လတ်တလောမှာ ပုလဲဝင်းက ဒါရိုက်တာ ညီညီထွန်းလွင် ရိုက်ကူးတဲ့ 'သွားလူဆိုး ဒါမျိုးတော့
တတ်တယ်' ဆိုတဲ့ ရုပ်ရှင်ကားကြီး မှာ ကျော်ရဲအောင် ၊ပြေတီဦး၊နေမင်း၊ အိန္ဒြာကျော်ဇင်၊ စိုးမြတ်သူဇာ တို့နဲ့အတူ ပါဝင်ထားပြီး မကြာခင်ရုံတင်ပြသတော့ မှာ ဖြစ်ကြောင်း ပြောပါတယ်။
ရုပ်ရှင်ကားကြီးမှာ မြန်မာ့ကျေးရွာ ဓလေ့ ပွဲတော်များ ကို ဖော်ကျူးထားတဲ့ ကားလည်းဖြစ်ကြောင်း ပြောပါတယ်။ ဒီဇာတ်ကားကြီးမှာ နေမင်းကို တစ်ဖက်သတ် ကြိုက်တဲ့ ရွာက ခပ်ကြောင်ကြောင် ကောင်မလေး နေရာကနေ သရုပ်ဆောင်ထားကြောင်း လည်း ပုလဲဝင်း ကပြောပါတယ်။ ဇာတ်လမ်းကိုလည်း ရွေးချယ်ပြီး ရိုက်ကူးဖြစ်နေတဲ့ အတွက် ဇာတ်ကား ရိုက်ကူးမှုတွေ ကျဲသွားရခြင်း အကြောင်း ကို ပုလဲဝင်းက''တစ်လမှ ၁ကား၊၂ကား လောက်ပဲ ပုံမှန် ရိုက်ဖြစ် ပါတယ်။ အဲဒါကြောင့် ဇာတ်ကား ရိုက်ကူးမှုတွေ ကျဲသွားတာပါ။ ကိုယ့်ကို လာငှားတဲ့ ကားတွေ ကို လက်ခံဖြစ်ပါတယ်။ အဓိက ကတော့ ဒီလပိုင်းမှာ အမေရိက ခရီးသွားဖို့ရှိတယ် ဆိုတော့ ကြိုပြီး လက်မခံထားဘူး။ အဲဒါကြောင့် ဒီကြားထဲမှာ လက်မခံထားရဲဘူး။ ကိုယ်ထွက်သွားရင် ကိုယ့်ဘက် က ပျက်ကွက် သွားမယ်လေ။ ဒီကြားထဲမှာလည်း ကိုယ့်ဘာသာ လုပ်လို့ ရတဲ့ စီးရီးကိုလုပ်ဖြစ်နေတယ်။ ရိုက်ထားတဲ့ ကားတွေကလည်း မထွက်သေးတဲ့ ကားတွေရှိတယ်။ ငှားတဲ့ကားတွေကိုတော့ ရိုက်ဖြစ်ပါတယ်။ ဇာတ်လမ်းကတော့ ထိုက်သင့်သလောက်တော့ ရွေးချယ် ပါတယ် ။ ရွေးချယ်တယ် ဆိုတာ ကိုယ့်အတိုင်းအတာ ကိုယ့်အနေအထား နဲ့ပေါ့။ လုပ်ခွင့်ရတဲ့ သရုပ်ဆောင်မှုမျိုး၊ ကိုယ်ပါဝင်ရတဲ့ ဇာတ်ကားက အကျိုး သက်ရောက်မှု ရှိတာမျိုး၊ ဇာတ်ကားမှာ ဘယ်လောက်ပံ့ပိုးပေးနိုင်လဲ အဲဒါကို ကြည့်ပြီး ရိုက်ဖြစ်တယ်။ ကိုယ်ပါဝင်ရတဲ့ အခန်းက ဇာတ်ကားကို ပံ့ပိုးပေးနိုင်မှု မရှိဘူး၊ သိပ်ပြီး လုပ်ကွက် မရှိတာမျိုးဆိုရင် သရုပ်ဆောင် တစ်ယောက် ဆိုတာမျိုး မလုပ်ချင်ဘူး။ ကိုယ်လုပ်ရတဲ့ နေရာလေးက လုပ်ကွက် ရှိလား၊ ဇာတ်လမ်းကို ပံ့ပိုးပေးနိုင်လားဆိုတာကို ကြည့်ပြီးရွေးချယ် ပါတယ်'' လို့လည်း ပြောပါတယ်။
ပုလဲဝင်းက သရုပ်ဆောင်အပြင်တစ်ကိုယ်တော် စီးရီး လည်း ပြင်ဆင်နေ ပါတယ်။ တစ်ကိုယ်တော် စီးရီးမှာ ဇဝါ၊ဖိုးကာ၊ ရဲလေး၊ ဆိုတေး၊ နေရောင် တို့ကသီချင်း များ ရေးစပ်ပေးထားကြောင်းသိရပါတယ်။ ကိုယ်တိုင်ရေးထားတဲ့ သီချင်းလည်း တစ်ပုဒ်ပါဝင် မှာ ဖြစ်ကြောင်း လည်းပြောပါတယ်။ နယ်တွေမှာ သွားဖျော်ဖြေတဲ့အခါမှာ လည်း ကိုယ်ပိုင်သီချင်းတွေနဲ့ ဖျော်ဖြေချင်ပါ စီးရီးထုတ်ရတာ ဖြစ်ကြောင်း လည်း ပြောပါတယ်။ စီးရီးမှာ အချစ်သီချင်းပုံစံလေးတွေ အများဆုံး ပါဝင် မှာဖြစ်ပြီး အချစ်ရေး ကတော့ ထွေထွေထူးထူး မရှိသေးကြောင်း လည်း ပြောပါတယ်။
BY POPULAR NEWS
No comments:
Post a Comment