“ NOAA (National Oceanic and Atmospheric Administration) ကထုတ်ထားတဲ့
နှစ်ပတ်စာ ခန့်မှန်းချက် ထဲမှာ မေလ ၂၃ ရက်ကနေ ဇွန်လ ၅ ရက်အတွင်း
ဘင်္ဂလားပင်လယ် အရှေ့အလယ်ပိုင်းနဲ့ အရှေ့တောင် ပိုင်း
မြန်မာ့ရေပြင်နဲ့ထိစပ်နေတဲ့ အပိုင်းမှာ မုန်တိုင်းဖြစ်မယ်လို့ ပါတယ်။
မိုးကြိုမှာဖြစ်တဲ့မုန်တိုင်း၊ ဘင်္ဂလား ပင်လယ်အော်မှာဖြစ်တဲ့
မုန်တိုင်းတွေရဲ့ ၃၆ ရာခိုင်နှုန်းက မြန်မာနိုင်ငံကိုဝင်တယ်။ အခုထိ
မြန်မာနိုင်ငံကို ၀င်မယ်လို့ ခန့်မှန်းချက် မရှိသေးပေမယ့်
သတိထားစောင့်ကြည့်ဖို့တော့ လိုတယ်”ဟု ဦးထွန်း လွင်က ၂၀၁၂ ခုနှစ်မိုးရာသီ၌
မြန်မာ့ဆန်စပါး စိုက်ပျိုးရာတွင် ကြုံတွေ့ရနိုင်မည့် အခက်အခဲများ ဆိုင်ရာ
ဆွေးနွေးပွဲတွင် ပြောကြားသွားခဲ့ သည်။
NOAA သည် သမုဒ္ဒရာများ နှင့် လေထုအခြေအနေကို စောင့်ကြည့်သည့် အမေရိကန်
အခြေစိုက် အဖွဲ့အစည်းဖြစ်သည်။ ပြီးခဲ့သည့် ၁၃၅ နှစ်အတွင်း မြန်မာနိုင်ငံကို
မုန်တိုင်း ၈၅ လုံးဝင်ရောက်ခဲ့ရာ ၎င်းတို့၏ ၅၁ ရာခိုင်နှုန်းမှာ မေလတွင်
ဖြစ်ပွားခဲ့ခြင်းဖြစ်သည်ဟု ဦးထွန်းလွင်က ဆိုသည်။
၂၀၁၂ ခုနှစ်သည် ရာသီဥတု ခန့်မှန်းရ ခက်ခဲလွန်းသဖြင့်
အလွန်ဆိုးသည်ဟုဆိုနိုင်ကြောင်း၊ ဇွန်၊ ဇူလိုင်၊ သြဂုတ်လများတွင်
ရွာသွန်းနေကျ မိုးရေချိန်အောက်ပိုမည်၊ လျော့မည်၊ ရွာသွန်းမြဲဖြစ်မည်ဟု
အဖြေထုတ်ရန် လုံလောက်သည့် အထောက်အထား မတွေ့ရကြောင်း ၎င်းက ထပ်မံပြောကြားသည်။
ယခုနှစ်တွင် မြန်မာနိုင်ငံ အောက်ပိုင်း တနင်္သာရီတိုင်းသို့
မုတ်သုံဝင်ရောက်မြဲအချိန် မေလ ၅ ရက် နေ့တွင် ၀င်ရောက်ခြင်းမရှိဘဲ မေလ ၁၉
ရက်နေ့မှ ၀င်ရောက်ခဲ့သဖြင့် မုတ်သုံနောက်ကျပြီး အားနည်းနေကြောင်း သိရသည်။
“မုတ်သုံက တောင်ပိုင်းကိုပဲ ၀င်တယ်။ မြစ်ဝကျွန်းပေါ်
အလယ်ပိုင်းနဲ့မြောက်ပိုင်းတွေကို ၀င်ဖို့ ကျန်သေးတယ်။ မုတ်သုံက
အင်ဒိုနီးရှားကနေ ပါကစ္စတန်ထိ ၀င်ရတာဖြစ်တယ်။ မုတ်သုံအ၀င်ကြမ်းမှ နောက်
ငါးလဆက်တိုက် မိုးရွာတယ်။ မုတ်သုံက ကိုယ့်ဘာသာကိုယ် မ၀င်နိုင်ရင်
မုန်တိုင်းအကူလာတယ်။ မုန်တိုင်းမလာရင် မြန်မာနိုင်ငံအလယ်ပိုင်း၊
မြောက်ပိုင်းတွေကို မုတ်သုံ မရောက်တော့ဘူး”ဟု ၎င်းကဆက်လက် ပြောကြားခဲ့သည်။
ဘင်္ဂလား ပင်လယ်အော်တွင် ဖြစ်ပေါ်မည်ဟု ခန့်မှန်းထားသည့် မုန်တိုင်းသည်
ဇွန်လဆန်းတွင် ဖြစ်ပေါ်ပါက မိုးတွင်းသို့ရောက်ရှိသွားပြီဖြစ်သဖြင့်
အစဉ်အလာအရ မြန်မာနိုင်ငံကို ၀င်ရောက်ဖွယ်မရှိတော့ ကြောင်းလည်း သိရသည်။
EMG
No comments:
Post a Comment