Wednesday, April 3, 2013
ဖက်ရှင်ဒီဇိုင်းနဲ့ပတ်သက်ပြီး ဖခင်ဆီက ပိုးရခဲ့တဲ့ ချစ်သုဝေ
Ever November | 4/03/2013 11:38:00 AM |
အနုပညာ
ဒါရိုက်တာ ညိုမင်းလွင်ရိုက်ကူးတဲ့ ‘ကျေးဇူးရှင်’ဇာတ်ကားမှာ သရုပ်ဆောင်နေတဲ့ ချစ်သုဝေက ဒီဇာတ်ကားမှာတော့ ဖက်ရှင်ပိုင်း တွေရော၊ ဆံပင်ပုံစံလေးတွေရော အထူး ကြိုးစားထားတယ် လို့ပြောပါတယ်။ ချစ်သုဝေက ဖက်ရှင်ကို ငယ်ငယ်လေး ကတည်းက စိတ်ဝင်စားခဲ့တာဖြစ်ပြီး ဖက်ရှင်ဒီဇိုင်းနဲ့ ပတ်သက်ပြီး ဖခင်ဆီကပိုးရခဲ့တာ ဖြစ်ကြောင်းကို “ဖေဖေကလည်း အရင်က တေးသံသွင်းတို့၊ စတူဒီယိုတို့ မလုပ်ခင်က အဝတ်အစား ဒီဇိုင်းတွေလုပ်တယ်။ အန်ကယ် ညီထွဋ်တို့၊ ကိုစိုးသူတို့၊ ကိုကျော်သူတို့ အန်တီကော်နီတို့ကို အမြဲတမ်း အဝတ်အစားတွေဝယ်ပေး၊ ဆင်ပေးဆိုတော့ ဖေဖေ့ပိုးပါလာတယ် ပြောရမှာပဲ။
ငယ်ငယ်လေးကတည်းက ကိုယ့်ဘာသာကိုယ် ဖက်ရှင် ထွင်ပြီး ဝတ်ရတာကြိုက်တယ်” လို့ပြောပါတယ်။ ချစ်သုဝေက လောလောဆယ် သင်္ကြန်ဘယ်မှာရှိမလဲဆိုတာ မသေချာ သေးကြောင်း၊ နှစ်တိုင်းသင်္ကြန်ကို သီချင်း ဆိုရင်း ပဲ ဖြတ်သန်းဖြစ်ခဲ့ကြောင်း၊ သီချင်းမဆိုခင်ကတော့ အိမ်မှာပဲနေဖြစ်ပြီး သင်္ကြန်မှာရေပက်ရတာတို့၊ ထွက်လည်ရတာတို့ကို သိပ်မကြိုက်ကြောင်း ပြောပါတယ်။ သင်္ကြန်မှာ ထူးထူးခြားခြား အမှတ်တရကတော့ ၂ဝဝဝ Vegas မဏ္ဍပ်မှာ ပထမဆုံးရှိုးဖျော်ဖြေမှု အနေနဲ့ အင်္ဂလိပ် သီချင်းတွေစဆို ဖြစ်ခဲ့ကြောင်း ပြောပါတယ်။ ဒီနှစ် သင်္ကြန်မှာ ဝတ်စားဆင်ယင်မှုတွေကိုထိန်းထိန်းသိမ်းသိမ်းနဲ့ ဖြတ်သန်းစေချင်ကြောင်းပြောတဲ့ ချစ်သုဝေက “နာမည်ကိုက မြန်မာ့ရိုးရာ သင်္ကြန်လေ။ လူငယ်တွေဖြစ်တဲ့အတွက် ရာသီဥတု အရရော၊ တစ်ကိုယ်လုံးကြီး လုံခြုံနေအောင် ဝတ်ရမယ်ဆိုတာတော့ မဖြစ်နိုင်ဘူး။ သွားရလာရ လွယ်ကူရမယ်၊ ရေစိုခံရမယ်။ အပူသက်သာရမယ်။ လူငယ်တွေ ကလို့ခုန်လို့ ကောင်းရမယ်။
ဒါမျိုးတွေရွေးချယ်ရမယ်ဆိုတော့ ခေတ်တော့မီရမယ်၊ ခေတ်ဆန်နေရမယ်။ အမျိုးသမီးတွေက အထိအခိုက်မခံဘူး။ မြန်မာလူမျိုးဆို ပိုဆိုး တယ်။ ပွင့်လင်းလာတဲ့ခေတ်ကြီးထဲမှာ ကိုယ်သွားနေကျ လမ်းကြောင်းထက် နည်းနည်းလေးထွင်လိုက်ရင် လက်ညှိုးတွေက ဝိုင်းထိုးကြတယ်။ အဲဒါကြောင့် ကိုယ့်ရဲ့ မြန်မာဆိုတဲ့ဟန်လည်း မပျောက်အောင်၊ ခေတ် ဆန်ဆန် လူငယ်အထာလေး ဖြစ်နေအောင် ဝတ်ရမယ်။
လုံခြုံပေါ့ပါးလွတ်လပ်ပြီး လှတာတွေ အများကြီးပဲရှိပါတယ်။ ကိုယ့်ကိုယ်ကိုယ်လည်း Respectပေးနိုင်တဲ့သူ ဖြစ်အောင် သူတစ်ပါးကလည်း ကိုယ့်ကို Respect ပေးနိုင်တဲ့သူဖြစ်ေ အာင် ပျော်ပျော်ရွှင်ရွှင်လေးနဲ့ ဝတ်စားဆင်ယင်ပြီး တော့ ထိန်းထိန်းသိမ်းသိမ်း ဖြတ်သန်းသင့်ပါတယ်”လို့ ပြောပါတယ်။
ခိုင်ဝေလွင်၊ ဓာတ်ပုံ- မင်းမင်းထွန်း
Popular Journal
Subscribe to:
Post Comments (Atom)
No comments:
Post a Comment