Sunday, June 17, 2012

အင်တာနက်ကုမ္ပဏီများက IPv6 အင်တာနက်လိပ်စာသစ်များကို ပြောင်းလဲအသုံးပြုခဲ့

Ever November | 6/17/2012 09:16:00 PM | Best Blogger Tips
မျိုးဆက်သစ် အင်တာနက်နည်းပညာဖြစ်သည့် IPv6 ကိုကမ္ဘာ့ IPv6 စတင်အသုံးပြုသည့်နေ့ (World IPv6 Launch Day) ဖြစ်သည့် ဇွန်လ ၆ ရက်က အင်တာနက်ကုမ္ပဏီများမှ ပြောင်းလဲအသုံးပြုခဲ့ကြသည်။ အဆိုပါနေ့တွင် ကုမ္ပဏီအချို့က Internet Protocol version 6 (IPv6) ကိုပြောင်းလဲအသုံးပြုခဲ့ကြပြီး
အဆိုပါကုမ္ပဏီများတွင် Microsoft,Facebook,Googleနဲ့Yahooစသည့်ကုမ္ပဏီများပါဝင်ကြောင်းသိရသည်။ IPv6 ဟုခေါ်သည့် Internet Protocol version 6 သည် အင်တာနက်လိပ်စာမလုံလောက်သည့် IPv4 ထက် ကွန်ရက်လိပ်စာများကို ပိုမိုထောက်ပံ့ပေးနိုင်ခြင်းကြောင့် ထုတ်ကုန်သစ်များအတွက် အင်တာနက်လိပ်စာ မလုံလောက်သည့်ပြဿနာအား ကာကွယ်ပေးနိုင်မည်ဖြစ်သည်။ သုံးစွဲသူများသည် ၎င်းတို့၏ web အသုံးပြုမှုများတွင် မည်သည့်ပြောင်းလဲမှုကိုမျှ ဂရုပြုမိမည်မဟုတ်ကြောင်းနှင့် ထုတ်ကုန်သစ်များတွင် အဆိုပါစနစ်သစ်ကို စံအနေဖြင့်အသုံးပြုသင့်ကြောင်း ကျွမ်းကျင်သူများကပြောကြားခဲ့သည်။ အင်တာနက်အသုံးပြုနိုင်သည့် ထုတ်ကုန် (device) များဖြစ်သည့် ကွန်ပျူတာ၊ tablet နှင့် စမတ်ဖုန်းများသည် အင်တာနက်သို့ချိတ်ဆက်ရန်အတွက် ကိုယ်ပိုင် IP လိပ်စာလိုအပ်ပြီး IP လိပ်စာများကုန်ဆုံးခြင်းကြောင့် အိမ်တစ်အိမ်တည်းရှိ ကွန်ပျူတာအများအပြားကဲ့သို့သော ထုတ်ကုန်အများအပြားတွင် လိပ်စာများကို ဝေမျှအသုံးပြုကြရကြောင်း သိရသည်။ ကွန်ရက်ကုမ္ပဏီကြီးဖြစ်သည့် Cisco ကမူ ၂၀၁၆ ခုနှစ်တွင် အင်တာနက်အသုံးပြုနိုင်သည့် ထုတ်ကုန် ၁၈.၉ ဘီလီယံရှိနိုင်မည်ဟု ခန့်မှန်းထားသည်။ IPv6 သို့ ပြောင်းလဲအသုံးပြုခြင်းအတွက် အင်တာနက်လိပ်စာ ထရီလီယံ (သန်းပေါင်းတစ်သန်း) အသုံးပြုနိုင်မည်ဖြစ် သည်။ 
ရေးသားသူ -နောင်နောင်
Internet Journal

No comments:

England - Premier League

Italy - Serie A

Spain - Primera Division

Germany - Bundesliga

France - Ligue 1