ထူထဲသည့်နံရံအနောက်ဘက်ရှိလှုပ်ရှားမှုများကိုစုံစမ်းထောက်လှမ်းပေးနိုင်မည့် ထောက်လှမ်းရေးကိရိယာ
ရှေ့ပြေးပုံစံတစ်မျိုးအား အင်္ဂလန်နိုင်ငံရှိ သုတေသီများက
ဖန်တီးတီထွင်နိုင်ခဲ့ကြောင်း သိရသည်။ အဆိုပါကိရိယာသည် Wireless router
များနှင့် access points များမှထွက်ပေါ်လာသည့်
Wi-Fi signal များ၏ ကြိမ်နှုန်းပြောင်းလဲမှုကို ခြေရာခံနိုင်သည့်အတွက်
အဆောက်အဦးများအတွင်းနှင့် နံရံအနောက်ဘက်ရှိ လူများ၏လှုပ်ရှားမှုကို
စုံစမ်းထောက်လှမ်းရာတွင် အသုံးပြုနိုင်မည်ဖြစ်သည်။ အဆိုပါကိရိယာသည်
ခရီးဆောင်လက်ဆွဲသေတ္တာတစ်ခု၏ အရွယ်နီးပါးရှိပြီး အင်တာနာနှစ်ခုနှင့် signal
processing unit တစ်ခုပါဝင်ကာ နံရံကိုဖောက်ထွင်းမြင်နိုင်မည့် passive
radar system တစ်ခုအဖြစ်လုပ်ဆောင်နိုင်ကြောင်း PopSci.com မှဖော်ပြခဲ့သည်။
ထို့အပြင် နံရံအနောက်ဘက်ရှိ လူတစ်ဦး၏ တည်နေရာ၊ အမြန်နှုန်းနှင့်
ဦးတည်ရာတို့ကို တွက်ချက်ပေးနိုင်သော်လည်း
လှုပ်ရှားမှုမရှိဘဲနေသည့်လူများကိုမူ စုံစမ်းထောက်လှမ်းနိုင်ခြင်းမရှိကြောင်း
သိရသည်။ ၎င်းကိရိယာကို လန်ဒန်ကောလိပ်တက္ကသိုလ်မှ Karl Woodbridge နှင့် Kevin
Chetty ဆိုသူတို့က တီထွင်ဖန်တီးခဲ့ကြပြီး အဆောက်အဦးများစစ်ဆေးသည့်
မြို့တွင်းတိုက်ပွဲများတွင် အသုံးပြုနိုင်ရန် ယူကေကာကွယ်ရေးဝန်ကြီးဌာနက
စီစဉ်နေကြောင်း PopSci မှဖော်ပြခဲ့သည်။
ရေးသားသူ -နောင်နောင်
Internet Journal 
No comments:
Post a Comment