Monday, January 7, 2013

နီပေါစစ်အရာရှိကို စစ်ရာဇ၀တ်မှုနဲ့ ဗြိတိန်မှာ ဖမ်းဆီး

Ever November | 1/07/2013 06:25:00 PM | Best Blogger Tips

နီပေါဗိုလ်မှူးကြီးတဦး ဗြိတိန်နိုင်ငံကိုအပန်းဖြေခရီးလာရောက်စဉ် ပြည်တွင်းစစ်အတွင်းက နှိပ်စက်ညှဉ်းပန်း ခဲ့မှုနဲ့ ဗြိတိန်ရဲက ဖမ်းဆီး အရေးယူထားပါတယ်။ နီပေါဗိုလ်မှူးကြီး ကူမာလာမာဟာ လက်ရှိမှာ ဆူဒန်တောင်ပိုင်းက ကုလသမဂ္ဂငြိမ်းချမ်းရေးတပ်မှာ တာဝန် ယူနေပြီး ဗြိတိန်ကို ခေတ္တ အလည်လာရောက်စဉ်မှာ တရားစွဲဆိုခံရ တာပါ။ ဒီကိစ္စအတွက် နီပေါနိုင်ငံ က အပြင်းအထန်ကန့်ကွက်လိုက်ပြီး သူ့ကို ချက်ခြင်းပြန်လွှတ်ပေးဖို့တောင်းဆိုလိုက်ပါတယ်။

နီပေါဗိုလ်မှူးကြီး ကူမာလာမာ ဟာ၂၀၀၅ ခုနှစ် ဧပြီနဲ့ အောက်တိုဘာလ အတွင်း နှိပ်စက်ညှဉ်းပန်းမှု ၂ ကြိမ်မှာ ပါဝင်ခဲ့တယ်ဆိုတဲ့ စွဲချက်နဲ့ စနေနေ့က တရားရုံးမှာ စတင်ရင်ဆိုင်နေရပါတယ်။

ကုလသမဂ္ဂက ပြဌာန်းထားတဲ့ နှိပ်စက်ညှဉ်းပန်းမှု ဆန့်ကျင်ရေး သဘောတူညီချက်ကို သဘောတူ လိုက်နာဖို့ ခွင့်ပြုထားတဲ့ ဗြိတိန်ရဲ့ ၁၉၈၈ ခုနှစ် ရာဇ၀တ်မှုကျင့်ထုံးဥပဒေအရ ကမ္ဘာဘယ်အရပ်မှာ ကျူး လွန်တဲ့ ညှဉ်းပန်းနှိပ်စက်မှုကိုမဆို ဗြိတိသျှမြေပေါ်မှာ ဖမ်းဆီးအရေးယူခွင့်ရှိပါတယ်။ ဒါကြောင့် လည်း ဗြိတိန်ကို ခေတ္တလာရောက်တဲ့ နီပေါစစ်အရာရှိကို စစ်ရာဇ၀တ်မှုနဲ့ တရားစွဲဆိုနိုင်တာပါ။

၉၀ နှစ်ပိုင်းကစပြီး ဖြစ်ပွားခဲ့ပြီး ၁၀ နှစ်ကြာမြင့်ခဲ့တဲ့ ပြည်တွင်းစစ်အတွင်း လူပေါင်းတသောင်း ၃ ထောင်ကျော် တိုက်ပွဲတွေအတွင်း သေဆုံးခဲ့ရတယ်လို့ ဆိုပါတယ်။ ၂၀၀၆ ခုနှစ်မှာ အစိုးရ နဲ့ ငြိမ်းချမ်းရေးယူခဲ့တဲ့ လက်နက်ကိုင် သူပုန်တွေဟာ နိုင်ငံရေးဖြစ်စဉ်မှာ ပါဝင်လှုပ်ရှားခဲ့ပြီး ၂ နှစ်အကြာ
မှာပြုလုပ်တဲ့ေ၇ွးကောက်ပွဲကနေ လွှတ်တော်မှာ နေရာအတော်များများ ရခဲ့ကြပါတယ်။
ဒါပေမဲ့ ၂၀၁၁ ခုနှစ်မှာ နိုင်ငံရေးအရတိုးတက်မှုဖြစ်စဉ် ရပ်တန့်နေကတည်းက စပြီး လူ့အခွင့် အရေး ချိုးဖောက်မှုတွေ အတွက် တာဝန်ခံမှုမရှိဘူးလို့ လူ့အခွင့်အရေးစောင့်ကြည့်အဖွဲ့က သတိပေးထားပါတယ်။

ပြည်တွင်းစစ်အတွင်း ဖြစ်ပွားခဲ့တဲ့ အစိုးရစစ်တပ်ရဲ့ လူ့အခွင့်အရေး ချိုးဖောက်မှုတွေအတွက် အစိုးရက တစုံတရာ အရေးယူဖို့ ပျက်ကွက်နှောင့်နှေးနေခဲ့တယ်လို့ ဆိုပါတယ်။ 

BBC

No comments:

England - Premier League

Italy - Serie A

Spain - Primera Division

Germany - Bundesliga

France - Ligue 1