၂၀၁၂ ခုနှစ် ဇူလိူင်လ ၁ ရက်က ပြည်သူ့လွှတ်တော် ဥက္ကဋ္ဌ သူရ ဦးရွှေမန်းနှင့်
၈၈ မျိုးဆက်ကျောင်းသားများ တွေ့ဆုံစဉ်။
မြန်မာနိုင်ငံရေးမှာ ပါဝင်ပတ်သက်သူတွေ အချင်းချင်း ယုံကြည်မှုတွေ ရရှိကြပြီး အထွေထွေ သဟဇာတ ဖြစ်မြောက်ရေးအတွက် ပြည်သူ့ လွှတ်တော် ဥက္ကဋ္ဌ သူရ ဦးရွှေမန်း နဲ့ (၈၈) မျိုးဆက်ကျောင်းသားများ အဖွဲ့တို့ ဒီကနေ့ တွေ့ဆုံဆွေးနွေးကြ ပါတယ်။
အဲဒီဆွေးနွေးပွဲဟာ ပွင့်လင်းပြီး အပြုသဘော ရှိကြတယ်လို့
တက်ရောက်ကြသူတွေထဲ ပါဝင်တဲ့ (၈၈) မျိုးဆက် ကျောင်း သား
ခေါင်းဆောင်တစ်ဦးဖြစ်သူ ကိုကိုကြီး က ပြောပါတယ်။
"အဓိက ပြောဖြစ်တာကတော့ အလုပ်သမား ကိစ္စ၊
နောက် ဒီလယ်ယာမြေ နဲ့ ပတ်သက်တဲ့ ကိစ္စတွေ အစရှိသဖြင့် လက်ရှိ ကျွန်တော်တို့
နိုင်ငံမှာ ဖြစ်နေတဲ့ ပြဿနာတွေပေါ့လေ။ အဲဒီမှာ လွှတ်တော်ကနေပြီး ဒီဥပဒေတွေ
ပြင်ဆင်တာ၊ ပြဋ္ဌာန်းတာ၊ ဖြည့် စွက် တာ၊ ပြန်သုံးသပ်တာ အစရှိသဖြင့်ပေါ့။
အဲဒါတွေကို တကယ် အသက်ဝင်လာဖို့ အာဏာကြီး သုံးရပ်ဖြစ်တဲ့ ဥပဒေပြု၊
အုပ်ချုပ်ရေး မဏ္ဍိုင်၊ တရားစီရင်ရေး မဏ္ဍိုင်၊ ဒီ ၃ခု ပြန်လှန်
ထိန်းကျောင်းပြီးတော့ စစ်ဆေးတဲ့ check and balance တွေ အားကောင်းဖို့
ကျွန်တော်တို့ နိုင်ငံရေး အင်အားစုတွေ အပိုင်းက လူထု ယုံကြည်ထောက်ခံမှု
ရထားတဲ့ moral authority ကို ဒီဘက် အုပ်ချုပ်ရေး အာဏာ ရထားတဲ့
ပုဂ္ဂိုလ်တွေနဲ့ အထွေထွေ သဟဇာတ ဖြစ်မှုဟာ ကျွန်တော်တို့ နိုင်ငံတော် ပြုပြင်
ပြောင်းလဲ ရေး အတွက် အရေးကြီး တယ်။ ဒါ ကျွန်တော်တို့ အားလုံး ပူးပေါင်း
ဆောင်ရွက်ဖို့ လိုတယ်ဆိုတာ ပြောခဲ့တာပါ။"
ရန်ကုန်မြို့ ရွှေဂုံတိုင်တာဝါမှာ ရှိတဲ့ ပြည်သူလွှတ်တော် ဥပဒေရေးရာ
သုံးသပ်ရေး ရုံးခွဲမှာ ပြည်သူ့ လွှတ်တော် ဥက္ကဋ္ဌ သူရ ဦးရွှေမန်း နဲ့
ဆွေးနွေးကြတဲ့အထဲမှာ (၈၈) မျိုးဆက် ကျောင်းသား ခေါင်းဆောင်တွေ ဖြစ်ကြတဲ့
ကိုမင်းကိုနိုင်၊ ကိုမြအေး၊ ကိုပြုံးချို၊ ကိုဂျင်မီ နဲ့ ကိုအံဘွယ်ကျော်
တို့လည်း ပါဝင်ကြပါတယ်။
RFA
No comments:
Post a Comment