မြန်မာ့အကြွေး ဒေါ်လာ ၆ ဘီလျံခန့် ကို ပြင်သစ်အခြေစိုက် Paris Club လျော်ပစ်

ပြင်သစ်နိုင်ငံ၊ ပဲရစ်မြို့အခြေစိုက်(Paris Club)က မြန်မာ့ကြွေးမြီ အမေရိကန်ဒေါ်လာ ၆ ဘီလျံနီးပါးကို လျော်ပစ်လိုက်ကြောင်း ဘဏ္ဍာရေးနဲ့ အခွန်ဝန်ကြီး ဦးဝင်းရှိန် က နေပြည်တော် စက်မှုဝန်ကြီးဌာနမှာ သတင်းမီဒီယာများကို ပြောကြားခဲ့စဉ်

ပြင်သစ်နိုင်ငံ၊ ပဲရစ်မြို့အခြေစိုက်(Paris Club)အပေါ် မြန်မာနိုင်ငံက တင်ရှိနေ တဲ့ကြွေးမြီ အမေရိကန်ဒေါ်လာ ၁ဝ ဘီလျံကျော်ထဲကနေ ၆ ဘီလျံနီးပါးကို Paris Club က လျော်ပစ်လိုက်ကြောင်း ဘဏ္ဍာရေးနဲ့ အခွန်ဝန်ကြီး ဦးဝင်းရှိန် က မနေ့က နေပြည်တော် စက်မှုဝန်ကြီးဌာနမှာ ကျင်းပခဲ့တဲ့ သတင်းမီဒီယာများ နဲ့ သက်ဆိုင်ရာ ဝန်ကြီးများတွေ့ဆုံပွဲမှာ ပြောကြားခဲ့ ပါတယ်။

၂ဝ၁၂ ခုနှစ် လွှတ်တော်မှာ တင်ပြချက်အရ မြန်မာနိုင်ငံရဲ့ နိုင်ငံခြားကြွေးမြီဟာ အတိုးပေးရမယ့်ငွေ အပါအဝင် စုစုပေါင်း ဒေါ်လာ ၁၅ ဘီလျံကျော်ရှိပြီး၊ ပြည်တွင်း ကြွေးမြီက ဒေါ်လာ ၁၂ ဘီလျံနီးပါးရှိခဲ့ပါတယ်။

အခုတော့ ဂျပန်နဲ့ နော်ဝေးနိုင်ငံတို့ရဲ့ကျေးဇူးကြောင့် နိုင်ငံခြားကြွေးမြီ ၆ ဘီလျံကျော် လျော့ချနိုင်ခဲ့ပေမဲ့  ပေးရမယ့် ကြွေးမြီ စုစုပေါင်း ၉ ဘီလျံကျော် ရှိနေသေးကြောင်း ဝန်ကြီး ဦးဝင်းရှိန် က ပြောပါတယ်။

အဲဒီကြွေးတွေဟာ ၁၉၈၈ ခုနှစ်မတိုင်မီ ယူထားတဲ့ကြွေး ၅ ဘီလျံကျော်နဲ့၊ ၁၉၈၈ ခုနှစ် နောက်ပိုင်း တရုတ်အပေါ် တင်ရှိခဲ့တဲ့ကြွေး ၃ ဘီလျံကျော် ဖြစ်ပါတယ်။ ဒါပေမယ့် ကမ္ဘာ့ဘဏ်နဲ့ အာရှဖွံ့ဖြိုးရေးဘဏ်တွေအပေါ် တင်ရှိနေတဲ့ကြွေးတွေကို ဂျပန်အကူအညီနဲ့ ပေးချေနိုင်ခဲ့ပြီဖြစ်လို့ နောက်ထပ်ချေးငွေသစ်တွေ ထပ်ချေးနိုင်ပြီဖြစ်ပြီး၊ အကူအညီ ရန်ပုံငွေတွေလည်း ရရှိတော့မှာဖြစ်ပါတယ်။

မနေ့က သတင်းမီဒီယာနဲ့ တွေ့ဆုံပွဲမှာ ဆောက်လုပ်ရေး ဒုဝန်ကြီး ဦးစိုးတင့်ကလည်း ရန်ကုန်မှာ တန်ဖိုးနည်းအိမ်ရာစီမံကိန်းကို စတင်အကောင်အထည်ဖော်နေကြောင်း ၊ သမ္မတရုံးဝန်ကြီး ဦးစိုးသိမ်းကလည်း  ပြည်သူတွေရဲ့ သဘောဆန္ဒကို စုံစမ်းမေးမြန်းပြီး ရန်ကုန်တိရိစ္ဆာန်ဥယျာဉ်ကို လှော်ကားဥယျာဉ်ဘက် ရွေ့ပြောင်းဖို့ အစီအစဉ်ရှိကြောင်း ပြောကြားခဲ့ကြပါတယ်။

တွေ့ဆုံပွဲကို ပြည်ထောင်စုဝန်ကြီးများဖြစ်တဲ့ ဦးစိုးသိန်း၊ ဦးခင်ရီ ၊ ဦးဝင်းရှိန်၊ ဦးဝင်းမြင့်တို့နဲ့အတူ စွမ်းအင်၊ ဆောက်လုပ်ရေး၊ လျှပ်စစ်၊ စက်မှု၊ ပြန်ကြားရေး၊ သစ်တော စတဲ့ သက်ဆုိုင်ရာ ဝန်ကြီးဌာနတွေက ဒုတိယ ဝန်ကြီးများလည်း တက်ရောက်ခဲ့ကြပြီး ပြည်တွင်းပြည်ပ သတင်းမီဒီယာ ၁ဝဝ နီးပါး သတင်းယူခဲ့ကြပါတယ်။

RFA