အင်္ဂါဂြိုဟ်ပေါ် လှည့်လည်နေသော Curiosity စူးစမ်းလေ့လာရေးယာဉ် ဘီးရာများ။ (၀၈၊၂၂၊ ၁၂)
အင်္ဂါဂြိုဟ်ပေါ်မှာ ရောက်နေတဲ့ အမေရိကန် အာကာသ စူးစမ်းရေးယာဉ် Curiosity ပထမဆုံး ဂြိုဟ်ပေါ်မှာ စမ်းသပ်မောင်းနှင်မှု အောင်မြင်သွားပါပြီ။
ဘီးတပ် Curiosity ယာဉ်ဟာ ဗုဒ္ဓဟူးနေ့တုန်းက ၁၅ ပေလောက် ရွေ့လျားသွားခဲ့ပြီး နောက် ကို ပြန်လှည့်ကာ နောက်ထပ် ၈ ပေလောက် အင်္ဂါဂြိုဟ်ပေါ်မှာ မောင်းနှင်ခဲ့တယ်လို့ အမေရိကန် အာကာသစူးစမ်းရေးဌာန NASA ကပြောပါတယ်။
စီစဉ်ထားတဲ့အတိုင်း Curiosity ယဉ်မောင်းနှင်ခဲ့တဲ့ ပုံစံကိုလဲ Computer ပေါ်မှာ ပုံဖော် သရုပ်ပြခဲ့ ပါတယ်။ Curiosity က ရိုက်ပြီး ကမ္ဘာမြေကို ပြန်ပို့လိုက်တဲ့ ဓာတ်ပုံတွေထဲမှာ မြင်ရတဲ့ယာဉ်ရဲ့ ဘီးရာတွေ ကိုလည်း NASA သိပ္ပံပညာရှင်တွေက ပြသခဲ့ပြီး အင်္ဂါဂြိုဟ်ပေါ်က မြေတွေဟာ တင်းနေတယ်ဆိုတာကို အခိုင်အမာ ပြောနိုင်ပြီလို့ ပြောခဲ့ပါတယ်။
အင်္ဂါဂြိုလ် မြေနမူနာတွေကိုလည်း ယူနိုင်ခဲ့ပြီး အစစအရာရာ အင်မတန် ချောမွေ့ခဲ့တယ်လို့ NASA က ပြော ပါတယ်။ အင်္ဂါဂြိုဟ်ရဲ့ ပထဝီအနေအထား၊ ရာသီဥတု၊ ရေဒီယို သတ္တိကြွမှုအဆင့်တွေကို တိုင်းတာ စုံစမ်းနိုင်တဲ့ စက်ကိရိယာတွေကို Curiosity ယဉ်မှာ တပ်ဆင်ထားပါတယ်။ အင်္ဂါဂြိုဟ်ပေါ်မှာ သက်ရှိတွေ ရှိနေသလား။ ဒါမှမဟုတ်လည်း သက်ရှိတွေ နေထိုင်နိုင်သလားဆိုတာကို ဒေါ်လာ ၂ ဘီလျံခွဲ အကုန်အကျခံပြီး နှစ်နှစ်ကြာ လုပ်နေတဲ့ အာကာသ စူးစမ်းလေ့လာမှုလည်း ဖြစ်ပါတယ်ရှင်။
VOA
No comments:
Post a Comment