ တပ်ဆင်ပီး ပစ်ခတ်မစမ်းသပ်ရသေးပါဘူး ။အမေရိကန်မှာ စမ်းသပ်ပြီး ကောင်းစွာပစ်ခတ် အလုပ်လုပ်နိုင်တဲ့ နူ က ၄၅၆၀ လုံးအဆင်သင့်ရှိပါတယ် ။ဆင်နဲ့ ဆိတ်မက ကွာနဲ့ အနေအထားဆိုတာ လူတိုင်းသိတဲ့ ကိစ္စဖြစ်တယ် ။ မြောက်ကိုရီးယားရဲ့ ဒုံးလက်နက်တွေဟာ အမေရိကန် မိန်းလန်းတွေကို ရောက်အောင်လောက်ထိ စွမ်းရည်မရှိသလို လေယာဉ်နဲ့သယ်ပြီး ဗုံးသွားကြဲဖို့ဆိုတာလဲ ဖြစ်နိုင်စရာအကြောင်းမရှိဘူးပါ ။ သူပြဿနာရှာနိုင်ရင် ဒေသတွင်းလောက်သာ ပတ်ပြဿနာရှာနိုင်ပါတယ် ။

တကယ်တမ်းဖြစ်လာခဲ့ရင်အမေရိကန်အနေနဲ့အချိန်၃ရက်မကြာပဲ မြောက်ကိုရီးယားကို ပြုတ်ပြုတ်ပြုန်းအောင် တိုက်နိုင်ပါတယ်။ဒါဆိုဘာကြောင့် မြောက်ကိုရီးယားက အမေရိကန်ကို စိန်ခေါ်ရဲတာပါလဲ… အဖြေကရှင်းပါတယ် ထောက်ကင်း ရှိနေလို့ပါ။ အဲ့ဓီထောက်ထားတဲ့ ကင်းဟာ အနီးနားက တောင်ကိုရီးယားနဲ့ ဂျပန်ပါ။

တကယ်တမ်းဖြစ်ကြရင် မြောက်ကိုရီးယားကဆုံးရှုံးစရာသိပ်မရှိပေမဲ့ တောင်ကိုရီးယားဟာ မြောက်ကိုရီယား
ထက် လူဦးရေ ၂ဆ ရှိသလို ဖွံ့ဖြိုးမှုမှာလဲ အဆ ၄၀ ကွာပါတယ် ။တောင်ကိုရီးယားရဲ့ လူဦးရေ ထက်ဝက်ဟာ မြောက်ကိုရီးယားနိုင်ငံနဲ့ လေယာဉ်၃မိနစ်ခရီးလောက်မှာ နေထိုင်ကြတာဖြစ်သလို တောင်ကို
ရီးယား မြို့တော် ဆိုးလ်ဟာလဲ မိုင် ၃၀ သာဝေးပါတယ် ။ မြောက်ကိုရီးယား မြို့တော် ပြုံယမ်း ဟာ နှစ်နိုင်ငံနယ်နိမိတ်နဲ့ မိုင် ၇၀ သာဝေးပါတယ် ။

ဒါကြောင့်မို့ တကယ် စစ်ပွဲသာဖြစ်ခဲ့ရင် တောင်ကိုရီးယားအတွက် နစ်နာ ဆုံးရှုးံမှုက အတော်ကြီးမှာဖြစ်သလို လူသန်းပေါင်းများစွာ အသက် စတေးရမှာဖြစ်ပါတယ် ။အထူးသဖြင့် ကမ္ဘာနိုင်ငံတွေပါ စီးပွားရေး အကျပ်အတည်း ပြဿနာနဲ့ ရင်ဆိုင်ရမှာဖြစ်တယ် ။
ဒါတွေကို သိတဲ့ မြောက်ကိုရီးယားဟာ ဒီအချက်တွေကို ဝင့်ဝင့်ထည်ထည် အသုံးပြုကာ နိုင်ငံရေး ကစားလာတာလို့မြင်ပါတယ် ။

ဒီကစားကွက်ဟာ မြောက်ကိုရီးယားအတွက် အရူံးနဲ့ အနိုင် အရဲစွန့်ကစားရတဲ့ low hand နဲ့ all in ပွဲဖြစ်ပြီး ။ ဒီဟာရဲ့ တဖက်မှာ မြောက်ကိုရီးယားရဲ့ နိုင်ငံရေး ပြောင်းလဲမှု အတွက် ကွေ့တခုဖြစ်လာလိမ့်မယ်လို့ ကျွန်တော့အနေနဲ့ သုံးသပ်မိတယ်ဗျ ။
နောက်တချက်အနေနဲ့ မြောက်ကိုရီးယားဟာ တကယ်တန်းစစ်ဖြစ်ချင်ရင် သူရဲ့ အမေရိကန်ကို တိုက်ခိုက်မဲ့“U.S.MainlandStrikePlan” တွေမီဒီယာ ပေါ်ရောက်လာစရာအကြောင်းရှိပမလား တွေးနေ
မိတယ် ။

ဒါပေမဲ့ကျွန်တော့် ဖေဖေဆုံးမဖူးတာတခုတော့ရှိတယ်။ဘဝမှာဘာမှမျော်လင့်ချက်မရှိတော့ပဲ လောကကြီး
ကို နာကျည်းနေတဲ့ လူတယောက်နဲ့တော့ ပြဿနာဖက်မဖြစ်နဲ့တဲ့ သူ့ကိုယ်သူ သေမထူးနေမထူးလို့ သက်မှတ်ထားပြီး ငါတို့လဲသေ အားလုံးလဲ ပျက်စီးဆိုတဲ့ မူနဲ့ လုပ်ရင်တော့ မပြောတတ်ဘူးဗျာ :(

ကျွန်တော် အားလုံးကို လိုက်မဖတ်နိုင်လို့ ကျွန်တော် မမြင်တဲ့ အချက်အလက်များရှိရင်လဲ သူငယ်ချင်းတို့ရဲ့ အမြင်လေးတွေကို ဆွေးနွေးပေးပါဦး...

အညတရ မင်းဆရာ

moethihaaung blog

No comments:

England - Premier League

Italy - Serie A

Spain - Primera Division

Germany - Bundesliga

France - Ligue 1