ရန်ကုန်မြို့တော် လျှပ်စစ်
ဓာတ်အားပေးရေးရုံးချုပ်အနီးရှိ ဗို့အား(၆၆၀၀) ဓာတ်ကြိုး သုံးကြိုး
ပြတ်ကျမှုတစ်ခု ယနေ့ နေ့လယ် ၃ နာရီက ဖြစ်ပွားခဲ့ပြီး လူထိခိုက်
ဒဏ်ရာရရှိမှုမရှိခဲ့ကြောင်းသတင်းရရှိသည်။
ဗို့အားပြင်း ဓာတ်ကြိုးသုံးကြိုးသည်
အလုံမြို့နယ် ၊ စောရန်ပိုင် (တောင်)ရပ်ကွက် လျှပ်စစ်
ဓာတ်အားပေးရေးရုံးချုပ် အနီးတွင် ပြတ်ကျ ခဲ့ခြင်းဖြစ်ပြီး
ပြတ်ကျသည့်ကြိုးအရှည်မှာဓာတ်တိုင် ငါးတိုင်စာခန့်ရှိကြောင်း အဆိုပါနေရာသို့
ရောက်ရှိနေသည့် 7Day Daily
သတင်းထောက်က ပေးပို့သည်။"အဲဒီလမ်းက လူသွားလူလာများတဲ့လမ်းပါ။ အလုံဈေးကို အဲဒီလမ်းကနေ ဖြတ်သွားဖြတ်လာလုပ်ကြတယ်။ ဒါပေမဲ့ လျှပ်စစ်ရုံးနဲ့နီးတဲ့အတွက် ဓာတ်အားကိုချက်ချင်းဖြတ်ချလိုက်လို့လူအထိအခိုက်မရှိဘူး"ဟု သတင်းထောက်က ပေးပို့ထားသည်။
ပြတ်ကျသွားသည့် ဓာတ်ကြိုးများကို
လျှပ်စစ်ဝန်ထမ်း သုံးဆယ်ဖြင့် ချက်ချင်းပင် ကြိုးသစ်ပြန်လဲ တပ်ကာ
ပြင်ဆင်နေပြီး ပြင်ဆင်ချိန် သုံးနာရီဝန်းကျင်ကြာမြင့်မည်ဟု
ရန်ကုန်မြို့တော် လျှပ်စစ်ဓာတ်အားပေးရေးရုံးချုပ်မှ အကြီးတန်းအရာရှိတစ်ဦးက
ပြောသည်။
7 Day Daily
No comments:
Post a Comment