နေရာဒေသအလိုက် ဆေးတက္ကသိုလ် ၀င်ခွင့်ပြုသော စနစ်ပြောင်းလဲ
ဆေးတက္ကသိုလ်ဝင်ခွင့်ရရှိသောကျောင်းသားများအား နေရာဒေသအလိုက်ကျောင်းဝင်ခွင့်ပြုသည့်စနစ်ကို ယခု (၂၀၁၂-၁၃)ပညာသင်နှစ်တွင် စတင်ပြောင်းလဲကျင့်သုံးလိုက်ကြောင်း ဆေးသိပံ္ပပညာဦးစီး ဌာနမှ သတင်း ရရှိသည်။
ယခင်က ရန်ကုန်ဆေးတက္ကသိုလ်(၁)နှင့် (၂)တို့တွင် ရန်ကုန် တိုင်း ဒေသကြီး မှ ကျောင်းသား ၊ ကျောင်းသူ များ၊ မန္တလေးဆေးတက္ကသိုလ်တွင် မန္တလေး တိုင်းဒေသကြီး မှ ကျောင်းသား၊ ကျောင်းသူ များနှင့် မကွေးဆေးတက္ကသိုလ်တွင် ကျန်ပြည်နယ်နှင့် တိုင်းဒေသကြီး များမှ ကျောင်းသား ၊ ကျောင်းသူ များအား ကျောင်းဝင်ခွင့်ပြုခဲ့ခြင်းဖြစ်သည်။
ယခုပညာသင်နှစ်တွင် ရန်ကုန်ဆေးတက္ကသိုလ် (၁၊ ၂)တို့နှင့် မန္တလေးဆေးတက္ကသိုလ်တို့၌ အခြားပြည်နယ်နှင့် တိုင်းဒေသကြီးများမှကျောင်းသား၊ ကျောင်းသူများကိုလည်း ကျောင်းဝင်ခွင့်ပြုခဲ့ကြောင်း သိရသည်။
“ဒီနှစ်ရဲ့ ထူးခြားချက်က ရန်ကုန်ဆေးတက္ကသိုလ် (၁)နဲ့ (၂) မှာ
ရန်ကုန်တိုင်းဒေသကြီးအပြင် ရန်ကုန်နဲ့နီးတဲ့ မွန်ပြည်နယ်၊ ကရင်ပြည်နယ်၊
တနင်္သာရီတိုင်းဒေသကြီး၊ ပဲခူးတိုင်းဒေသကြီး (အရှေ့ပိုင်း)၊ ဧရာဝတီတိုင်းဒေသကြီးက ကျောင်းသားတွေကို ၀င်ခွင့်ပြုလိုက်တယ်။
မန္တလေးဆေးတက္ကသိုလ်ကတော့ မန္တလေးတိုင်းဒေသကြီးအပြင် ကချင်ပြည်နယ်၊
စစ်ကိုင်းတိုင်းဒေသကြီး၊ ရှမ်းပြည်နယ်(မြောက်ပိုင်း) က ကျောင်းသားတွေကို
ဝင်ခွင့်ပြုလိုက်တယ်။ ကျန်တိုင်းဒေသကြီးနဲ့ပြည်နယ်နဲ့ ဝေးလံပြီး လူမှုရေး၊ လမ်းပန်းဆက်သွယ်ရေး ခက်ခဲတဲ့ဒေသတွေက ဆေးတက္ကသိုလ်ဝင်ခွင့်ရ ကျောင်းသားတွေကို မကွေးဆေး တက္ကသိုလ်ကို ၀င်ခွင့်ပြုတယ်” ဟု ဆေးသိပံ္ပပညာဦးစီးဌာန၊ဘွဲ့ကြိုဌာနစိတ်မှ တာဝန်ရှိသူ တစ်ဦး က ပြော သည်။
ယခုပညာသင်နှစ်တွင် ရန်ကုန်ဆေးတက္ကသိုလ် (၁) တွင်ကျောင်းသား၊ ကျောင်းသူ ၄၃၀ ဦး၊ ရန်ကုန်ဆေးတက္ကသိုလ် (၂) တွင် ကျောင်းသား၊ ကျောင်းသူ ၃၆၀ ဦး၊ မန္တလေးဆေး တက္ကသိုလ် တွင် ကျောင်းသား ၊ ကျောင်းသူ ၃၇၉ ဦးနှင့် မကွေးဆေးတက္ကသိုလ်တွင်ကျောင်းသား၊ ကျောင်းသူ ၉၉ ဦးတက်ရောက် ပညာသင်ယူခွင့်ရရှိခဲ့သည်။
ဆေးတက္ကသိုလ်ဝင်ခွင့်အမှတ်သတ်မှတ်ချက်မှာ ဆေးတက္ကသိုလ် လေးခုလုံးအတွက် တစ်ပြေးညီ သတ်မှတ်ထားခြင်းဖြစ်ပြီး ယခင်နှစ် တက္ကသိုလ်ဝင်တန်းရမှတ်များထက် သိသိသာသာ မြင့်တက်သွားခဲ့ကာ ကျား-၄၉၀ ဦးနှင့် မ-၅၀၈ မှတ်ထိ ရောက်ရှိခဲ့သည်။
7Day News Journal
No comments:
Post a Comment