Sunday, July 15, 2012

မိတ္ထီလာခရိုင် ထွန်တုံးတိုက်ပွဲ ဆင်နွှဲဆဲ

Ever November | 7/15/2012 08:28:00 PM | Best Blogger Tips
မိတ္ထီလာမြို့ပြည်သူ့အကျိုးဆောင်ကွန်ယက်
သတင်းနှင့်ပြန်ကြားရေးဆပ်ကော်မတီ

၁၃၇၄ ခုနှစ်၊ပထမ၀ါဆိုလပြည့်ကျော်(၁၂)ရက်
(၂၀၁၂ ခုနှစ်၊ ဇူလိုင်လ (၁၅) ရက်)

မိတ္ထီလာခရိုင်အတွင်း အဓမ္မ လယ်ယာမြေများသိမ်းခံမှုကြောင့် (၁၄.၇.၂၀၁၂) ရက်နေ့အထိ လယ်သမားများက ထွန်တုံးတိုက်ပွဲ ကို ဆက်လက် တိုက်ပွဲဝင်လျှက်ရှိသည်။

ထွန်တုံးတိုက်ပွဲဆင်နွှဲနေသော တောင်သူများက မိမိတို့ပိုင်ဆိုင်ခဲ့ကြသော မိမိတို့ စိုက်ပျိုး ထွန်ယက်ခဲ့ကြသော လယ်ယာမြေများကို ယခု မိုးကာလ အမီ ပြန်လည် စိုက်ပျိုးနိုင်ရေး အတွက် တောင်းဆို ထွန်ယက်နေ ကြခြင်း ဖြစ်ပါသည်။

တောင်သူများ၏တောင်းဆိုမှုကို ဝင်ရောက်ဖြေရှင်းပေးမည်ဟု ပြောသော အုပ်ချုပ်ရေးမှုးများ၊ မြေစာရင်းဌါနမှ အရာရှိများက လယ်ယာမြေများနှင့်ပတ်သတ်ပြီး တိကျမှန်ကန်သည့် ရှင်းလင်းမှု နှင့်အဖြေကို ယနေ့ထိ မပေးနိုင်သေးပါ။

အကြိမ်ကြိမ် ညှိနှိုင်းမှုလုပ်နေသော်လည်း အာဏာရှိနေသူများက လယ်ယာမြေများ အဓမ္မ သိမ်းခံရမှုကြောင့် နစ်နာဆုံးရှုံးရသော လူအများစုအကျိုးအတွက် ရပ်တည်ဖြေရှင်းပေးမှုများကို ဒေသခံများမှ မျှော်လင့်လျှက် ရှိနေကြပါသည်။

အဖိနှိပ်ခံ တောင်သူလယ်သမားများသည် အဓမ္မ အသိမ်းခံထားရသော လယ်ယာမြေ များအတွက် နောက် မဆုတ်ဘဲ ဆက်လက်၍ တရားမျှတသောရလဒ်များ ပေါ်ထွက်လာသည်အထိ တောင်းဆိုသွားမည်ဟု ထုတ်ဖော်ထားကြသည်။

ကျွန်ုပ်တို့ မိတ္ထီလာမြို့ ပြည်သူ့အကျိုးဆောင်ကွန်ယက်သည် တောင်သူလယ်သမားများ၏ လှုပ်ရှားတောင်းဆိုမှု ကို စာနာနားလည်မှု အပြည့်ဖြင့် ရပ်တည်သွားမည် ဖြစ်သည်။

မိတ္ထီလာခရိုင်အတွင်းသာမဟုတ်ဘဲ မြန်မာပြည်တပြည်လုံးတွင် ဖြစ်ပေါ်နေသော အဓမ္မ လယ်ယာမြေ သိမ်းခံနေရမှုများကို သက်ဆိုင်သူ အားလုံးမှ အပြုသဘောဆောင် ဝိုင်းဝန်းဖြေရှင်းပေးရန် အထူးပင် လိုအပ်နေ ပါသည်။

တောင်သူ လယ်သမားများတို့၏ လှုပ်ရှားတောင်းဆိုမှုများအား ဖမ်းဆီးခြင်း၊ အကြမ်းဖက်ခြင်း၊ ခြိမ်းခြောက်ခြင်း တို့ဖြင့် ပြဿနာ ကို ပြေလည်အောင် ရှင်းလင်းနိုင်မည်မဟုတ်ပါ။

ထို့ကြောင့် မိတ္ထီလာမြို့ ပြည်သူ့ အကျိုးဆောင်ကွန်ယက် သည် ငြိမ်းချမ်းစွာ လှုပ်ရှားတောင်းဆိုမှုများနှင့် တရားမျှတသော ဖြေရှင်းဆောင်ရွက်မှုများကို တက်နိုင်သမျှ ပူးပေါင်းကူညီပေးသွား မည်ဖြစ်သည်။

irrawaddy blog

No comments:

England - Premier League

Italy - Serie A

Spain - Primera Division

Germany - Bundesliga

France - Ligue 1