ဖေ့စ်ဘုတ်သုံးခြင်း ဘယ်လိုလူတွေ ဆင်ခြင်သင့်လဲ ???

အင်တာနက် လူမှုကွန်ရက်တွေထဲမှာ ဖေ့စ်ဘုတ်ကို တကမ္ဘာလုံးအတိုင်းအတာနဲ့ သုံးစွဲသူ သန်းပေါင်း ၉၀၀ ကျော် သုံးစွဲနေ ကြပါတယ်။ ဖေ့စ်ဘုတ် သုံးစွဲသူများဟာ အလွှာအသီးသီးက ပါဘဲ။ သမ္မတတွေ၊ ၀န်ကြီးချုပ်တွေ၊ ကုမ္ပဏီ အရာရှိကြီးတွေ၊ ထင်ရှားသူတွေနဲ့ လူငယ်ကျောင်းသားလေးတွေအထိ ဖေ့စ်ဘုတ်ကို သုံးစွဲနေကြပါတယ်။

အင်တာနက် လူမှုကွန်ရက်တွေထဲမှာ ဖေ့စ်ဘုတ်ဟာ ဘာကန့်သတ်ချက်မှ ရေးသား မထားပါဘူး။ ဒါပေမယ့် ဖေ့စ်ဘုတ် အကောင့်တခုကို ဒီကွန်ရက်နဲ့ မသင့်တော်ကြောင်း ကန့်ကွက်မှုတွေ များလာ ရင်တော့ ဖေ့စ်ဘုတ် အက်ဒမင် ( ဖေ့စ်ဘုတ်ကို ထိမ်းချုပ်ထားသည့်အဖွဲ့) က ကန့်ကွက်ခံရတဲ့ အကောင့်ကို သုံးသပ်ပြီး ပိတ်ပင်ဖျက်သိမ်းလိုက်ပါတယ်။

ဖေ့စ်ဘုတ်အနေနဲ့ သုံးစွဲသူများကို ကန့်သတ်ချက်တွေ မထားပေမယ့် အစိုးရအဖွဲ့တွေ၊ ကုမ္ပဏီကြီးတွေ မှာတော့ ဖေ့စ်ဘုတ် သုံးစွဲခွင့် တွေ ရှိပေမယ့် သူသုံးစွဲတဲ့ ဖေ့စ်ဘုတ်စာမျက်နှာတွေမှာ မှတ်ချက်တစုံ တရာ ပေးခွင့် မရှိဆိုပြီး ကန့်သတ်ထားပါတယ်။

အထူးသဖြင့် အမေရိကန်ပြည်ထောင်စု၊ ကနေဒါ၊ ဥရောပနိုင်ငံတွေနဲ့ ကမ္ဘာ့ ကုမ္ပဏီကြီးတွေက ဖေ့စ်ဘုတ် သုံးစွဲမှုတွေကို တင်းကြပ်စွာ ကန့်သတ်ထားပါတယ်။ သံတမန်တွေ၊ စီအီးအိုတွေ၊ အစိုးရအဖွဲ့တာဝန်ရှိသူတွေ၊ ညွှန်ကြားရေးမှူးတွေ စတာ တွေလည်း အလားတူပါဘဲ ဖေ့စ်ဘုတ်ကို သုံးစွဲခွင့်ရှိကြပေမယ့် ထင်မြင်ချက်တွေ တင်ပြတာတွေ မလုပ်ဖို့တော့ ကန့်သတ် ထားကြပါတယ်။

ဒါပေမယ့် တချို့ စီးပွားရေး ကုမ္ပဏီကြီးတွေက ဖေ့စ်ဘုတ်ကို ကြော်ငြာ အတွက် အသုံးပြုတာတွေ ရှိပါတယ်။ ဒါကိုလည်း ဘုတ်အဖွဲ့တွေ စည်းဝေး သဘောတူပြီး ထည့်သွင်းအသုံးပြုကြတယ်။ မိမိကုန်ပစ္စည်း၊ မိမိ ကုမ္ပဏီတွေ ရဲ့ ပရိုမိုးရှင်းအဖြစ်အသုံးပြုတဲ့သဘောသာ တွေ့ကြရပါတယ်။

ပုဂ္ဂလိက သုံးချင်တဲ့ အရာရှိကြီးတွေ၊ စီအီးအိုကြီးတွေအနေနဲ့တော့ ကိုယ့်ကို သူများမသိနိုင်တဲ့ တခြား အမည်ဝှက်တခုနဲ့ သုံးပြီး အချက်အလက်ရှာဖွေတာတွေမှာ ဖေ့စ်ဘုတ်ကို သုံးတာတွေလည်း ရှိပါတယ်။

မကြာသေးမီကပဲ အရှေ့တောင် အာရှ နိုင်ငံတခုဖြစ်တဲ့ ဖိလစ်ပိုင်နိုင်ငံက ခရိုင် သတင်း ထုတ်ပြန်ရေး အရာရှိ ဖြစ်သူ Maynardo Valdez ဟာ အလုပ်ချိန် အတွင်း ကျောင်းသားဟောင်းတွေနဲ့ မိတ်ဆုံစားပွဲ တစ်ခု ကို ရောက်ရှိနေတယ်ဆိုတဲ့ စွပ်စွဲချက်နဲ့ မသင့်တော်တဲ့ အပြုအမူ ပြုလုပ်မှု၊ ဂုဏ်သိက္ခာမဲ့ လုပ်ရပ်အတွက် ရာထူးက ထုတ်ပယ် ခံလိုက်ရတဲ့အကြောင်း ဇူလိုင် ၇ ရက်နေ့က AP သတင်းတပုဒ်မှာ တွေ့လိုက်ရပါတယ်။

ဖေ့စ်ဘုတ်ပေါ်မှာ သူက အပန်းဖြေကျွန်းတခုပေါ်က သူ့ဓာတ်ပုံတွေကို တင်ထားတာကို အထက်အရာရှိတွေ သိရှိခဲ့ရာက အပြစ်ပေးခံလိုက်ရတာလည်းဖြစ်ပါတယ်။ သူဟာ ခွင့်ပြုချက်မရဘဲ ၄ ရက်ကြာ ရုံးကို ပိတ်ပြီး အထက်တန်းကျောင်းသား ဟောင်းများ မိတ်ဆုံစားပွဲလုပ်တဲ့ အပန်းဖြေကျွန်းကို သွားရောက်ခဲ့တာ ကို ဖေ့စ်ဘုတ်မှာ ဓာတ်ပုံတွေ တင်မိလိုက်တာပါဘဲ။

လွန်ခဲ့တဲ့ တနှစ်ကျော်ကာလကလည်း နိုင်ငံကြီး တခုက သံတမန်တဦးဟာ ထိုင်းနိုင်ငံ ဘန်ကောက်မြို့မှာ တာဝန် ထမ်းဆောင်နေရင်း သူ့ရဲ့ ဖေ့စ်ဘုတ်အကောင့်တခုမှာ သူ့ရဲ့ ကိုယ်ပိုင်မှတ်ချက်ကို ရေးသားမိရာက ရာထူးက ချပြီး နေရပ်ပြန်ခေါ်ဖို့အထိ ပြင်း ထန်စွာ အရေးယူခံရလုနီးပါး ဖြစ်ခဲ့ရပါတယ်။ တောင်းပန်မှု အကြိမ်ကြိမ်ကြောင့် ပြင်းထန်စွာ သတိပေးခံရတဲ့ အဆင့်နဲ့သာ နောက်ဆုံး သက်သာရာ ရခဲ့ပါတယ်။

တော်တော်များများ ကုမ္ပဏီ တာဝန်ရှိသူတွေကလည်း ဖေ့စ်ဘုတ်သုံးစွဲမှုကန့်သတ်ရခြင်းဟာ ကုမ္ပဏီရဲ့ လျှို့ဝှက်သတင်း ပေါက်ကြားမှာ နဲ့ အခြား မလိုလား အပ်တဲ့ ကုမ္ပဏီအပေါ် ထင်မြင်ယူဆချက် မဖြစ်စေဖို့ တားမြစ်တာဖြစ်တယ်လို့ သူတို့ရဲ့ ကုမ္ပဏီ စည်းကမ်းတွေမှာ တွေ့ရပါတယ်။

ဒါကြောင့် အစိုးရပိုင်းကဖြစ်ဖြစ်၊ ကုမ္ပဏီပိုင်းကဖြစ်ဖြစ် တာဝန်ရှိသူတွေရဲ့ စိတ်လွတ်လက်လွတ် ဖေ့စ်ဘုတ်ပေါ် တခုခု တင်ပြလိုက်လို့ ပြန်လည် ရိုက်ခတ်လာမယ့် ဆိုးကျိုးတွေကို ကြိုတင်ကာကွယ်တဲ့အနေနဲ့ ကန့်သတ်ထား တာလည်းဖြစ် တယ်လို့ သိရပါတယ်။

ဒါပေမယ့် မြန်မာနိုင်ငံမှာတော့ ဒီလို ကန့်သတ်ထားတာတွေ မရှိပါဘူး။ ဖေ့စ်ဘုတ်ပေါ်မှာ လူသိထင်ရှား ဖြစ်နေ တဲ့ အစိုးရ ပိုင်းက အရာရှိ တဦးနဲ့ ဥပမာပေးချင်ပါတယ်။ ဒီ ဥပမာပေးလို့ ပုဂ္ဂိုလ်ရေးကို တိုက်ခိုက်လိုတဲ့ ဆန္ဒလည်း မရှိပါဘူး။

ဖေ့စ်ဘုတ်အကောင့်အမည်က Hmuu Zaw (မှူးဇော်) ဆိုတဲ့ သမ္မတရုံးက ညွှန်ကြားရေးမှူး အဆင့်ရှိတဲ့ ဗိုလ်မှူးဇော်ဌေးဟာ သူ့ဖေ့စ်ဘုတ် စာမျက်နှာမှာ ကိုယ်ပိုင် သဘောထား မှတ်ချက်တွေ ရေးတာ၊ တချို့ သတင်းတွေကို မှတ်ချက်ပေးနေတာ၊ မ လိုလားအပ်တဲ့ ဆူပူမှုဖြစ်စေမယ့် စကားလုံးနဲ့ သတင်းတင်ပြမှု၊ အမျိုးသား ပြန်လည်သင့်မြတ်ရေးကို ထိခိုက်နိုင်တဲ့ စကား လုံး၊ သတင်း၊ မှတ်ချက်တွေ တင်ပြထား မှုတွေ မြင်တွေ့နေရပါတယ်။

ဒီလို သူ့ရဲ့ မှတ်ချက်တွေကြောင့် သမ္မတနဲ့ အစိုးရအဖွဲ့ဟာ ဒီလို သဘောထားမျိုးရှိသလားဆိုတဲ့ မေးခွန်းတွေ လည်း ပေါ် ထွက်လာခဲ့ပါတယ်။ ဒီမေးခွန်းဟာ မထင်မှတ်ဘဲ မရည်ရွယ်ဘဲ ဘေးထွက်ဆိုးကျိုး ဖြစ်လာခဲ့တာပါ။ သမ္မတနဲ့ အစိုးရအဖွဲ့ အပေါ် သံသယတွေဖြစ်စေခဲ့ပြီး ဘက် တဖက်ဖက်က ရပ်တည်နေတဲ့အစိုးရ၊ ဘက်မျှပြီး အုပ်ချုပ်နေတဲ့ အစိုးရ မဟုတ်ဘူး ဆိုတဲ့ အစိုးရအဖွဲ့အပေါ် သံသယတွေ ဖြစ်ပေါ်စေခဲ့တာ သတိထားမိပါတယ်။

သမ္မတရုံး ညွှန်ကြားရေးမှူး တဦးအနေနဲ့ အခု သူ့ရဲ့ ဖေ့စ်ဘုတ်သုံးစွဲမှုမှာ သူ့အတွေး၊ သူ့အမြင်တွေကို ဖော်ပြခွင့် ရှိ၊ မရှိ မေးခွန်းထုတ်ရမလို ဖြစ်လာပါတယ်။ ပြန်ကြားရေး ၀န်ကြီးဌာနက သတင်းကန့်သတ် ဖြတ်တောက် မှုတွေကြောင့် အစိုးရရဲ့ သတင်းတွေကို အရိုးခံအတိုင်း တင်ပြပေးနေတဲ့အတွက် ဖေ့စ်ဘုတ်သုံးသူတော်တော် များများက သူ့ဖေ့စ်ဘုတ်က ဖော်ပြချက်တွေကို အတည်ပြုချက်တွေ၊ အစိုးရ အသံတခုအနေနဲ့ ကောက်ယူ လက်ခံလာကြတာပါ။

သမ္မတနဲ့ အစိုးရပိုင်းရဲ့ သဘောထား အသံကို သူ့ဖေ့စ်ဘုတ်အကောင့် စာမျက်နှာတွေကတဆင့် တီးခေါက် ယူကြည့်ခွင့်တွေ ရလာတယ်။ စစ်တပ်မှာ လုံ ၄ လုံဆိုတာ ရှိပါတယ်။ သတင်း၊ အဆင်း၊ အသံ၊ အနံ့ ဆိုတဲ့ လုံခြုံရေး သတိရှိရမယ့် အချက် ၄ ချက်ပါ။ ဒီ လုံ ၄ လုံစည်းတွေ ဖေ့စ်ဘုတ်ကနေ ပေါက်ကြားမှုမဖြစ်စေဖို့ သတိပြုမိပါတယ်။ စေတနာ အရင်းခံနဲ့ ဒါဟာ တကယ်ဖြစ်သင့်ရဲ့လား ဆိုတာ မေးခွန်းထုတ်မိတာပါ။

Irrawaddy blog