မြန်မာနိုင်ငံဖွံ့ဖြိုးတိုးတက်မှု ပူးပေါင်းဆောင်ရွက်ရေးဖိုရမ်ကို တက်ရောက်လာတဲ့ သမ္မတ ဦးသိန်းစိန်ပုံ
ကချင်လွတ်မြောက်ရေးအဖွဲ့ KIO နဲ့ မကြာမီ ကာလမှာ ငြိမ်းချမ်းရေးရယူပြီး နိုင်ငံရေး အရ တွေ့ဆုံဆွေးနွေးမှုတွေ စတင်နိုင်ဖို့ မျှော်လင့်ကြောင်း သမ္မတ ဦးသိန်းစိန် က ဒီကနေ့ ပြောကြားလိုက်ပါတယ်။
ဒီကနေ့ မနက်ပိုင်းက နေပြည်တော် MICC မှာ ကျင်းပတဲ့ မြန်မာနိုင်ငံ
ဖွံ့ဖြိုးတိုးတက်မှု ပူးပေါင်းဆောင်ရွက်ရေး ဖိုရမ်အစည်းအဝေးမှာ ဦးသိန်းစိန်
က အခုလို ထည့်သွင်းပြောကြားခဲ့တာ ဖြစ်ပါတယ်။
ဒါ့အပြင် KIO နဲ့ ငြိမ်းချမ်းရေးဆွေးနွေးဖို့ အစိုးရက
ထပ်မံကမ်းလှမ်းထားကြောင်း၊ တပ်မတော်ကိုလည်း စစ်ရေးအရှိန်ကိုရပ်ဆိုင်းဖို့
အမိန့်ပေးထားကြောင်း သမ္မတကြီး ဦးသိန်းစိန်က ပြောကြားခဲ့ပါတယ်။
အဲဒီအစည်းအဝေးပွဲကို တတ်ရောက်လာတဲ့ ပြည်ထောင်စုအဆင့်
ငြိမ်းချမ်းရေးဖော်ဆောင်ရေးလုပ်ငန်းကော်မတီ ဒုတိယ ဥက္ကဌ သမ္မတရုံးဝန်ကြီး
ဦးအောင်မင်းက KIO နဲ့ ငြိမ်းချမ်းရေးဆွေးနွေးဖို့ အလားအလာနဲ့ ပတ်သက်လို့
RFA ရဲ့ မေးမြန်းချက်ကို အခုလိုဖြေကြားခဲ့ပါတယ်။
“ကျနော်ကတော့ တံခါးဖွင့်ထားတာဘဲ၊ သူတို့ခေါ်တဲ့အချိန် သွားမှာဘဲ၊
ဒီနေ့ခေါ်ရင် ဒီနေ့သွားမှာဘဲ၊ အခုခေါ် အခုသွားမှာဘဲ၊ ကျနော့်ရဲ့တာဝန်ကတော့
ဒါဘဲ၊ ကျနော့်ဘက်က အဆင်သင့်ဘဲ”
နေပြည်တော် MICC မှာ ဇန်န၀ါရီလ ၁၉ရက် ဒီကနေ့ စတင်ကျင်းပတဲ့
မြန်မာနိုင်ငံ ဖွံ့ဖြိုးတိုးတက်မှုပူးပေါင်းဆောင်ရွက်ရေးဖိုရမ်
နှစ်ရက်ကြာအစည်းအဝေးကို နိုင်ငံခြားအကူအညီ အထောက်အပံ့စီမံခန့်ခွဲရေး
ဗဟိုကော်မတီက ဦးဆောင်ကျင်းပတာဖြစ်ပြီး ကုလသမဂ္ဂနဲ့ နိုင်ငံခြားသံတမန်တွေ၊
စီးပွားရေးလုပ်ငန်းရှင်တွေအပါအ၀င် လူပုဂ္ဂိုလ် ၆၀၀ကျော် တတ်ရောက်ခဲ့ပါတယ်။
RFA
No comments:
Post a Comment