Monday, January 27, 2014

လေးပွင့်ဆိုင်တွေ့ဆုံရေး ထပ်မံတောင်းဆိုရန် စဉ်းစားနေဟု ဒေါ်အောင်ဆန်းစုကြည်ပြော

Ever November | 1/27/2014 09:47:00 AM | Best Blogger Tips
ချင်းပြည်နယ်ခရီးစဉ်တွင် ဒေါ်အောင်ဆန်းစုကြည်ကိုတွေ့ရစဉ် 
ဓာတ်ပုံ - ဂျေမောင်မောင်(အမရပူရ)
သမ္မတ၊ လွှတ်တော်နာယက၊ တပ်မတော်ကာကွယ်ရေး ဦးစီးချုပ်နှင့် ဒေါ်အောင်ဆန်းစုကြည် တို့ လေးပွင့် ဆိုင် တွေ့ဆုံပွဲ အတွက် ထပ်မံ တောင်းဆိုရန် စဉ်းစားနေသည်ဟု ဒေါ်အောင်ဆန်း စုကြည်က ပြောကြား လိုက်သည်။

““ဒါ စဉ်းစား နေပါတယ်။ လုပ်သင့် လုပ်ထိုက်တဲ့ ကိစ္စကတော့ လုပ်ရမှာပေါ့””ဟု လေးပွင့် ဆိုင် တွေ့ဆုံမှု အတွက် ထပ်မံ တောင်းဆိုရန် ရှိ၊မရှိ သတင်းထောက်များ၏ မေးမြန်းမှုကို ဒေါ်အောင်ဆန်းစုကြည် က ဖြေကြားသည်။

““ဘယ်ကိစ္စမဆို တွေ့ဆုံဆွေးနွေး ညှိနှိုင်းမှုနဲ့ အဖြေရှာပြီး ဆောင်ရွက်တာ အကောင်းဆုံးပါပဲ။ မိမိအနေနဲ့ ကတော့ တွေ့ဆုံ ဆွေးနွေး မှုများကို ကြိုဆိုတယ်။ လက်ခံတယ်။ တကယ်လို့ ထပ်ပြီး ကြိုးစားတောင်းခံ လာမယ် ဆိုရင် မိမိဘက်ကတော့ လက်ခံမှာဖြစ်ပါတယ်”” ဟု ဇန်န၀ါရီ ၂၃ ရက် က ပြုလုပ်သော သတင်း စာ ရှင်းလင်းပွဲတွင် ပြည်ထောင်စုလွှတ်တော် နာယက သူရဦးရွှေမန်းက ပြောကြားသည်။

ဒေါ်အောင်ဆန်းစုကြည်က ဖွဲ့စည်းပုံအခြေခံဥပဒေ ပြုပြင်ပြောင်းလဲရေး ချောမွေ့စေရန် သမ္မတအပါအ၀င် လွှတ်တော်၊ တပ်မတော်ခေါင်းဆောင်များနှင့် လေးပွင့်ဆိုင် တွေ့ဆုံဆွေးနွေး လိုသည်ဟု ကမ်းလှမ်း ချက်ကို အစိုးရအဖွဲ့က ယနေ့အထိ အကြောင်းပြန်ကြားခြင်းမရှိသေးပေ။ သို့သော် သမ္မတ၏ ဇန်န၀ါရီ ၂ ရက်က ပြောကြားခဲ့သော ရေဒီိယိုမိန့်ခွန်းတွင်မူ တွေ့ဆုံဆွေးနွေးရေးနှင့် ပတ်သက်သော တောင်းဆိုချက် များအတွက် အဖွဲ့အစည်းပေါင်းစုံကို အစဉ် တံခါးဖွင့်တွေ့ဆုံခဲ့ပြီး တစ်ခါတစ်ရံတွင် နိုင်ငံရေးအင်အားစု များ၏ အားမလိုအားမရဖြစ်မှုကို သဘာဝကျသည်ဟု လက်ခံထားကြောင်း ထည့်သွင်းပြောကြားသွား သည်။

““ဒီလိုအခြေအနေတွေအားလုံးကို နိုင်ငံရေးအရှိတရားအနေဖြင့်ခံယူပြီး တစ်ဖက်နှင့်တစ်ဖက် အပြန်အလှန် နားလည်မှုစွမ်းရည် မြှင့်တင်ကြဖုိ့လည်း တိုက်တွန်းပါတယ်””ဟု သမ္မတ ဦးသိန်းစိန်က ပြောကြားခဲ့သည်။

သမ္မတ၏ ပြောခွင့်ရပုဂ္ဂိုလ်က ဖွဲ့စည်းပုံအခြေခံဥပဒေ လေ့လာသုံးသပ်ရေးကော်မတီလည်း ရှိသည့် အတွက် ကော်မတီ၏ အစီရင်ခံစာထွက်လာပြီးမှသာ အဆိုပါကိစ္စကို စဉ်းစားသင့်ပြီး နိုင်ငံရေး ပါတီများစွာ ရှိနေသည့်အတွက် ပါတီတစ်ခုတည်းနှင့် တွေ့ ဆုံခြင်းက သင့်တော်၊ မတော် ကိုလည်း စဉ်းစား ရမည်ဟု ဒေါ်အောင်ဆန်း စုကြည်က တွေ့ဆုံရန် စတင်ကမ်းလှမ်း ချိန်တွင် ပြန်လည်ဖြေကြားထားသည်။

ဒေါ်အောင်ဆန်းစုကြည်က တွေ့ဆုံဆွေးနွေးမှုကို သူရဦးရွှေမန်းကသာ ပါဝင်ကူညီမည်ဆိုပါက ကောင်း သည် ဟု ပြောခဲ့ပြီး ဖွဲ့စည်းပုံအခြေခံဥပဒေကို မြန်မြန်ဆန်ဆန် ပြုပြင်ပြောင်းလဲရန် ကြိုးစားရမည်ဟု လည်း ပြောကြားခဲ့သည်။

Author: အိဖြူလွင် ၊ ဥက္ကာကိုကို
7day Daily

No comments:

England - Premier League

Italy - Serie A

Spain - Primera Division

Germany - Bundesliga

France - Ligue 1