ယာဉ်လိုင်း တချို့မှာ တပ်ဆင် အသုံးပြု လျက်ရှိတဲ့ i-pay ကဒ် တပ်ဆင်မှုကို
လာမယ့် ဇွန်လ အတွင်းမှာ မ.ထ.သ ယာဉ်လိုင်း တစ်ခုဖြစ်တဲ့ ၁၂၄ မြောက်ပိုင်းခရိုင် ယာဉ်လိုင်းမှာ တပ်ဆင် တော့မယ်လို့ သိရပါတယ်။ ငွေစက္ကူမလို
အကြွေအမ်းစရာ မလိုတဲ့ i-pay ကဒ်စနစ်ကို ဧပြီလ ၂ ရက်နေ့မှ စတင်ကာ အဓိပတိ
ယာဉ်လိုင်း အပြာမှာ စတင် တပ်ဆင်ခဲ့ပြီး ယခုအခါ အဓိပတိ အနီ မှာပါ တပ်ဆင်ပြီး
ပြီလို့ အဆိုပါ i-pay ရုံးမှ တာဝန်ရှိသူ တစ်ဦးရဲ့ ပြောပြချက် အရ
သိရပါတယ်။
အဆိုပါ i-pay ကဒ်စနစ်ကို အဓိပတိ အပြာယာဉ် ၅၈ စီးနဲ့ အဓိပတိ အနီ ၄၈
စီးမှာ အသုံးပြု နေတာ ဖြစ်ပြီး အဆိုပါ i-pay ကဒ်များကို ယာဉ်လိုင်းတွေ
ပေါ်မှာပဲ ရောင်းချပေး နေတာ ဖြစ်ပါတယ်။ ဒါ့အပြင် i-pay ကဒ်စနစ်ကို ဘတ်စ်ကား
များတွင် သာမက ပန်းဆိုးတန်း-ဒလ ဖယ်ရီကတို့မှာ ဆက်လက် တပ်ဆင် နိုင်ဖို့
စီစဉ် ဆောင်ရွက် နေတယ် လို့လည်း သိရပါတယ်။ ဒါ့အပြင် အဆိုပါ i-pay
ကဒ်များကို i-pay station များဖြစ်တဲ့ ရွှေဂုံတိုင်၊ သမိုင်း ဘုရားလမ်း၊
စော်ဘွားကြီးကုန်း၊ ပါရမီကားဝင်း၊ ၃၆ လမ်းထိပ်နဲ့ လူစည်ကားတဲ့
မှတ်တိုင်တွေမှာ ရောင်းချ ပေးသွားဖို့လည်း ရှိတယ်လို့ သိရပါတယ်။
ဒါ့အပြင် ကွန်ပျူတာ တက္ကသိုလ်ရှေ့ ဗိုလ်တထောင် အမျိုးသား စီမံ
ကောလိပ်ရှေ့နဲ့ သိမ်ဖြူ မီးပွိုင့် အနီးမှာပါ i-pay station တွေကို ထပ်မံ
တိုးချဲ့ ဖွင့်လှစ် သွားမှာ ဖြစ်ပါတယ်။ အဲ့ဒီ i-pay ကဒ်ကိုတော့ တစ်ကဒ် ၃၀၀
ကျပ်နဲ့ ရောင်းချ နေတာဖြစ်ပြီး အနည်းဆုံး ကျပ် ၇၀၀ မှ ကျပ် ငါးထောင် အထိ
ထည့်သွင်း အသုံးပြု နိုင်တယ်လို့ သိရပါတယ်။ လက်ရှိမှာတော့ i-pay ကဒ် စတင်
အသုံးပြု နိုင်ချိန်မှ အခုအချိန် အထိ ကဒ် ခုနစ်ထောင်ကျော် ရောင်းချပြီး
သွားပြီ ဖြစ်တယ်လို့ သတင်း ရရှိပါတယ်။MRTV4
No comments:
Post a Comment