နာဂစ်နှင့် အမေရိကန်သံရုံး
ထိုနေ့သည် ပုံမှန် နွေနှောင်းရက် တစ်ခုလိုပင် ဖြစ်သည်။ ထိုနေ့သည် မြန်မာနိုင်ငံသို့ မုန်တိုင်း မဝင်ရောက် လာခင် ၂၀၀၈ ခုနှစ် မေလ ၂ ရက်နေ့ အစောပိုင်း ဖြစ်သည်။ ရန်ကုန်မြို့ရှိ လေအေးစက် မလုံလောက်သော အခန်းများအတွက် ပုံမှန်အတိုင်း ပူလောင် အိုက်စပ်နေခဲ့ခြင်းသည် မည်သို့မျှ မထူးခြား သည့်နေ့ များ အတိုင်းသာ ဖြစ်သည်။
ဟိုးအဝေး မြစ်ဝကျွန်းပေါ်အောက်ပိုင်းမှ တောင်သူလယ်လုပ်များက ရာသီဥတု၏ ထူးခြားမှုကို ပို၍ အကဲခတ်တတ် ခဲ့မည်လား။ မိုးကောင်းကင်ကို ကြည့်၍ လည်းကောင်း၊ လေလာရာအရပ်နှင့် လေတိုက် ပုံကို ကြည့်၍ လည်းကောင်း ရာသီဥတုကို ဖတ်တတ်လေ့ရှိသော သူတို့သည် ယခုတစ်ကြိမ် တွင်မူ မနက်ဖြန်၏ အတိုင်းအဆကို ကြိုမမြင်နိုင် ကြသူများဖြစ်သည်။ သူတို့ရင်ခွင်ထဲမှ နို့စို့အရွယ် ကလေးများ လာမည့် နာရီပိုင်းတွင် ပြင်းထန်သော ရေစီးကြောင်းထဲ မျောပါ သွားတော့မည်ကို မသိသေးသည့် အချိန် ဖြစ်သည်။ သူတို့ နွေစပါးခင်းများမှ စပါးရွှေဝါတို့သည် ပြင်းထန်သော ရေလုံး ကြီးအောက်တွင် အမှုန်အမွှားမျှ ကုန်းကောက်စရာ မကျန်မည်ကို စိုးစဉ်းမျှ မတွေးရသေးသော ကာလဖြစ်သည်။ မိန်းမတို့သည် ဒိုးတူပေါင်ဖက် သေအတူရှင် အတူပေါင်းရန် ရည်စူးသော ခင်ပွန်းသည်များ မနက်ဖြန် အိမ်ပြန်လာကြမည် မဟုတ်သည်ကို မသိသေးသည့်နေ့ ဖြစ်သည်။ ခင်ပွန်းသည် များသည် နောက်တစ် ရက်တွင် လောကအလယ်၌ မုဆိုးဖိုအဖြစ် သောကဝေနေရမည့် အဖြစ် မရိပ်မိတတ်သေးသော နေ့ လည်း ဖြစ်သည်။
ရွာဦး ဘုန်းကြီးသည် ယခုနှစ်ဝါဆိုစရာ ကျောင်းအတွက် ပူပင်စရာ မလိုခဲ့သော နောက်ဆုံးနေ့ လည်း ဖြစ်သည်။ ကလေးများသည် သည်လကုန်လျှင် ကျောင်းတက်စရာ ကျောင်းစုတ်ကလေး တစ်ခုတော့ ရှိမြဲရှိမည်ဟု မျှော်လင့်ခဲ့ကြ မည်ပင်။ ထိုနေ့တွင် ကလေးတို့သည် မိဘမဲ့ ဘဝကို နောက်ထပ် ၂၄ နာရီ အတွင်း ကျရောက်တော့မည်ကို ပူပန်စရာ မလိုခဲ့သေး သည့်နှယ်။
ထိုအဖြစ်အပျက်များကို ပြေးမမြင်သော်လည်း ကြိုတင် တွက်ဆနိုင် သူတို့ရှိခဲ့ ကြသည်။ သတင်းအချက် အလက် ရယူမှု၊ ရယူသည့် အချက်အလက် ကို သုံးသပ်နိုင်မှု၊ သုံးသပ်ချက် ရလဒ်အတိုင်း ပြင်ဆင် မှု ဆောက်ရွက်နိုင် သူ တို့မှာ သဘာဝ ဘေးဒဏ်ကို ကာကွယ်ရာတွင် သာစမြဲ။ လယ်ထဲ၊ ချောင်းထဲမှာ ကလေးများ၊ အမေနှင့် အဖေများ၊ အဘိုးအဘွားများသည် နာဂစ်၏ ဘေးဒဏ် ကို မခန့်မှန်းနိုင်ဘဲ စင်းစင်းကြီး ခံသွားကြရချိန်တွင် ဆိုင်ကလုန်း နောက်ဆက်တွဲ ဖြစ်န်ိုင်ခြေများကို ကြိုတင် ခန့်မှန်းနေခဲ့သော ဌာနကြီးတစ်ခု ရှိခဲ့လေသည်။ ကံအကြောင်း မလှစွာပင် ထိုဌာနကြီးမှ မုန်တိုင်းသတိပေး သတင်းစကား တို့သည် လေဘေး သင့်ခဲ့သော မြို့ငယ် ရွာငယ်တို့ထံ ပျံ့လွင့်ဟန် မရှိပေ။ ထို ဌာနကြီးကား ရန်ကုန်ရှိ အမေရိကန်သံရုံး ပင်တည်း။ ၂၀၁၁ ခုနှစ်ထဲတွင် Wikileaks က ပေါက်ကြားခဲ့သည့် ၂.၅.၂၀၀၈ ရက်စွဲဖြင့် ထုတ်ပြန်ခဲ့သော ရန်ကုန်-ဝါရှင်တန် ကြေးနန်းများ အရ နာဂစ်ဘေးကို ပေါ့ပေါ့မထားခဲ့သော သံရုံး၏ ကြိုတင် လှုပ်ရှားမှုများ မှတ်တမ်းကို သိနိုင်ပေသည်။ သမိုင်းထဲမှ အရေးကြီးသည့် သင်ခန်းစာ တစ်ခုကို Wikileaks ကြေးနန်းကို အကြောင်း ပြု၍ လေ့လာ နိုင်ကြသည်ပင်။ အမေရိကန်သံရုံးသည် ထိုနေ့ ရက်စွဲဖြင့် မုန်တိုင်းသတင်း ကြေးနန်းကို ဝါရှင်တန် နိုင်ငံခြားရေး ဝန်ကြီးဌာနနှင့် ကာကွယ်ရေး ဝန်ကြီးဌာနကို သာမက နိုင်ငံတကာ အဖွဲ့အစည်း များဖြစ်ကြသော ကုလသမဂ္ဂနှင့် အာဆီယံ တို့သို့လည်း ဖြန့်ဝေခဲ့ သည်။
ကြေးနန်းအမှတ် - 08RANGOON306 ̲ a
နာဂစ် ဆိုင်ကလုန်းသည် မြန်မာနိုင်ငံ ဧရာဝတီ မြစ်ဝကျွန်းပေါ်သို့ ဦးတည်နေချေပြီ။ ယနေ့ ၆း၃၀ နာရီ တွင် မုန်တိုင်းသည် ကုန်းတွင်းသို့ ဝင်ရောက်လာတော့ မည်ဟု ခန့်မှန်းရသည်။ နောက်ဆုံးရရှိသော သတင်းများအရ နာဂစ် လမ်းကြောင်းသည် ရန်ကုန်ကို နီးကပ်စွာ ဖြတ်သန်း လိမ့်မည်ဟု ယူဆရ သည်။ လေတိုက်နှုန်းသည် တစ်နာရီလျှင် ၁၁၅ မိုင်ခန့် ရှိမည်ဟု ခန့်မှန်းရပြီး ကုန်းတွင်းပိုင်း သို့ ရောက်ရှိလာပြီး အချိန်အနည်းငယ် အကြာတွင် အားနည်းပျက်ပြယ် သွားမည်ဟု မျှော်လင့်ရသည်။ ရန်ကုန်သို့ မုန်တိုင်း ရောက်ရှိချိန်တွင် ပြင်းအားမှာ တစ်နာရီကိုမိုင် ၈၀ ကျော်ခန့် ရှိမည်ဟု တွက်ချက်ကြသည်။ ရန်ကုန်ရှိ အမေရိကန်သံရုံး အနေဖြင့် မုန်တိုင်း အရေးပေါ် သတိပေးချက် ထုတ်ပြန် ထားပြီး မြစ်ဝကျွန်းပေါ် အနောက်ဘက် ကမ်းရိုးတန်း တစ်လျှောက်ရှိ အပန်းဖြေ ကမ်းခြေစခန်းများသို့ တယ်လီဖုန်းဖြင့် အကြောင်းကြားထားသည်။ အပန်းဖြေနေသော အမေရိကန် ခရီးသွားများကြား သိနိုင် ရန် ဖြစ်သည်။ အပန်းဖြေစခန်း အတော်များများသည် မိုးဦးကျ ဖြစ်သောကြောင့် မူလကပင် ပိတ် ထားပြီး ဖြစ် သည်။ မြန်မာနိုင်ငံတွင် နောက်ဆုံး ဖြစ်ပေါ်ခဲ့သော မုန်တိုင်း ကြီးကြီးမားမားမှာ ရခိုင်ပြည်နယ် တွင် ၂၀၀၄ ခုနှစ်က တိုက်ခတ်ခဲ့သော မုန်တိုင်း ဖြစ်သည်။ မုန်တိုင်းငယ်များလည်း ဝင်ရောက် လာတတ် ရာ လူ ၁၇ ဦး သေဆုံးပြီး ဒေသခံ ခုနစ်သောင်းခန့် ရေကြီးသည့်ဒဏ်ကို ခံစားခဲ့ရသော ယမန်နှစ်က တိုက်ခတ်ခဲ့သော မုန်တိုင်းသည်လည်း အပါအဝင် ဖြစ်သည်။
မုန်တိုင်းဘေးသင့် ဒေသများတွင်ရှိသော စစ်ဘက်မှ တိုင်းမှူးများသည် မြန်မာနိုင်ငံ ကြက်ခြေနီအသင်းနှင့် အတူ ကယ်ဆယ်ရေးနှင့် လုံခြုံရေးကို ဆောင်ရွက်ပေးရန် တာဝန် ယူထားရသည်။ အမေရိကန် စစ်သံမှူးရုံး (DATT) သည် မုန်တိုင်း တိုက်ခတ်မည့် ဒေသများမှ တိုင်းမှူးများနှင့် တိုက်ရိုက် ဆက်သွယ်နိုင်ရေး မြန်မာ စစ်ဘက်မှ ဆက်သွယ်ရေးအရာရှိကို ချိတ်ဆက်ပေးရန် အကြောင်းကြားထားရာ ထိုသူက အစဉ်အလာအတိုင်း စာဖြင့် ရေးသား ဆက်သွယ်ရန် လိုအပ်ကြောင်း ပြောကြားသည်။ ယခုအချိန် ထိ DATT သည် အကြောင်း ပြန်စာမရရှိသေးပေ။ မြန်မာ့ ကြက်ခြေနီအသင်း၏ အဆိုအရ အစိုးရ မိုးလေဝသနှင့် ဇလဗေဒ ဦးစီးဌာနသည် မြို့နယ် အထွေထွေ အုပ်ချုပ်ရေးရုံးများကို မုန်တိုင်း ဝင်ရောက်နိုင်ကြောင်း အကြောင်း ကြားထား ပြီးပြီဟု ဆိုသည်။ မြို့နယ် ထွေအုပ်ရုံးများသည် ကြက်ခြေနီ အပါအဝင် ဒေသခံ NGO များနှင့် ပူးပေါင်း ပြင်ဆင်ရန် ညွှန်ကြားချက် ရရှိထားသည်။မြန်မာနိုင်ငံ ကြက်ခြေနီအသင်း (MRC) သည် နိုင်ငံတကာ ကြက်ခြေနီနှင့် လခြမ်းနီ အသင်းများ ဖက်ဒရေးရှင်း (IFRC) ဌာနေကိုယ်စားလှယ် ရုံးခန်းနှင့် ဆက်သွယ်ပြီး ဖြစ်သည်။ မုန်တိုင်း ဖြစ်လာလျှင် IFRC သည် ကုလသမဂ္ဂနှင့် အတူ နိုင်ငံတကာမှ လူသားချင်း စာနာထောက်ထားရေး အကူအညီများ ရရှိနိုင်ရေး တွင် ဦးဆောင် နိုင်မည့်အဖွဲ့ ဖြစ်သည်ဟု မျှော်လင့်ရသည်။ မုန်တိုင်းအရိပ် အရောင်များကြောင့် မေလ ၃ ရက် စနေနေ့တွင် ပြည်တွင်း ပြေးဆွဲနေသည့် လေကြောင်းများ ရပ်နားထားမည် ဖြစ်ကြောင်း သံရုံးက အကြောင်း ကြားစာ ရရှိထားသည်။ ယနေ့ (မေလ၂ရက်) တွင် ရန်ကုန်မှ ပြေးဆွဲသော လေယာဉ် ဟူ၍ မန္တလေးသို့ ထွက်ခွာသော လေယာဉ် တစ်စင်းသာ ရှိသည်။ အစိုးရသည် လေယာဉ် အားလုံးကို မန္တလေးလေဆိပ်သို့ ရွှေ့ပြောင်းထားပြီး ဖြစ်သည်။
ကုလသမဂ္ဂနှင့် ဆက်စပ် လှုပ်ရှားနေသော မိတ်ဖက် အဖွဲ့အစည်းများသည် ယခု စနေ၊ တနင်္ဂနွေ တွင် ပြောင်းလဲ ဖြစ်ပေါ်နေသော အခြေအနေများ ကိုမျက်ခြည် မပြတ်ဘဲ စောင့်ကြည့်ခြင်း၊ အထိအခိုက် မည်မျှ ဖြစ်နိုင်သည်ကို သုံးသပ်ခြင်းများ ပြုလုပ်ကာ အချင်းချင်း ဆက်သွယ်နေကြမည် ဖြစ်သည်။ အကယ်၍ လိုအပ်လျှင် မုန်တိုင်းနောက်ပိုင်း အခြေအနေများကို တုံ့ပြန် နိုင်ရန် အရေးပေါ် ပူးပေါင်း ဆောင် ရွက်ရေး အစည်းအဝေးတစ်ရပ်ကို ကျင်းပကြမည် ဖြစ်သည်။ ဧရာဝတီ မြစ်ဝကျွန်းပေါ်သည် အထိနာနိုင်ပြီး ဆုံးရှုံးမှု များသည့် အလျှောက် စပါးအထွက် လျော့ကျ နိုင်ကြောင်း ကုလသမဂ္ဂက ခန့်မှန်း ထားသည်။ ကုလသမဂ္ဂ လက်အောက် အရေးပေါ်ပူးပေါင်း ဆောင်ရွက်ရေး ဌာန၏ ဌာနေ ကိုယ်စားလှယ် Julie Belanger က သံရုံး စီးပွားရေးနှင့် နိုင်ငံရေးဌာန အကြီးအကဲသို့ ယနေ့ ပြောကြားချက် အရ မြန်မာနိုင်ငံ၏ လက်ရှိဆက်သွယ်ရေး အခြေခံ အဆောက်အဦ ချို့ယွင်းချက်နှင့် စစ်အစိုးရ၏ မပွင့်လင်း မှုကြောင့် အရေးပေါ်ဆက်သွယ်ရေး အခြေအနေကို များစွာ တုံ့ဆိုင်းစေနိုင်ပြီး မုန်တိုင်းဒဏ်သင့် ဧရိယာများကို ချဉ်းကပ်ရန်၊ ဘေးဒဏ် သင့်သူများ၏ လိုအပ်ချက်ကို သိနိုင်ရန် ရက်အတန်ကြာ အချိန်ယူ ရဖွယ်ရှိသည်ဟု ခန့်မှန်းကြောင်း သိရသည်။
Belanger က မုန်တိုင်းသည် မြန်မာနိုင်ငံကို အဆိုးဆုံး ဖြစ်နိုင်ခြေရှိသည့် အခြေအနေတွင် ရွေးပြီး ဝင်ရောက်လာသည်ဟု ဆိုသည်။ အဘယ်ကြောင့် ဆိုသော် မေလ ၁၀ ရက်နေ့တွင် ကျင်းပမည့် ဖွဲ့စည်းအုပ်ချုပ်ပုံ အခြေခံဥပဒေ ကို အတည်ပြုရန် ပြည်သူ့ ဆန္ဒခံယူပွဲ မတိုင်မီ ရက်ပိုင်းတွင် ဝင်ရောက်လာခြင်း ဖြစ်ရာ စစ်အစိုးရ အရာရှိများ၏ တစ်စုံတစ်ခု လွဲချော်သွားမည်ကို ကြောက် ရွံ့သောစိတ်နှင့် အခြေအနေကို ဖုံးကွယ်လိုစိတ်များ အမြင့်ဆုံးသို့ ရောက်ရှိ နေနိုင်သောကြောင့် ဖြစ်သည်။ မုန်တိုင်းသင့် ဒေသများသို့ ကုလ အရာရှိများ အပျက်အစီး အခြေအနေများ စစ်ဆေးဖို့ရာ သွားရောက်မည့် အခြေအနေမျိုး တွင်ပင် စစ်အစိုးရအနေဖြင့် ခွင့်ပြုမိန့် ထုတ်မပေးမည်ကို စိုးရိမ်ရကြောင်း Belanger က ပြောကြားသည်။
မြန်မာအစိုးရသည် အစဉ်အလာအရ နိုင်ငံတကာ အကူအညီများကို ပယ်ချလေ့ ရှိရာ ၂၀၀၄ တွင်လည်း ဆူနာမီနှင့် ပတ်သက်သော အကူအညီများ မယူခဲ့ပေ။ ယမန်နှစ် မုန်တိုင်းများ တွင်လည်း ထိုနည်းတူပင် ဖြစ်သည်။ သို့ရာတွင် Belanger နှင့် မိမိတို့ သံရုံးက လက်ခံသည့် အချက်တစ်ခုမှာ စစ်အစိုးရ အနေဖြင့် ယခုကဲ့သို့ နိုင်ငံရေးအရ အတိမ်းအစောင်း မခံသော ကာလတွင် နိုင်ငံတကာ အကူအညီများ အပေါ် ၎င်းတို့ ထားရှိသော သဘောထားကို ပြောင်းလဲကောင်း ပြောင်းလဲနိုင်သည် ဟူ၍ပင် ဖြစ်သည်။ ဆူနာမီ အပြီးကတည်းက ဧရာဝတီ မြစ်ဝကျွန်းပေါ်ဒေသကို နိုင်ငံခြားသား ဝင်ရောက် ခွင့် ပိတ်ပင်ထား ခဲ့ရာ အခြေအနေကို မျက်ခြည်မပျက် နိုင်စေရန် လောလောဆယ်တွင် သံရုံး အနေဖြင့် ကုလသမဂ္ဂ လက်အောက်ခံ အဖွဲ့အစည်းများနှင့် အတူ ဧရာဝတီတိုင်းကို ဝင်ခွင့် ရထားသော ပြည်တွင်း အဖွဲ့အစည်းတစ်ခု ဖြစ်သည့် ‘မေတ္တာ’ နှင့်ဆက်သွယ် မေးမြန်းလျက် ရှိမည် ဖြစ်သည်။ မုန်တိုင်း နောက် ဆက်တွဲ အပျက်အစီး အခြေအနေများကို ဆက်လက် အကြောင်းကြားပါ ဦးမည်။
The Voice Weekly
No comments:
Post a Comment