Saturday, November 17, 2012

သံရုံး အတိုက်ခံရမှု ထုတ်ပြန်ချက် CIA အကြီးအကဲဟောင်းကို စစ်ဆေး

Ever November | 11/17/2012 03:12:00 PM | Best Blogger Tips
CIA အကြီးအကဲဟောင်း David Petraeus

စက်တင်ဘာလ ၁၁ ရက်နေ့ က လစ်ဗျားနိုင်ငံရှိ အမေရိကန် ကောင်စစ်ဝန်ရုံး တိုက်ခိုက်ခံရမှုကို သမ္မတအိုဘားမားအစိုးရ ရဲ့ ကနဦးဖော်ပြချက်နဲ့ ပါတ်သက်ပြီး စီအိုင်အေ အကြီးအကဲဟောင်း David Petraeus ကို  အောက်လွှတ်တော် နဲ့ ဆီးနိတ်လွှတ်တော်ကော်မတီ တို့က စစ်ဆေးခဲ့ကြပါတယ်။

ဒီဘန်ဂါဇီ (Benghazi) တိုက်ခိုက်မှုမှာ အကြမ်းဖက်သမားတွေ ပါဝင်တယ်ဆိုတာ သူအစကတည်းက ယူဆခဲ့ကြောင်း Petraeus က ထွက်ဆိုခဲ့တယ်လို့ ထောက်လှမ်းရေးကော်မတီဝင် အမတ်တွေက ဆိုပါတယ်။ ဒါပေမယ့် Petraeus အနေနဲ့ အဲ့ဒီအဖြစ်အပျက်ကို ပထမဦးဆုံး ဘယ်လို ဖော်ပြခဲ့သလဲ ဆိုတာကို မေးမြန်းခဲ့တယ်လို့ နိုင်ငံတော်လုံခြုံရေး ကော်မတီဥက္ကဌ Peter King ကဆိုပါတယ်။

တိုက်ခိုက်ခံရပြီးမကြာခင် ဒါဟာအကြမ်းဖက်သမားတွေရဲ့ လက်ချက်ဖြစ်ကြောင်း  Petraeus က ပြောတယ် ဆိုတာ သူမမှတ်မိဘူးလို့လည်း မစ္စတာ  King  ကဆိုပါတယ်။ သမ္မတအိုဘားမားအစိုးရ အနေနဲ့ နိုဝင်ဘာ ၆ရက် ရွေးကောက်ပွဲမတိုင်ခင် ကသိကအောက် မဖြစ်စေချင်လို့ အဖြစ်မှန်ကို ဖုန်းကွယ်ထားခဲ့သလားဆိုပြီးတော့ မေးခွန်းထုတ်နေကြတာ ဖြစ်ပါတယ်။
VOA

No comments:

England - Premier League

Italy - Serie A

Spain - Primera Division

Germany - Bundesliga

France - Ligue 1