သြစတြေးလျနိုင်ငံ
ဆစ်ဒနီမြို့လေဆိပ်မှ အောက်တိုဘာ ၃၁ ရက် ည ၇ နာရီ မိနစ် ၄၀ ခန့်က
ပျံသန်းထွက်ခွာလာသော ကင်းတက်စ်လေကြောင်းလိုင်းမှ ခရီးသည်တင်
လေယာဉ်တစ်စင်းသည် လေယာဥပေါ်၌ ထူးခြားသော အနံ့တစ်မျိုး ဆိုးရွားစွာ
ထွက်ပေါ်လာသဖြင့် ဆစ်ဒနီလေဆိပ်သို့ ပြန်လည်ဆင်းသက်လာခဲ့ကြောင်း ဒေသဆိုင်ရာ
မီဒီယာများက နိုဝင်ဘာ ၁ ရက်တွင် ဖော်ပြသည်။ ကင်းတက်စ်လေကြောင်းလိုင်းမှ
အဲဘတ်စ်အေ ၃၈၀ လေယာဉ်သည် ဆစ်ဒနီလေဆိပ်မှ ပျံတက်ပြီး မိနစ် ၃၀ ခန့်အကြာတွင်
ဆိုးရွားသော အနံ့တစ်မျိုး ထွက်ပေါ်လာသဖြင့် လေယာဉ်မှူးက ဆစ်ဒနီလေဆိပ်သို့
ပြန်လည်ဆင်းသက်ရန် ဆုံးဖြတ်ခဲ့ခြင်းဖြစ်သည်။ အဆိုပါ လေယာသ်သည် ယင်းနေ့
ဒေသစံတော်ချိန် ည ၈ နာရီ ၁၀ မိနစ်ခန့်က ပြန်လည်ဆိုကရောက်လာခဲ့ပြီးနောက်
လေဆိပ်၌ အင်ဂျင်နီယာများက အနံ့ထွက်ရှိရာနေရာကို လိုက်လံရှာဖွေ
စစ်ဆေးလျက်ရှိကြောင်း ကင်းတက်စ်လေကြောင်းလိုင်းမှ တာဝန်ရှိသူများက
ပြောကြားသည်။ ယင်းလေယာဉ်ပေါ်မှ ခရီးသည် ၂၇၁ ဦးအား လေဆိပ်အနီး
ဟိုတယ်တစ်ခုသို့ ပို့ဆောင်ကာ ယင်းည၌ အနားယူအိပ်စက်စေခဲ့ပြီး နိုဝင်ဘာ ၁ ရက်
နံနက်၌ အခြားလေယာဉ်တစ်စင်းဖြင့် အစားထိုး ပျံသန်းစေခဲ့ကြောင်း၊
ခရီးသည်များ ဘေးအန္တရာယ် တစ်စုံတစ်ရာ မရှိကြောင်း ၄င်းတို့က ပြောကြားသည်။
khitlunge
No comments:
Post a Comment