မျိုးဆက်သစ်လူငယ်များ (Generation Wave) အဖွဲ့ တည်ထောင်ခြင်း ၅ နှစ်ပြည့်
အခမ်းအနားကို ရန်ကုန်မြို့ သမိုင်းမြို့မ ပရိယတ္တိစာသင်တိုက်မှာ ၂၀၁၂ ခုနှစ်
အောက်တိုဘာလ ၉ ရက်နေ့က ကျင်းပနေကြစဉ်။
၂၀၀၇ ရွှေဝါရောင်တော်လှန်ရေးမှာ စတင်ဖွဲ့စည်းခဲ့တဲ့ မျိုးဆက်သစ်လူငယ်များ (Generation Wave) အဖွဲ့ရဲ့ ၅ နှစ်ပြည့် မွေးနေ့ အခမ်းအနားကို မရမ်းကုန်းမြို့နယ်မှာရှိတဲ့ သမိုင်းမြို့မ ပရိယတ္တိစာသင်တိုက်မှာ ဒီကနေ့ မနက်ပိုင်းက ကျင်းပခဲ့ပါတယ်။
ယခုပြောင်းလဲလာတဲ့ နိုင်ငံရေး အခြေအနေကြောင့် ၂၀၁၁ ခုနှစ်က စတင်ပြီး
မြင်သာတဲ့ လှုပ်ရှားမှုတွေကို လုပ်ဆောင်လာတာ ဖြစ်တယ်လို့
မျိုးဆက်သစ်လူငယ်များအဖွဲ့ကို တည်ထောင်သူ တစ်ဦးဖြစ်တဲ့ ဦးဖြိုးဇေယျာသော်က
RFA ကိုပြောပါတယ်။
" ကျွန်တော်တို့နိုင်ငံဟာ ပြုပြင်ပြောင်းလဲတဲ့ လမ်းစတစ်ခုကိုသာ
ရောက်နေသေးတာပါ။ ကျွန်တော်တို့ ရောက်ချင်တဲ့ ပန်းတိုင်တွေကို
ရောက်ဖို့ဆိုတာ အဝေးကြီးလိုပါသေးတယ်။ ကိုယ်လိုချင်တဲ့ ပန်းတိုင်တွေကို
ရောက်ဖို့အတွက် ဆိုရင် ကျွန်တော်တို့အားလုံး တူညီတဲ့ ဒါရိုက်ရှင် တစ်ခုကို
ဝိုင်းပြီး တွန်းနိုင်တော့မှ ကျွန်တော်တို့ လိုချင်တဲ့ ပန်းတိုင်က
မြန်မြန်ဆန်ဆန် ချောချောမွေ့မွေ့ ရောက်နိုင်မှာ။"
မျိုးဆက်သစ် ကျောင်းသားများ အဖွဲ့ရဲ့ ၅ နှစ်ပြည့် အခမ်းအနားကို
တက်ရောက်လာတဲ့ ဒိန်းမတ်နိုင်ငံ ခိုးဝါဟော့ခ် အထက်တန်းကျောင်းက
ကျောင်းသားအဖွဲ့က အပြောင်းအလဲကို ငါတို့လုပ်နိုင်ခဲ့တယ် ဆိုတဲ့သီချင်းကို
ဒိန်းမတ်ဘာသာနဲ့ သီဆိုဂုဏ်ပြုခဲ့ပါတယ်။
ဒီကနေ့ ကျင်းပတဲ့ အခမ်းအနားကို မျိုးဆက်သစ်လူငယ်များ အဖွဲ့ဝင်တွေ၊ ၈၈
မျိုးဆက်ကျောင်းသား အဖွဲ့ဝင်တွေ၊ နိုင်ငံရေးပါတီ အသီးသီးက တာဝန်ရှိသူတွေ
အပြင် ဒိန်းမတ်နိုင်ငံ ခိုးဝါဟော့ခ် အထက်တန်းကျောင်းက
ကျောင်းသား/ကျောင်းသူတွေ အပါအဝင် နိုင်ငံရေး တက်ကြွလှုပ်ရှားသူ ၂၀၀ ကျော်
တက်ရောက်ခဲ့ပါတယ်။
RFA 
No comments:
Post a Comment