Wednesday, January 16, 2013
ဆပ်ပြာမြှုပ်နှင့် ပဲအနံ့များသုံးကာ ပဲဆီအတုများ ရောင်းချနေခြင်းများရှိနေ
Ever November | 1/16/2013 09:54:00 AM |
မြန်မာ့သတင်း
မြန်မာပြည်တွင်းရှိ စားသုံး သူ ဈေးကွက်ထဲတွင် စားအုန်းဆီ များအား မခဲအောင် ဆပ်ပြာမြှုပ်များထည့်၍ ရောင်းချခြင်းများ၊ စားအုန်းဆီများ အားမခဲအောင် ပြုလုပ်၍ ပဲဆီအနံ့ထည့်ကာ ပဲဆီအတုများ ပြုလုပ် ၍ ရောင်းချခြင်းများရှိလာကြောင်း သိရှိ ရသည်။
စားသုံးသူကာကွယ်ရေးအသင်းမှ ဦးဗအုပ်ခိုင်က ပြောကြားရာတွင် ““အဲလိုလုပ်တာဟာ ဘယ်သူ သေသေ ငတေမာပြီး ရောစိတ်နဲ့ ၀ိသမလောဘစိတ်နဲ့ လုပ်နေကြတယ်။ စိတ်ဓာတ်က လူမျိုးကြီးစိတ်ဓာတ် မဟုတ် ဘဲနဲ့ ဆင်းရဲနွမ်းပါးမှုကြောင့် တရားတဲ့နည်းနဲ့ စီးပွားမရှာချင်ဘဲနဲ့ မတရားတဲ့နည်းနဲ့ စီးပွားရှာချင်တယ်။ အခု စားအုန်းဆီက တော် သေးတယ်။ စားအုန်းဆီကိုဆပ်ပြာမှုန့်ထည့်ပြီးတော့ မခဲအောင်လုပ်ပြီးတော့ အဲဒီ့ ထဲကို ပဲဆီနံ့ နှမ်းဆီအနံ့တွေ ထည့်ပြီးတော့ ပဲဆီ၊ နှမ်းဆီလုပ်ပြီး အခုလုပ်ရောင်းလာတာတွေရှိတယ်။ စား အုန်းဆီမှာ လူစားလို့ရတာနဲ့ လူစားလို့မရတာ ဆိုပြီးတော့ရှိတယ်။ တကယ် တော့ စားအုန်းဆီဟာ လူ စား ဖို့ထုတ်တာ မဟုတ်ဘူး။ စက်တွေ ထဲမှာထည့်ဖို့သာ ထုတ်ကြတာ အဲဒါကိုမှ ဆင်းရဲတဲ့ နိုင်ငံတွေက စားကြ တာ””ဟု ပြောကြားခဲ့သည်။
ယင်းကဲ့သို့ စားအုန်းဆီများကို ဓာတုဆေးဝါးများထည့်၍ ရောင်းချခြင်း ပဲဆီအတုနှင့် နှမ်းဆီအတုများကို ထည့်သွင်း ရောင်းချခြင်းများကို စားသုံးသူကာကွယ်ရေးအသင်းမှ ကိုယ်ပိုင်ဓာတ်ခွဲခန်းများ ရရှိပါက စစ်ဆေးပြီး ယင်းကဲ့သို့ ရောင်းချသူများ ဥပဒေအရ ဆောင်ရွက်သွားမည် ဖြစ်ကြောင်း သိရသည်။
The Hot News
Subscribe to:
Post Comments (Atom)
No comments:
Post a Comment