ကြားဖြတ်ရွေးကောက်ပွဲ အနိုင်ရ အမျိုးသားဒီမိုကရေစီ အဖွဲ့ချုပ် လွှတ်တော်
ကိုယ်စားလှယ်တွေ အနေနဲ့ နေပြည်တော်မှာ လက်ရှိကျင်းပနေတဲ့ ပထမအကြိမ်
လွှတ်တော် တတိယ ပုံမှန်အစည်း
အဝေးကို တက်ရောက်နိုင်လိမ့်မယ်လို့
မျှော်လင့်ကြောင်း NLD က ဒီကနေ့ ပြောကြားလိုက်ပါတယ်။
NLD လွှတ်တော် ကိုယ်စားလှယ်တွေ ကျမ်းသစ္စာ ကျိန်ဆိုရေးအတွက် အခြေခံဥပဒေ
ဇယား ၄ ပါ စာသားကို ပြင်ဆင်ပေးဖို့ တင်ပြချက်ကို နိုင်ငံတော် သမ္မတအနေနဲ့
ဒီရက်ပိုင်းအတွင်း ဖြေရှင်းပေးနိုင်မယ်လို့ ယုံကြည်တဲ့အတွက် ခုလို
ပြောဆိုရတာ ဖြစ်ကြောင်း NLD ပါတီ ပြောခွင့်ရ ပုဂ္ဂိုလ် ဦးဥာဏ်ဝင်းက
ပြောပါတယ်။
ကိုယ်စားလှယ်တွေ လွှတ်တော် မတက်ရောက်ခင် ကျမ်းသစ္စာ ကျိန်ဆိုရမဲ့အထဲမှာ
ဖွဲ့စည်းပုံအခြေခံဥပဒေကို " ကာကွယ်စောင့်ရှောက်ပါမည် " ဆိုတဲ့ စာသားကို NLD
က သဘောမတူနိုင်တာကြောင့် " လေးစားလိုက်နာပါမည် " ဆိုတဲ့
စာသားနဲ့ ပြင်ဆင်ပေးဖို့ ညှိနှိုင်းဆောင်ရွက်နေဆဲ ဖြစ်တာကြောင့်
အခုကျင်းပနေတဲ့ လွှတ်တော်အစည်းအဝေးကို NLD ကိုယ်စားလှယ်တွေ
တက်ရောက်နိုင်ခြင်း မရှိသေးပါဘူး။
ဒီစာသားကို ပြင်ဆင်ပြောင်းလဲ မပေးမချင်း ကိုယ်စားလှယ်တွေ အနေနဲ့ လွှတ်တော်ကို တက်ရောက်မှာ မဟုတ်ဘူးလို့ NLD ပါတီက ပြောကြားထားပါတယ်။
RFA 
No comments:
Post a Comment