Friday, May 24, 2013
"ဒေါ်အောင်ဆန်းစုကြည် ၏ မှတ်တမ်းရုပ်ရှင် နှင့် ဒါရိုက်တာ မင်းထင်ကိုကိုကြီး ရိုက်ကူးမှု အခြေအနေ"
Ever November | 5/24/2013 04:12:00 PM |
အနုပညာ
ဒီမိုကရေစီ ခေါင်းဆောင် ဒေါ်အောင်ဆန်းစုကြည် ၏ သတင်း မှတ်တမ်း ရုပ်ရှင်ကားကို (၂ဝ၁၃) မေ ၁၄ရက် နေ့က အမှတ် ၅၄ တက္ကသိုလ် ရိပ်သာ လမ်း နေအိမ်တွင် ဒါရိုက်တာ မင်းထင်ကိုကိုကြီး နှင့် အဖွဲ့ က မှတ်တမ်းတင် ရိုက်ကူးကြောင်း သိရပါသည်။
အဆိုပါ နေအိမ် အတွင်းမှာပင် ဒါရိုက်တာ မင်းထင်ကိုကိုကြီး အနေဖြင့် ဒီမိုကရေစီ ခေါင်းဆောင် ဒေါ်အောင်ဆန်းစုကြည် ၏ သတင်း မှတ်တမ်း ရုပ်ရှင်ကားကို ၂ဝ၁၂ ဇူလိုင်မှာလည်း တစ်ခေါက် ရိုက်ကူးခဲ့သေး ကြောင်း သိရပြီး ဒါရိုက်တာ မင်းထင်ကိုကိုကြီး က ရိုက်ကူးမှု အကြောင်း ကို "အခုဟာက အင်တာဗျူး ပဲရိုက်နေတုန်း ရှိသေးတယ်။
"Documentary ဆိုတာ က အင်တာဗျူး တွေကို အရင်ဦးဆုံး ယူရတယ်။ သွားတာ လာတာတွေ၊ တခြားဟာတွေ က နောက်မှ ပေါင်းစပ် ရမှာလေ။ နိုင်ငံခြား ခရီးစဉ် တွေ ကအစ ပေါ့။ အခု လောလောဆယ် ကိုယ်ချထားတဲ့ Story လိုင်းထဲ ဝင်အောင် သူ့ဆီက မေးချင်တဲ့ ဟာတွေ ကို မေးနေတုန်းပဲ ရှိသေးတာပါ။ အစပိုင်းပဲ ရှိသေးတယ်။ အခုဟာက ဒုတိယ အကြိမ် ရိုက်ကူး ဖြစ်တာပါ။ အန်တီစု မအားတာလည်း ပါ တယ်။ နိုင်ငံခြား ခရီး စဉ်တွေ၊ လွှတ်တော် ကိစ္စတွေ နဲ့ အလုပ် ရှုပ်နေတာ။ အခုမှပြန်ပြီး အချိန်ပေးတာပါ။ အခုအနေ အထားက အချိန်အားဖြင့် သိပ်မကြာလောက်တော့ဘူးလို့ မျှော်လင့်ရတယ်။ ၁ဝကြိမ်လောက် ရိုက်ရ မှာကို ယာယီတော့ သဘောတူထားတယ်။ အဲဒီ အချိန် အတွင်း ပြီး ဆုံးအောင် ရိုက် ကူးသွားမှာပါ" ဟုပေါ်ပြူလာ သို့ပြောကြားခဲ့သည်။
ထွဋ်မြတ်
Popular Journal
Subscribe to:
Post Comments (Atom)
No comments:
Post a Comment