နိုဝင်ဘာ ၂၆ ရက်နေ့က ရန်ကုန်မြို့ တော်ဝင်နှင်းဆီခန်းမမှာ ကျင်းပတဲ့
ငြိမ်းချမ်းရေးအတွက် ယုံကြည်မှုတည်ဆောက်ခြင်းဆိုင်ရာ ညီလာခံမှာ SNLD
ပါတီဥက္ကဌ ဦးခွန်ထွန်းဦး မိန့်ခွန်းပြောကြားနေစဉ်။
ကမ္ဘာ့အချမ်းသာဆုံး ပုဂ္ဂိုလ်စာရင်းဝင် အမေရိကန်ဘီလျံနာ George Soros ဂျော့ဆိုးရော့စ်ရဲ့ မြန်မာနိုင်ငံ ခရီးစဉ်အတွင်း ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီနဲ့ တွေ့ဆုံဖို့ ရှိတယ်လို့ SNLD ပါတီ ဥက္ကဌ ဦးခွန်ထွန်းဦး က RFA ကို ပြောပါတယ်။
သူဌေးကြီး ဂျော့ဆိုးရော့စ်ဟာ မြန်မာနိုင်ငံ နယ်စပ်ဒေသတွေမှာ
ရင်းနှီးမြုပ်နှံဖို့ စိတ်ဝင်စားနေကြောင်းနဲ့ သူတည်ထောင်တဲ့ Open Society
Foundation အနေနဲ့လည်း တိုင်းရင်းသားဒေသတွေကို ကူညီနိုင်ဖို့
အခုလိုတွေ့ဆုံဖို့ ကမ်းလှမ်းလာတာဖြစ်ကြောင်း ဦးခွန်ထွန်းဦး က ဒီကနေ့
ဒီဇင်ဘာလ ၃၀ ရက်နေ့မှာ RFA ကို အတည်ပြုပြောပါတယ်။
SNLD ပါတီဘက်ကလည်း တိုင်းရင်းသားတွေရဲ့ လိုအပ်ချက်အခက်ခဲတွေကို
တင်ပြသွားမှာဖြစ်ပြီး မူဘောင်ဝင်တဲ့ အကူအညီတွေဆိုရင် မိမိတို့အနေနဲ့
တိုင်းရင်းသားဒေသတွေအတွက်ရရှိဖို့ တင်ပြသွားမယ်လို့ဆိုပါတယ်။
သူဌေးကြီး ဂျော့ဆိုးရော့စ်ဟာ Open Society Foundation ကို ၁၉၇၉
ခုနစ်မှာ စတင်တည်ထောင်ခဲ့ပြီး နိုင်ငံပေါင်း ၇၀ ကျော်မှာ လူ့အခွင့်ရေး၊
ပညာရေး ၊ တရားဥပဒေစိုးမိုးရေးစတဲ့ ခေါင်းစဉ်တွေနဲ့ လူ့အဖွဲ့အစည်းတွေ
ပွင့်လင်းလာအောင် အကူအညီပေးနေသူ အမေရိကန်နိုင်ငံသား ကမ္ဘာကျော်သူဌေးကြီး
ဖြစ်ပါတယ်။ သူ့ရဲ့လုပ်ငန်းတွေအတွက် အမေရိကန်ဒေါ်လာ ၈ ဘီလီယံကျော်ကို
လှူဒါန်းခဲ့တယ်လို့ သိရှိရပါတယ်။
မြန်မာနိုင်ငံမှာ ဒီမိုကရေစီထွန်းကားရေး၊ လူငယ်တွေနိုင်ငံခြားမှာ
ဆက်လက်ပညာသင်ကြားနိုင်ရေးအတွက်လည်း ၁၉၉၄ ခုနစ်မှ စတင်ပြီး
ထောက်ပံ့ကူညီနေတာဖြစ်ပါတယ်။
အမေရိကန်ဘီလျံနာ ဂျော့ဆိုးရောစ့်ရဲ့ အခု မြန်မာနိုင်ငံခရီးစဉ်ဟာ
ဒုတိယမြောက်ခရီးစဉ်ဖြစ်ပြီး ပထမအကြိမ် လာရောက်စဉ်က သမ္မတ ဦးသိန်းစိန်၊
လူထုခေါင်းဆောင် ဒေါ်အောင်ဆန်းစုကြည် တို့အပါဝင်
အရပ်ဖက်လူမှုရေးအဖွဲ့စည်းတွေနဲ့လည်း တွေ့ဆုံခဲ့ပါတယ်။
RFA 
No comments:
Post a Comment