KNU ဗဟို ကော်မတီဝင် ဖဒို မန်းငြိမ်းမောင်ကို နိုင်ငံတော်သမ္မတ
ညွှန်ကြားချက်ဖြင့် လွတ်ငြိမ်းချမ်းသာခွင့် ပေးခဲ့ခြင်းကို ၀မ်းမြောက်စွာ
ကြိုဆိုကြောင်း KNU အထွေအထွေ အတွင်းရေးမှူး နော်စီဖိုးရာစိန်က Eleven Media
Group သို့ ပြောကြားခဲ့ပါသည်။
“သူပြန်လွတ်လာတဲ့ အကြောင်းကို တခြား တစ်ယောက်က တစ်ဆင့် အကြောင်းကြား
လာပါတယ်။ ကျွန်မတို့ KNU အနေနဲ့ ဒီလို နိုင်ငံတော်သမ္မတက
လွတ်ငြိမ်းချမ်းသာခွင့် ပေးခဲ့တာကို ၀မ်းမြောက် ၀မ်းသာ ကြိုဆိုပါတယ်။ အခု
လောလောဆယ်မှာတော့ နေပြည်တော်ကို ဖိတ်ခေါ်လို့ နေပြည်တော် သွားနေတယ်လို့
သိရပါတယ်”ဟု နော်စီဖိုးရာစိန်က ပြောပါသည်။
ထို့အပြင် ဖဒို မန်းငြိမ်းမောင်ကို လွတ်ငြိမ်းချမ်းသာခွင့်
ပေးခဲ့ခြင်းမှာ အစိုးရအနေဖြင့် လုပ်သင့်လုပ်ထိုက်သော ကိစ္စရပ်တစ်ခုကို
လုပ်ဆောင်လိုက်ခြင်း ဖြစ်ကြောင်းလည်း KNU ၏ တွဲဖက်အတွင်းရေးမှူး - ၁
ဗိုလ်မှူးစောလှငွေက Eleven Media Group သို့ ပြောပါသည်။
"ကျွန်တော်တို့ အဖွဲ့အစည်းအဆီကို တိုက်ရိုက်အကြောင်းကြားတာမျိုး မရှိဘဲ
မီဒီယာတွေက တစ်ဆင့် ပြန်လွတ်လာတာကို သိရတာပါ။ နည်းနည်းတော့ နောက်ကျသွားတယ်။
ဇန်န၀ါရီလထဲမှာ တွေ့ကတည်းက လွှတ်ပေးမယ်လို့ ပြောခဲ့တာ ဟုတ်ပါတယ်။
သူတို့အနေနဲ့ သူတို့ပြောခဲ့တဲ့ အတိုင်း ယုံယုံကြည်ကြည်နဲ့ လုပ်သွားတယ်လို့
မြင်ပါတယ်။ ပြဿနာတစ်ခုကို ဖြေရှင်း လိုက်တယ်လို့ ယူဆပါတယ်။ နောက်ကျသွားတယ်
ဆိုပေမယ့် အစိုးရအနေနဲ့ လုပ်သင့်လုပ်ထိုက်တဲ့ ကိစ္စတစ်ခုကို
လုပ်လိုက်တယ်လို့ သုံးသပ်ပါတယ် "ဟု ဗိုလ်မှူး စောလှငွေက ပြောပါသည်။
ဖဒို မန်းငြိမ်းမောင်သည် ၂ဝ၁၁ ခုနှစ် ဇူလိုင်လ ၂၄ ရက်နေ့တွင်
တရုတ်နိုင်ငံမှ မြန်မာနိုင်ငံသို့ ရောက်ရှိခဲ့ပြီး ရန်ကုန်လေဆိပ်၌
ဖမ်းဆီးခဲ့ခြင်း ဖြစ်ကာ ၂၀၁၁ ခုနှစ် စက်တင်ဘာလ ၂ရက်နေ့က ပြစ်မှုဆိုင်ရာ
ဥပဒေပုဒ်မ ၄၆၈နှင့် လူဝင်မှုကြီးကြပ်ရေး အက်ဥပဒေ ၁၃/၁ ဖြင့် ထောင်ဒဏ်
တစ်နှစ် အမိန့်ချခဲ့ပါသည်။ ထောင်ဒဏ်တစ်နှစ် အမိန့် ချမှတ်ခံခဲ့ရပြီးနောက်
ပြန်လွတ်ရန် ၂၂ ရက် အလိုတွင် နိုင်ငံတော် ပုန်ကန်မှု ဥပဒေပုဒ်မ ၁၂၂/၁ ဖြင့်
ထောင်ဒဏ် တစ်သက်တစ်ကျွန်း၊ မတရားအသင်း ပုဒ်မ ၁၇/၁ ဖြင့် ထောင်ဒဏ် ၃
နှစ်ကျခံစေရန် မတ်လ ဒုတိယပတ်အတွင်း အမိန့်ချမှတ်ခဲ့ကြောင်း သိရှိရပါသည်။
Ref; EMG
No comments:
Post a Comment