မြန်မာနိုင်ငံရဲတပ်ဖွဲ့၊ လူကုန်ကူးတားဆီးနှိမ်နင်းရေးရဲတပ်ဖွဲ့နှင့် ထိုင်းနိုင်ငံ၊ အထူးစုံစမ်းစစ်ဆေးရေး ဌာနတို့ပူးပေါင်း၍ လူကုန်ကူးခံရသူများအား ကယ်တင်

၂.၅.၂၀၁၃ ရက်နေ့တွင် မြန်မာနိုင်ငံအခြေစိုက် လူ့အခွင့်အရေး ကာကွယ်မြှင့်တင်သူများအဖွဲ့ (Associaltion of Human Rights Defenders and Promoters) ဒါရိုက်တာဖြစ်သူ ဦးမြင့်အေးက မဟာမဲခေါင်ဒေသတွင်း လူကုန်ကူးမှုတိုက်ဖျက်ရေးစီမံချက်(UNIAP) မှတဆင့် တိုင်စာ(၁)စောင် ပေးပို့ခဲ့ ပါသည်။
အဆိုပါတိုင်စာ၌ ၁၂-၁-၂၀၁၃ ရက်နေ့တွင် ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ (၂)ရပ် ကွက်၊ နိဗ္ဗာန်လမ်းနေ သဲသဲဝင်း(ခ) သက်သက်ဝင်း(၄၅)နှစ်မှ မြဝတီမြို့၊ ပြောင်းဖူးစက်ရုံတွင် စရိတ်ငြိမ်း တစ်လလျှင်(၃)သိန်းကျပ်ဖြင့် အလုပ်ရမည်ဟုပြောဆိုစည်းရုံး၍ ၉.၂.၂၀၁၃ ရက်နေ့ တွင် မောင်××××ပါ (၁၁) ဦးနှင့် မောင်××××××ပါ (၁၀)ဦးအား သက်သက်ဝင်း နှင့် တူမဖြစ်သူ စုမာ(၂၇)နှစ်တို့က ရန်ကုန်-မုဒုံ-ဘုရားသုံးဆူမှတစ်ဆင့် ထိုင်းနိုင်ငံ၊ ကန်ချနာပူရီခရိုင်၊ ထမ္မကာမြို့နယ်၊ ဆင်သော်ရပ်ကွက်၊ ဝိုင်တဖု စက်ရုံသို့ ကား/ဆိုင်ကယ်/ ခြေလျင်ခရီးတို့ဖြင့် အဆင့်ဆင့် ပို့ဆောင်ခဲ့ကြောင်း၊ မူလပြောဆိုထား သည့် မြ၀တီမြို့မဟုတ်ဘဲ ထိုင်းနိုင်ငံသို့ ခေါ်ဆောင် သွားခြင်းဖြစ်ပြီး လမ်းခရီး၌ ညအိပ်ရပ်နားစဉ် ချုပ်နှောင်ခံရခြင်း၊ စက်ရုံတွင် ၄ လကြာ လုပ်ခဲ့ရသော်လည်း လုပ်အားခမပေးခြင်း၊ ၎င်းတို့က နေရပ်သို့ပြန် လိုသော်လည်း ပြန်ခွင့်မပေးဘဲ ငွေကျပ် ၇ သိန်းခွဲပေးမှသာ ပြန်ခွင့်ပေးမည်ဟုပြောဆိုခြင်း၊ သက်ဆိုင်ရာ သို့ တိုင်ကြားပါက သတ်ပစ်မည်ဟု ခြိမ်းခြောက်ခြင်းတို့ ပြုလုပ်ခဲ့ကြောင်း ဖော်ပြပါရှိသည်။

၃၀.၃.၂၀၁၃ ရက်နေ့တွင် ထိုင်းနိုင်ငံ၊ ဝိုင်တဖုစက်ရုံမှ ထွက်ပြေး လွတ်မြောက်လာသော တိုင်ကြားစာ ပါသူများအနက် မောင်×××××အား ရန်ကုန်လူကုန်ကူးမှု တားဆီးနှိမ်နင်းရေးတပ်ဖွဲ့နှင့် UNIAP တို့၏
တွေ့ဆုံမေးမြန်းဖော်ထုတ်ချက်များအရ သက်သက်ဝင်းနှင့် ၎င်း၏သမီးဖြစ်သူ ဝင်းသန္တာအောင်၊ စုမာတို့အား မြောက်ဥက္ကလာပ ရဲစခန်း(ပ)၃၀၀/၂၀၁၃၊ ပြည်ပအလုပ်အကိုင်ဆိုင်ရာ ဥပဒေပုဒ်မ ၂၆ အရ ၁၀.၄.၂၀၁၃ ရက်နေ့တွင် အမှုဖွင့်အရေးယူခဲ့သည်။

၎င်းအပြင် မြန်မာနိုင်ငံရဲတပ်ဖွဲ့၊ ရဲဦးစီးအရာရှိချုပ်သည် ထိုင်းနိုင်ငံ၌ပြုလုပ်သော COMMIT လုပ်ငန်း အဖွဲ့ ခေါင်းဆောင်များ၊ လုပ်ငန်းညှိနှိုင်းအစည်းအဝေးသို့ ၂၃.၄.၂၀၁၃ ရက်နေ့မှ ၂၆.၄.၂၀၁၃ ရက်နေ့ထိ တက်ရောက်ခဲ့သည့်ခရီးစဉ်တွင် ထိုင်းနိုင်ငံရှိ အထူးစုံစမ်းစစ်ဆေးရေးဌာန(DSI)အဖွဲ့နှင့် ထိုင်း နိုင်ငံရောက် မြန်မာအလုပ်သမားများအား ကယ်တင်စောင့်ရှောက် နေသည့်အဖွဲ့များဖြစ်သော Myanmar Association in Thailand-MAT, Labour Protection Network-LPN တို့နှင့် တွေ့ဆုံ၍ လုပ်ငန်းများ ပူး ပေါင်းညှိနှိုင်း ဆောင်ရွက်ရေးကို ဆွေးနွေးခဲ့ပါသည်။

၂၅.၅.၂၀၁၃ ရက်နေ့တွင် ဝိုင်တဖုစက်ရုံမှ ထပ်မံထွက်ပြေး လွတ်မြောက်လာသူ (၃)ဦးအား ရန်ကုန် လူကုန်ကူးမှု တားဆီးနှိမ်နင်းရေး တပ်ဖွဲ့စုနှင့် UNIAP တို့က တွေ့ဆုံမေးမြန်းခဲ့ရာ တိုင်ကြားစာပါသူ (၂၁)ဦး အနက် ၂.၁.၂၀၁၃ ရက်နေ့တွင် မောင်×××××ပါ(၁၁)ဦးအား လည်းကောင်း၊ ၉-၂-၂၀၁၃ ရက်နေ့တွင် မောင်××××ပါ(၁၀)ဦးတို့အား လည်းကောင်း သက်သက်ဝင်းက တစ်လလျှင် စရိတ်ငြိမ်း (၃)သိန်းကျပ် ရရှိမည်ဟုစည်းရုံးပြီး ၎င်းနှင့်စုစုမာတို့ဦးဆောင်၍ ဝိုင်တဖုစက်ရုံသို့ ပို့ဆောင်ပေးခဲ့ကြောင်း၊ အလုပ်ဝင်သောအခါ လစာငွေများကို သက်သက်ဝင်းကထုတ်ယူပြီး ခရီးစရိတ် ၅ သိန်း၊ စားသောက်စရိတ် ၇ သောင်း၊ ပုလိပ်ကြေး ၂ သောင်း၊ ဝတ်စုံစရိတ် ၃ သောင်းတို့ အတွက် တစ်ဦးချင်းစီထံမှ လစဉ်ထုတ်နှုတ်ဖြတ်တောက်ယူခဲ့ကြောင်း၊ လစဉ် ငွေတစ်ကြိမ် ထုတ်တိုင်း သက်သက်ဝင်းက အလုပ်သမားတစ်ဦးစီအား ဘတ်(၁၀၀)ပေးသုံးသော်လည်း ၎င်းငွေကို ဘတ်(၂၀)အတိုးယူပြီး နောက် တစ်ကြိမ် လစာထုတ်ပါက ဘတ်(၁၂၀)ဖြတ်တောက်ခဲ့ကြောင်း၊ ထမင်းအဝကျွေးသော်လည်း ဟင်းမှာ အဆင်မပြေကြောင်း၊ သက်သက်ဝင်း အပါအဝင် အလုပ်သမားများမှာ စက်ရုံမှ ၁၅ မိနစ်ခန့် လမ်းလျှောက် ရသည့် တိုက်ဝါအမှတ်(၁၆၀)တွင် စုပေါင်းနေထိုင်ကြကြောင်း မေးမြန်းဖော်ထုတ် ရရှိသည့်သတင်းများအရ သက်သက်ဝင်း၏သမီးဖြစ်သူ ဝင်းသန္တာအောင်အား ၃၀.၅.၂၀၁၃ ရက်နေ့တွင် မြောက်ဥက္ကလာပ ရဲစခန်း(ပ)၄၃၇/၂၀၁၃၊ လူကုန်ကူးမှုတားဆီးကာကွယ်ရေးဥပဒေ ပုဒ်မ ၂၄/၂၅ ဖြင့် အမှုဖွင့်အရေးယူခဲ့ သည်။

အမှုမှပြစ်မှုကျူးလွန်သူများအား ဖမ်းဆီးရမိရေးနှင့် ဝိုင်တဖုစက်ရုံတွင် ကျန်ရှိနေသော လူကုန်ကူးခံရသူ များအား ကယ်တင်ရေးတို့ အတွက် နှစ်နိုင်ငံအပြန် အလှန်ပူးပေါင်း ဆက်သွယ်ခဲ့ပြီး ပြစ်မှုကျူးလွန် သူများ ၏ ကိုယ်ရေးအချက်အလက်များပေးပို့ခြင်း၊ စက်ရုံသို့ သက်သက်ဝင်း ပို့ဆောင်ထားသော မြန်မာ အလုပ်သမားများ အမည်စာရင်းနှင့် ကယ်တင်ရမည့် သူများစာရင်း ပေးပို့ခြင်း၊ DSI ၏ တောင်းဆိုချက်အရ
မြောက်ဥက္ကလာပမြို့နယ်တရားရုံးမှဖမ်းဝရမ်းများကို နိုထြီ ပြုလုပ် ချက်ပေးပို့ခြင်း၊ (DSI)အဖွဲ့မှ ဝိုင်တဖု စက်ရုံရှိ အလုပ်သမား ၇ ဦးအား ကယ်တင် စောင့်ရှောက်ထားကြောင်း အသိပေးအကြောင်းကြားခြင်း၊ ကျန်ရှိနေသော အလုပ်သမားများအား ဆက်လက် ကယ်တင်ပေးရန်နှင့် ပြစ်မှုကျူးလွန်သူများအား အမြန် ဖမ်းဆီးပေး ရန် မေတ္တာရပ်ခံစာပေးပို့ခြင်း၊ MPF, DSI, UNIAP နှင့် အခြားမိတ်ဖက်အဖွဲ့အစည်းများ၏ ရရှိသော သတင်းအချက်အလက်များအား အပြန်အလှန်ဖလှယ်ခြင်းတို့ကို အဆက်မပြတ် ပူးပေါင်းဆောင်ရွက်ခဲ့သည်။ ထို့သို့ ပူးပေါင်းဆောင်ရွက်မှုများကြောင့် ဝိုင်တဖုစက်ရုံတွင် ကျန် ရှိနေသော မြန်မာ အလုပ် သမား(၈)ဦး တို့အား ၁၈.၅.၂၀၁၃ ရက်နေ့တွင်လည်းကောင်း၊ နောက်ဆုံး ကျန်ရှိသောမြန်မာအလုပ်သမား (၆)ဦးအား ၃၀.၅.၂၀၁၃ ရက်နေ့တွင်လည်းကောင်း ကယ်တင်နိုင်ခဲ့ပြီး ထိုင်းနိုင်ငံရှိ shelter တွင် ထိန်းသိမ်းစောင့်ရှောက်နိုင်ခဲ့သည့်အပြင် ၃၀.၅.၂၀၁၃ ရက်နေ့တွင်ပင် တရားခံ သက်သက်ဝင်းအား DSI အဖွဲ့မှ ဖမ်းဆီးထိန်းသိမ်းနိုင်ခဲ့သည်။

ထိုသို့ မြန်မာနိုင်ငံရဲတပ်ဖွဲ့(MPF)၊ လူကုန်ကူးမှုတားဆီးနှိမ်နင်းရေးရဲတပ်ဖွဲ့၊ ထိုင်းနိုင်ငံ အထူးစုံစမ်း စစ်ဆေးရေးဌာန (DSI)၊ မြန်မာနိုင်ငံအခြေစိုက် လူ့အခွင့်အရေးကာကွယ်မြှင့်တင်သူများ အဖွဲ့နှင့် အခြား မိတ်ဖက်အဖွဲ့အစည်းများ၏ ပူးပေါင်းဆောင်ရွက်မှုများကြောင့် လူကုန်ကူးခံရသူများအား ကယ်တင်နိုင်ခဲ့ပြီး လူကုန်ကူးမှု နှင့်ပတ်သက်သည့် ပြစ်မှုကျူးလွန်သူများအား အမြန်ဆုံးဖမ်းဆီး အရေးယူနိုင် ခဲ့ခြင်း ဖြစ်ကြောင်း သိရှိရသည်။

ရဲဇာနည်