အန်းဇီးမှ အလိုရှိနေသည့် ရွန်နီ
မန်ချက်စတာ ယူနိုက်တက် တိုက်စစ်မှူး ဝိန်းရွန်နီကို ရုရှားကလပ် အန်ဇီးက အလို ရှိနေကြောင်း သတင်းများ ထွက်ပေါ် လာခဲ့သည်။
ဘီလျံနာ သူဌေး အသင်း ပိုင်ရှင်၏ ကျောထောက်နောက်ခံ ဓန အင်အားဖြင့် အန်ဇီးက အသက်(၂၇)နှစ်ရှိ အင်္ဂလန် လက်ရွေးစင်အား ပြောင်းရွှေ့ကြေး မြောက်မြားစွာ အသုံးပြု ကမ်းလှမ်းလာဖွယ် ရှိနေကြောင်း သိရသည်။ အန်ဇီးသည် ယူရိုပါလိဂ်တွင် လီဗာပူးလ်ကို အန်းဖီးလ်၌ (၁-၀)ဖြင့် အရေးနိမ့် ထားသည်။ အန်ဇီးသည် ရွန်နီအား ခေါ်ယူဖြစ်ပါက အသင်းမှ ကင်မရွန်း တိုက်စစ်မှူး ဆမ်မြူရယ်လ် အီတူးကဲ့သို့ပင် တစ်ပတ်လုပ်ခ ပေါင်စတာလင် (၃၅၀၀၀၀)ထိ ပေးချေရန် အသင့်ရှိနေကြောင်းလည်း ဆိုသည်။
အသင်း ဒါရိုက်တာ ရောဘတ်တို ကားလို့စ်က ရွန်နီကို ခေါ်ယူလိုခြင်း ရှိမရှိ
မေးမြန်းမှုများအား "ဘာကြောင့် မဖြစ်နိုင်ရမှာလဲ။ သူဟာ ကမ္ဘာပေါ်မှာ
အကောင်းဆုံး စာရင်းဝင် ကစားသမား တစ်ယောက်ပါ။ ရွန်နီလို ကစားသမားမျိုး
အသင်းကို ရောက်လာလို့ မပျော်ရွှင် နိုင်တဲ့သူ မရှိပါဘူး။ ပြီးတော့
သူ့အသက်ကလည်း ငယ်ရွယ်ပါသေးတယ်။ တကယ် ဖြစ်လာနိုင်တယ်လို့တော့ ကျွန်တော်
မပြောနိုင်သေးပါဘူး။ သူ့ကို လိုချင်တာ အန်ဇီး တစ်သင်းပဲ ရှိနေတာလည်း
မဟုတ်ပါဘူး။ အီတလီနဲ့ စပိန် ကလပ်တွေလည်း ရှိပါတယ်။ ပြောရရင် တစ်ကမ္ဘာလုံးက
အသင်းတိုင်း ရွန်နီလို ကစားသမားကို လိုချင်ကြတာပါပဲ" ဟု ဖြေကြားသွားသည်။
အန်ဇီးသည် ပေါင်စတာလင် (၄)ဘီလျံမျှ ချမ်းသာသည့် ရုရှားသူကြွယ် ဆူလီမန် ကာရီမော့ဗ်၏ ပိုင်ဆိုင်မှုအောက်တွင် ရှိနေသည်။ ကာရီမော့ဗ်သည် အသင်းအတွက် အီတူးအပြင် ခရစ္စတိုဖာ ဆမ်ဘာ၊ လာဆာနာ ဒီယာရာစသည့် ကစားသမားကောင်းများကိုလည်း ဝယ်ယူပေးပြီးဖြစ်သည်။
soccer myanmar အန်ဇီးသည် ပေါင်စတာလင် (၄)ဘီလျံမျှ ချမ်းသာသည့် ရုရှားသူကြွယ် ဆူလီမန် ကာရီမော့ဗ်၏ ပိုင်ဆိုင်မှုအောက်တွင် ရှိနေသည်။ ကာရီမော့ဗ်သည် အသင်းအတွက် အီတူးအပြင် ခရစ္စတိုဖာ ဆမ်ဘာ၊ လာဆာနာ ဒီယာရာစသည့် ကစားသမားကောင်းများကိုလည်း ဝယ်ယူပေးပြီးဖြစ်သည်။
No comments:
Post a Comment