အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ဒီကနေ့
ဇန်နဝါရီလ ၃၁ ရက်နေ့မနက်ပိုင်းက ဂွမ်ဂျူး လူ့အခွင့်အရေးလှုပ်ရှားသူဆုကို
လက်ခံရယူစဉ်
၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးကို တပ်မတော်နဲ့အတူ
လက်တွဲလုပ်ဆောင်သွား မှာဖြစ်ကြောင်း အမျိုးသားဒီမိုကရေစီအဖွဲ့ချုပ် ဥက္ကဋ္ဌ
ဒေါ်အောင်ဆန်းစုကြည် က ပြောကြား လိုက်ပါတယ်။
ဒီကနေ့ မနက် ဆိုးလ်မြို့မှာ ကိုရီးယားရောက် မြန်မာနိုင်ငံသားတွေနဲ့
တွေ့ဆုံစဉ်မှာ အခုလို ပြောကြားခဲ့တာဖြစ်ပြီး တိုင်းရင်းသားတွေအနေနဲ့
အတိတ်ကိုထားခဲ့ပြီး အနာဂတ်ကို ရှေ့ရှုလုပ်ဆောင်ကြဖို့လည်း
ဒေါ်အောင်ဆန်းစုကြည် က တိုက်တွန်းပြောကြားခဲ့ပါတယ်။
အဲဒီတွေ့ဆုံပွဲမှာ ဒေါ်အောင်ဆန်းစုကြည် က မြန်မာနိုင်ငံသားတွေ မေးမြန်းတာတွေကို ပြန်လည်ဖြေကြားခဲ့ပါတယ်။
ပြည်ပမှာ မွေးဖွားကြီးပြင်းလာတဲ့ကလေးတွေ မြန်မာပြည်မှာ ပညာဆက်လက်
သင်ကြားနိုင်ရေးနဲ့ ပတ်သက်ပြီး မေးမြန်းချက်ကို ဒေါ်အောင်ဆန်းစုကြည် က
လွှတ်တော် ပညာရေးကော်မတီကို တင်ပြပြီးဆောင်ရွက်သွားမယ်လို့
ဖြေကြားသွားကြောင်း သိရပါတယ်။
ဒါ့အပြင် ပြည်ပမှာအလုပ်လုပ်နေကြတဲ့ မြန်မာအလုပ်သမားတွေကို
ကာကွယ်စောင့်ရှောက်ပေးတဲ့ ဥပဒေပြဋ္ဌာန်းဆောင်ရွက်ပေးရေးနဲ့ ပတ်သက်ပြီး
နိုင်ငံသားတွေကို ကာကွယ်စောင့်ရှောက်တဲ့ ဥပဒေတွေ ဖြစ်လာဖို့လိုကြောင်း၊
မြန်မာသံရုံးတွေအနေနဲ့လည်း ကိုယ့်နိုင်ငံသားတွေကို ကူညီပေးဖို့လိုကြောင်း၊
သူ့အနေနဲ့ သက်ဆိုင်ရာကို တင်ပြသွားမှာဖြစ်ကြောင်း ဒေါ်အောင်ဆန်းစုကြည် က
ဖြေကြားသွားတယ်လို့ သိရပါတယ်။
ဒေါ်အောင်ဆန်းစုကြည်ဟာ နေ့လယ်ပိုင်းမှာ ဆိုးလ်အမျိုးသားတက္ကသိုလ်က
ချီးမြှင့်တဲ့ ဂုဏ်ထူးဆောင် ဒေါက်တာဘွဲ့ကို လက်ခံရယူပြီး၊ အခမ်းအနားမှာ
မိန့်ခွန်းပြောကြားခဲ့ပြီးနောက် ညနေပိုင်းမှာ မြန်မာနိုင်ငံကို
ပြန်လည်ထွက်ခွာလာပြီဖြစ်ပါတယ်။
RFA 
No comments:
Post a Comment