မြန်မာနိုင်ငံကို ရောက်ရှိနေတဲ့ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ ကင်တားနားနဲ့ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်တို့ ဒီကနေ့ တက္ကသိုလ်ရိပ်သာလမ်း နေအိမ်မှာ တွေ့ဆုံ ဆွေးနွေးခဲ့ကြပါတယ်။
ပြောရေးဆိုခွင့်ရှိသူ ပြည်သူ့လွှတ်တော် ကိုယ်စားလှယ် ဦးအုန်းကြိုင်က
ဆွေးနွေးတဲ့ အကြောင်းအရာတွေကို တစုံတရာ ထုတ်ပြန်ခြင်း မရှိဘူးလို့
ပြောပါတယ်။
"မနက်က ၉ နာရီကနေပြီးတော့ ၁၀ နာရီခွဲအထိ
မစ္စတာ ကင်တာနားနဲ့ ကျွန်တော်တို့ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့
ဒေါ်အောင်ဆန်းစုကြည်ရဲ့နေအိမ်ခြံထဲမှာ ဆွေးနွေးကြတယ်။ ဆွေးနွေးပြီးတဲ့
အခါကျတော့ သတင်းစာ ဆရာများနဲ့ တွေ့ဆုံဖို့ မလုပ်ဘူး။ ဓာတ်ပုံသတင်းထောက်
တချို့တောင်မှ ခြံထဲကို ဝင်ပြီး ဓာတ်ပုံရိုက်ခွင့် မရဘူး။ မစ္စတာ
ကင်တားနားကလည်း ပြန်အထွက်မှာ တစုံတရာ သတင်းထောက်တွေရဲ့ မေးခွန်းကို
ဖြေကြားသွားတာ မရှိဘူး"
ဆွေးနွေးပွဲနဲ့ ပတ်သက်ပြီး တစုံတရာ ထုတ်ပြန်ခြင်း မရှိပေမယ့်
ဒေါ်အောင်ဆန်းစုကြည်နဲ့ မစ္စတာ ကင်တားနားတို့ဟာ ရခိုင်ပြည်နယ်က လက်ရှိ
ပြဿနာတွေကို အဓိကထားပြီး ထည့်သွင်း ဆွေးနွေးခဲ့ဖွယ် ရှိတယ်လို့
မြန်မာ့နိုင်ငံရေး အသိုင်းအ၀ိုင်းက ပြောဆိုနေကြပါတယ်။
မစ္စတာ ကင်တားနားဟာ ဒေါ်အောင်ဆန်းစုကြည်နဲ့ တွေ့ဆုံပြီးနောက် ညနေပိုင်းမှာ
နေပြည်တော်ကို ရန်ကုန်မြို့ကနေ ထွက်ခွာ သွားရောက်ကြောင်း ရန်ကုန် ကုလ
သမဂ္ဂရုံး ပြန်ကြားရေး တာဝန်ခံ ဦးအေးဝင်းက RFA ကိုပြောပါတယ်။
"မစ္စတာ ကင်တားနာက အခုကတော့ နေပြည်တော် သွားနေပါတယ်ခင်ဗျ။ မနက်ဖြန်ကျမှ နေပြည်တော်က အကြီးအကဲတွေနဲ့ တွေ့ပါမယ်"
မစ္စတာ ကင်တားနားဟာ ပြီးခဲ့တဲ့ ရက်တွေအတွင်း အင်းစိန်ထောင်ကို
သွားရောက်ခဲ့ပြီး ယုံကြည်ချက်ကြောင့် အကျဉ်းကျနေတဲ့ နိုင်ငံရေး
အကျဉ်းသားတချို့နဲ့ တွေ့ဆုံခဲ့သလို ၈၈ မျိုးဆက် ကျောင်းသား ခေါင်းဆောင်တွေ၊
တခြား ကျောင်းသား အဖွဲ့အစည်းတွေနဲ့လည်း တွေ့ဆုံခဲ့ပါတယ်။
ဒါ့အပြင် ရခိုင်ပြည်နယ်ကို သွားရောက်ခဲ့ပြီး စစ်တွေမြို့နဲ့
မောင်တောမြို့တွေက ရခိုင် တိုင်းရင်းသားနဲ့ မွတ်စလင် ဒုက္ခသည်တွေကို
သွားရောက် ကြည့်ရှုခဲ့ပါတယ်။ သူ့ရဲ့ ခရီးစဉ်အတွင်း မစ္စတာ ကင်တားနားဟာ သမ္မတ
ဦးသိန်းစိန်နဲ့ တွေ့ဖို့ စီစဉ်ထားသလို လူမှုအဖွဲ့အစည်းတွေနဲ့လည်း
တွေ့ဆုံမယ်လို့ သိရပါတယ်။
မြန်မာပြည်ကို ခြောက်ကြိမ်မြောက် ခရီးစဉ်အဖြစ် ရောက်ရှိလာတဲ့ မစ္စတာ
ကင်တာနားဟာ မနက်ဖြန် ညနေပိုင်းမှာ မြန်မာနိုင်ငံကနေ ပြန်လည်
ထွက်ခွာပါလ်ိမ့်မယ်။
RFA 
No comments:
Post a Comment