မြန်မာနိုင်ငံမှလှေဖြင့် ထွက်ပြေးလာတဲ့ မူစလင်ဒုက္ခသည် ၇၇ဦးကို ၂၀၀၆ခုနှစ် ဧပြီ ၂၅ရက်နေ့တွင် အင်ဒိုနီးရှားအစောင့်ရဲနဲ့အတူ တွေ့ရပုံ
ရိုဟင်ဂျာတွေကို ထိုင်းနိုင်ငံဖက် လူမှောင်ခိုတင်သွင်းနေတဲ့ လုပ်ငန်းတွေမှာ ထိုင်းစစ်တပ် အရာရှိတွေ ပါဝင်ပတ်သက်မှု ရှိနေကြောင်း ထိုင်းကာကွယ်ရေးဦးစီးချုပ် က ပြောတယ်လို့ မနေ့က ဇန်န၀ါရီလ ၂၀ရက်နေ့ ထုတ် ထိုင်းနိုင်ငံထုတ် ဘန်ကောက်ပို့စ်နဲ့ The Nation သတင်းစာတွေက ရေးသားကြပါတယ်။
ပြည်တွင်းလုံခြုံရေး စစ်ဆင်ရေးအထူးတပ်ဖွဲ့ ISOC က
အဆင့်မြင့်အရာရှိတွေပါ ထိုင်းနိုင်ငံထဲ ရိုဟင်ဂျာတွေကို မှောင်ခိုကူးရာမှာ
ပါဝင်ပတ်နေကြောင်း ထိုင်းကာကွယ်ရေးဦးစီးချုပ် ပရာယု ချန်အိုချားက
ပြောကြောင်း မနေ့က ဘန်ကောက်ပို့စ်သတင်းစာက ရေးသားပါတယ်။
ဘင်္ဂလားဒေ့ရှ်-မြန်မာ နယ်စပ်က ရိုဟင်ဂျာမူဆလင်တွေကို ထိုင်းတောင်ပိုင်း
ဆောင်ခလခရိုင် ကနေ မလေးရှားနိုင်ငံကို လူမှောင်ခိုကူးတဲ့လုပ်ငန်းတွေမှာ
ထိုင်းစစ်တပ်က ဗိုလ်မှူးကနေ ဗိုလ်မှူးကြီးအဆင့်တွေအထိ နှစ်ပေါင်းများစွာ
ပါဝင်ပတ်သက်နေပြီး တခါတရံ ရိုဟင်ဂျာတွေကို စစ်တပ်က
ကုန်တင်ကားတွေကိုသုံးပြီး တနေရာကနေတနေရာ ပို့ဆောင်ပေးခဲ့တယ်လို့ ဆိုပါတယ်။
ဒီအမှုကို ထိုင်းစစ်တပ်က စုံစမ်းစစ်ဆေးနေပြီး ဒီအရာရှိတွေကို
ဖော်ထုတ်အရေးယူသွားမယ်လို့ ဗိုလ်ချုပ်ကြီးပရာယု က ပြောပါတယ်။
တချိန်ထဲမှာလည်း ဆောင်ခလခရိုင် ရာဘာစိုက်ခင်းတွေထဲက ဖမ်းဆီးမိခဲ့တဲ့
လှေစီးရိုဟင်ဂျာ တစ်ထောင်နီးပါးကို လူသားချင်းစာနာမှုနဲ့
ကိုင်တွယ်ဖြေရှင်းမှာ ဖြစ်သလို တဖက်မှာလည်း ထိုင်ဥပဒေအရ တရားမဝင်
နယ်မြေဝင်ရောက်မှုနဲ့ အရေးယူသွားမှာဖြစ်တယ်လို့ ထိုင်းဒုဝန်ကြီးချုပ်
ဆူရာပေါင်းက ပြောကြားထားပါတယ်။
RFA
No comments:
Post a Comment