ဦးသန်းရွှေ၏ တပည့် စစ်ဗိုလ်ချုပ်များ
စစ်အာဏာရှင်ဗိုလ်ချုပ်မှူးကြီးဟောင်းသန်းရွှေဟာတပည့်များကိုဘယ်လိုနေရာပေးဆွဲတင်လာခဲ့တယ်ဆိုတာ
ရယ် တပည့်များရဲ့ တပ်တွင်းဆက်ဆံရေး
အနေအထား အခြေအနေတွေ ဘယ်လိုရှိတယ် ဆိုတာတွေကို စာဖတ်ပရိတ်သတ် အများစုက
သိချင်နေကြပါတယ်။
ဒါကြောင့် စည်းလုံးခြင်းရဲ့အင်အား ဝက်ဘ်ဆိုဒ် အယ်ဒီတာအနေနဲ့ ပြည်တွင်းရှိ စစ်ဖက်နီးစပ်သူများနှင့် လက်ရှိ
တာဝန်ထမ်းဆောင်နေသူများကို ဆက်သွယ်မေးမြန်းပြီး တင်ပြသွားမှာ ဖြစ်ပါတယ်။
အငြိမ်းစားယူသွားတဲ့ တပ်ရင်းမှူးဟောင်း ဒုဗိုလ်မှူးကြီးတစ်ဦးက
“ဦးသန်းရွှေရဲ့ တပည့်များရှိတဲ့အနက် ထင်ရှားတဲ့ တပည့်များရှိသလို မထင်မရှား
ဖြစ်သွားတဲ့ တပည့်တွေရှိတယ်ဗျ။ အဲဒါတွေကတော့ စစ်ဘက်လက်ထောက် စီနီယာဖြစ်တဲ့
ဗိုလ်ချုပ်နေဝင်းနဲ့ ဂျူနီယာဖြစ်တဲ့ ဗိုလ်မှူးချုပ်စိုးရှိန်၊ ကကဝယ်
(စစ်လက်နက်ပစ္စည်း ဝယ်ယူရေး) ညွှန်ကြားရေးမှူး ဗိုလ်ချုပ် ဝင်းလှိုင်၊ ကကထုတ်
(စစ်လက်နက်ပစ္စည်း ထုတ်လုပ်ရေး အရာရှိချုပ်) ဗိုလ်ချုပ်ကြီး တင်အေး၊
ဗိုလ်ချုပ်ကြီး သူရရွှေမန်း၊ ဗိုလ်ချုပ်ကြီး စိုးဝင်း၊ ဗိုလ်ချုပ်ကြီး
သိန်းစိန်၊ ဗိုလ်ချုပ် ကြည်အောင်၊ ဗိုလ်ချုပ် ညွှန့်တင်၊ ဒုဗိုလ်ချုပ်ကြီး
(မြင့်ဆွေ၊ ခင်မောင်သန်း၊ အုန်းမြင့်)၊ ရဲချုပ် စိုးဝင်း၊ ဦးကိုလေး၊
ဗိုလ်မှူးချုပ် သူရမြင့်မောင်၊ ဗိုလ်ချုပ် (လှအောင်သိန်း၊ စောလှမင်း၊
ဝေလွင်)၊ တပ်ကြပ်ကြီး ထွန်းထွန်းဦးတို့ ဖြစ်ကြတယ်ဗျ”။
အယ်ဒီတာ ။ ။ “ဗိုလ်ချုပ်မှူးကြီးဟောင်း သန်းရွှေနဲ့ ဒီလိုရင်းနှီးတဲ့
တပည့်တွေဟာ ဘယ်မှာတွေ့ဆုံပြီး ဘယ်လောက် သံယောဇဉ် ဖြစ်ခဲ့ကြတာလဲ။ သူတို့ရဲ့
တပ်ထဲမှာ တွေ့ဆုံ ဆက်ဆံကြပုံတွေကို ရှင်းပြပေးပါဦး”။
ဒုဗိုလ်မှူးကြီး။ ။ “တပ်မှာ တပ်ရင်းမှူးရာထူး တာဝန်ထမ်းဆောင်ခဲ့စဉ်
တွေ့ခဲ့ကြတဲ့ တပည့်တွေဆိုရင် အချစ်ဆုံးပဲဗျ။ ဘာလို့လဲဆိုတော့
တပ်ရင်းဆိုကတည်းက ရှေ့တန်းစစ်မြေပြင်မှာ သေသေကြေကြေ ငတ်ငတ်ပြတ်ပြတ်
နေခဲ့ကြရတာမို့ ရဲဘော်ရဲဘက်စိတ် သံယောဇဉ် အရှိဆုံးလို့ ပြောလို့ရတယ်။ ၁၉၇၃
ခုနှစ်ခန့် ခလရ (၁) တပ်ရင်းမှူးဘဝနဲ့ ဦးသန်းရွှေရှိတုန်းက
ဗိုလ်ချုပ်နေဝင်း၊ ဗိုလ်ချုပ်ညွှန့်တင်၊ ဗိုလ်ချုပ်ကြီးတင်အေး၊
ဗိုလ်ချုပ်လှအောင်သိန်း၊ ရဲချုပ်စိုးဝင်း၊ ဗိုလ်မှူးချုပ်စောလှမင်းနဲ့
သူရမြင့်မောင်တို့ဆိုရင် တပည့်ရင်းတွေထဲမှာ ပါတယ်ဗျ။ နောက်တစ်ခုက
မိမိစားတဲ့ အစားအစာဟာ အချိန်မရွေး အဆိပ်ဖြစ်သွားနိုင်တာမို့ သစ္စာရှိရှိ
ချက်ပြုတ်၊ ခူးခပ်ကျွေးမွေးတဲ့ တပည့်တွေရှိသလို မိမိဝါသနာပါတဲ့ အားကစားကို
အနီးကပ် မငြီးမငြူ သင်ကြားပေးတဲ့ တပည့်တွေကိုလည်း ချစ်တတ်တယ်ဗျ။
ဒုတိယ အချစ်ဆုံးကတော့ ဦးသန်းရွှေ တပ်မ (၈၈) တပ်မမှူး ဖြစ်တုန်းက
သူ့လက်အောက်မှာ တာဝန်ထမ်းဆောင်ခဲ့တဲ့ တပည့်တွေဖြစ်ပြီးတော့ တတိယ
အချစ်ဆုံးကတော့ နိုင်ငံတော်ရဲ့ အာဏာကို သုံးရာမှာ တစ်ခါတည်း မှားရုံနဲ့
ထိုင်ခုံပြုတ်သွားနိုင်တာမို့ အထောက်အကူပြုတဲ့ စစ်ဦးစီးဆိုင်ရာ
အရာရှိများ၊ စစ်ရုံးမှာ တာဝန်ထမ်းဆောင်ခဲ့တဲ့ တပည့်များဘဲ ဖြစ်တယ်။
အယ်ဒီတာ ။ ။ “ဗိုလ်မှူးကြီးရေ၊ အသံသိပ်မကြည်လင်တော့ဘူးဗျ၊ ကျန်းမာရေး
စိုးရိမ်ရတယ်။ ခဏနားလိုက်ရင် ကောင်းမယ်။ ဒီကအသံ ကြိုးစားပြီး
နားထောင်ပေးပါ။ နောက်ထပ် E-mail နဲ့ ပို့လိုက်ဗျာ။ ကျေးဇူးတင်
လေးစားပါတယ်ခင်ဗျာ။"
ဦးသန်းရွှေနဲ့ သူမွေးခဲ့တဲ့ တပည့်တွေအကြောင်းကို အီးမေးလ်နဲ့ပေးပို့လာရာ မကြာခင် ဆက်လက် တင်ပြပေးသွားပါမယ်။
အလျဉ်းသင့်လို့ တင်ပြရရင် မြန်မာတပ်မတော်ဟာ တခြားနိုင်ငံက
တပ်မတော်တွေနဲ့ မွေးဖွားလာပုံခြင်း ကွာခြားသလို စစ်တပ်အုပ်ချုပ်ခဲ့တဲ့
နှစ်ပေါင်းများစွာအတွင်း ပြုပြင်ပြောင်းလဲရေး လိုလားပြီး အသက်နဲ့ဘ၀
ရင်းနှီးပေးဆပ်ခဲ့သူ တပ်မတော် အရာရှိတွေ အများအပြားရှိခဲ့ပြီးလည်း
ဖြစ်ပါတယ်။ လက်ရှိမှာ တိုင်းပြည်အတွက် ပြုပြင်ပြောင်းလဲရေး လိုလားသူ
ဆောင်ရွက်နေသူ နိုင်ငံ့ခေါင်းဆောင်တွေ ရှိသလို ကိုယ်ကျိုးအတွက် အာဏာကို
အလွဲသုံးစားလုပ် သဘောထားတင်းမာသူတွေလည်း ရှိနေသေးရာ စာဖတ်ပရိသတ်များလည်း
သိရှိပြီး ဖြစ်ပါတယ်။
နောင်အနာဂါတ်မှာ နိုင်ငံတကာ တပ်မတော်များနည်းတူ ဂုဏ်ကျက်သရေ ပြည့်ဝပြီး
တိုင်းပြည်အတွက်သာကြည့်တဲ့ စစ်တပ်ခေါင်းဆောင်များ ပေါ်ထွန်းလာစေဖို့နဲ့
တကယ့်အရည်အချင်း ပြည့်ဝသော ခေါင်းဆောင်ကောင်းများ ဖြစ်လာရေးကို
ရည်ရွယ်ပါတယ်။ ဒါကြောင့် ပြည်တွင်းက တပ်မတော်အရာရှိတချို့နဲ့ တပည့်မွေးတဲ့
စစ်တပ်ရဲ့ အစဉ်အလာတွေကို ဆွေးနွေးရင်း စာဖတ်ပရိသတ်များ သုံးသပ်နိုင်ဖို့
တင်ပြပေးသွားပါမယ်ခင်ဗျာ။
photayokeking.org
No comments:
Post a Comment