ဖွဲ့စည်းပုံအခြေခံဥပဒေသစ်အပေါ် မဲဆန္ဒပေးဖို့ ဇင်ဘာဘွေပြည်သူတွေ စောင့်ဆိုင်းနေစဉ်။ (မတ်လ ၁၆ ရက်၊ ၂၀၁၃)။
ဇင်ဘာဘွေနိုင်ငံရဲ့သမိုင်းမှာ ပထမဆုံးအကြိမ်အဖြစ် သမ္မတရာထူးသက်တမ်းကို ကန့်သတ်မယ့် ဖွဲ့စည်းပုံအခြေခံဥပဒေပေါ် လူထုဆန္ဒခံယူပွဲ မဲပေးတာတွေ ပြီးသွားပြီဖြစ်ပါတယ်။ အခုအဆိုပြုထားတဲ့ ဖွဲ့စည်းပုံအခြေခံဥပဒေသစ်က တကြိမ်ကို ၅ နှစ်ထမ်းဆောင်ဖို့ သတ်မှတ်ထားတဲ့ သမ္မတရာထူးသက်တမ်းကို ၂ ကြိမ် အထိပဲ ထမ်းဆောင်ခွင့်ပြုမှာ ဖြစ်ပြီး၊ အဲဒီထက်ပိုပြီး ရွေးချယ်ခံပိုင်ခွင့်ရမှာမဟုတ်ပါဘူး။
အသက် ၈၉ နှစ်ရှိပြီဖ်ြတဲ့ သမ္မတ ရောဘတ် မူဂါဘီ နဲ့ သူ့ရဲ့ ပြိုင်ဘက် ၀န်ကြီးချုပ် မော်ဂန် ချန်ဂရိုင်းတို့ နှစ်ယောက်စလုံးက ဒီအခြေခံဥပဒေမူကြမ်းကို ထောက်ခံထားတာကြောင့် အတည်ဖြစ်လာလိမ့်မယ်လို့ မျှော်လင့်နေကြပါတယ်။ လူထုဆန္ဒခံယူပွဲရဲ့ ရလဒ်ကို ၅ ရက်အတွင်း ကြေညာသွားနိုင်ဖို့ မျှော်လင့်တယ်လို့ ဇင်ဘာဘွေ အာဏာပိုင်တွေက ပြောပါတယ်။
မစ္စတာ မူဂါဘီဟာ ဇင်ဘာဘွေနိုင်ငံကို ဆယ်စုနှစ် ၃ ခုကျော်ကြာ အုပ်ချုပ်ခဲ့တာဖြစ်ပါတယ်။ အခုလက်ရှိ အခြေခံဥပဒေအရဆိုရင်တောင်မှ တကယ်လို့ နောက်ထပ်အရွေးခံရမယ်ဆိုရင် သူဟာ နောက်ထပ် ၁၀ နှစ်လောက် သမ္မတအဖြစ် ဆက်ရှိသွားမှာဖြစ်ပါတယ်။ ၀န်ကြီးချုပ် မော်ဂန်ချန်ဂရိုင်းကတော့ ဒီအခြေခံဥပဒေသစ်က အစိုးရအတွင်းမှာ မှန်မှန်ကန်ကန်လုပ်ဆောင်ခြင်း ရှိမရှိဆိုတာ အပြန်အလှန်ထိန်းညှိသွားနိုင်မှာဖြစ်တယ်လို့ ပြောပါတယ်။
VOA
No comments:
Post a Comment