တန်ဖိုးနည်း GSM လေးသန်းအတွက် ကျပ်ငွေဘီလီယံ ၅၀၀ အသုံးပြုခဲ့

ဖေဖော်ဝါရီလကုန်ပိုင်းတွင် စတင်ရောင်းချမည့် ကျပ်နှစ်သိန်းနှင့် သုံးသိန်းအကြား GSM လေးသန်းအတွက် ကျပ်ငွေဘီလီယံ ၅၀၀ အသုံးပြုခဲ့သည်ဟု မြန်မာ့ဆက်သွယ်ရေးလုပ်ငန်းမှ ဆိုသည်။
´´လက်ရှိသုံးနေတဲ့ GSM နှစ်သန်းနီးပါးအတွက် တာဝါတိုင် ၉၀၀ ကျော် နိုင်ငံတစ်ဝှမ်းလုံးမှာ စိုက်ထူခဲ့ပါတယ်၊ မိုဘိုင်းဖုန်း သန်း ၃၀ စီမံက်ိန်းရဲ့ ပထမနှစ် GSM လေးသန်းစီမံကိန်းအတွက် တာဝါတိုင် ၁၄၀၀ ကျော်နဲ့ တခြားအခြေခံအဆောက်အအုံတွေ အများကြီိးတိုးချဲ့ခဲ့ပါတယ်´´ဟု
မြန်မာ့ဆက်သွယ်ရေးလုပ်ငန်းမှ အင်ဂျင်နီယာချုပ်တစ်ဦးက ပြောသည်။
ငါးနှစ်တာ ကာလအတွင်း GSM သန်း ၃၀ ချထားပေမည့်စီမံကိန်းတွင် ပထမနှစ် လေးသန်း၊ ဒုတိယနှစ် ငါးသန်း၊ တတိယနှစ် ခြောက်သန်း၊ စတုတ္ထနှစ်
ခုနှစ်သန်းနှင့် ပဉ္စမနှစ်တွင် လိုင်းအရေအတွက် ရှစ်သန်းချထားပေးမည်ဖြစ်ပြီး လိုင်းအရေအတွက်ပေါ်မူတည်၍ ဈေးနှုန်းများကျဆင်းသွားမည်ဖြစ် သည်ဟု သိရသည်။

´´GSM  တွေပေါ်ကာစက ဒေါ်လာ ၂၀၀၀၊ ၂၅၀၀ အဲဒီကနေ မြန်မာကျပ်ငွေ ၁၅ သိန်းငါးသောင်းအထိ လျှော့ချပေးခဲ့တယ်၊ ၁၅ သိန်းငါးသောင်းကနေ ကျပ် ငါးသိန်းအထိ ထပ်ဆင့်လျှော့ချပေးခဲ့တဲ့အတွက် အခု မြန်မာ့ဆက်သွယ်ရေးက ရောင်းပေးမယ်ဆိုတဲ့တန်ဖိုးနည်းGSM  ကျပ်နှစ်သိန်းနဲ့
သုံးသိန်းအကြားဖုန်းကိုလည်း အနိမ့်ဆုံးကျပ်နှစ်သိန်းနဲ့ ရောင်းပေးစေချင်ပါတယ်။  ဒါမှလည်း ကျပ် ၅၀၀၀တန်ဖုန်းမျှော်နေတဲ့
ပြည်သူတွေကို နှစ်သိမ့်ရာကျမှာပါ´´ဟု လက်ရှိကာလတွင်ရောင်းချပေးမည့်ကျပ် နှစ်သိန်းနှင့် သုံသိန်းအကြားဖုန်းအား ကျပ်နှစ်သိန်းဖြင့်
ရောင်းချပေးစေလိုသူ ကိုဇော်အောင်က ပြောသည်။

ဖြိုးဝေ( the street view )

From သစ်ထူးလွင်(MNN)