ကျွန်တော် ကျွန်မ ငရဲပန်းကို ပန်ဆင်ချင်ပါသည်

“ငရဲပန်းကို နတ်ပန်းမှတ်ပါလို့” ဟူသော မြန်မာစကားရှိ၏၊ ဗုဒ္ဓစာပေလာ ဇာတ်တော်တစ်ပုဒ်အပေါ် အခြေပြုထားသော စကားဖြစ်သည်။

ကျွန်မသမ္မတဖြစ်ချင်ပါတယ် ကျွန်တော်သမ္မတဖြစ်ချင်ပါတယ် ဟူသော စကားနှင့်အတူ ဗေဒင်ဆရာများ၏ သမ္မတဟောစာတမ်းများ လှိုင်လှိုင်ထွက်ပေါ်လာသောအခါ “ငရဲပန်းကို နတ်ပန်းမှတ်လို့” ဟူသောစကား မြန်မာပြည်သူများအကြား ပြန်လည်ခေတ်စားလေသည်။

လက်ရှိမြန်မာ့နိုင်ငံရေးပုံစံကို ၂၀၀၈ အခြေခံဥပဒေ ခေါင်းကိုင်ဆရာကြီးများက သုံးချောင်ထောက် ပုံစံမျိုးဖြင့် ဖန်တီးစီရင်ထားခဲ့ကြသည်။ နိုင်ငံကိုခန့်ခွဲစီမံပိုင်ခွင့်အာဏာကို တစ်စုံတစ်ဦး (သို့) တစ်ဖွဲ့တစ်စည်း၏ လက်ထဲစုပုံနေခြင်းကို ကာကွယ်ရန်အတွက် ရည်သန်၍ ဥပဒေပြုလွှတ်တော်၊ အုပ်ချုပ်ရေးအစိုးရ၊ တရားစီရင်ရေးဌာန သုံးဦးသုံးဌာနသို့ ဖြန့်ကျက်ထားရှိပြီး ထို သုံးဌာနတို့ အပြန်အလှန်ထိန်းကျောင်းထောက်ပံ့နေစေရန် စီရင်ထားခဲ့သည်၊ သို့သော် စီရင်စဉ် တပ်မတော်တည်းဟူသော အဖွဲ့အစည်းကို ကိုင်တွယ်ရန် စွမ်းအားကင်းမဲ့ခဲ့ခြင်းကြောင့် ကြိုးပေါက်ကာ စီရင်မှု မအောင်မမြင်ဖြစ်ခဲ့လေသည်။

တပ်မတော်သည် လွှတ်တော်အတွင်းသို့လည်း ပြည်သူ့အရွေးအကောက်ကို ခံစရာမလိုပဲ ၂၅% အခန့်သား ၀င်ထိုင်ပိုင်ခွင့်ရှိသည်၊ အစိုးရအဖွဲ့အတွင်းတွင်လည်း အဖွဲ့ခေါင်းဆောင် သမ္မတ၏ ဆန္ဒမပါပဲ သုံးဌာန အခန့်သား ၀င်ရောက်တာဝန်ယူပိုင်ခွင့်ရှိ၏။ ထို့အပြင် စစ်တရားရုံးက တပ်မတော်သားများ အနေနှင့် မုဒိန်း၊ လုယက်၊ ခိုးဝှက်၊ လူသတ် စသော ရာဇ၀တ်မှုခင်းများ ကျူးလွန်သည်ကိုလည်း အများပြည်သူတရားရုံးထံ မပို့ပဲ သီခြားစီရင်ပိုင်ခွင့် ရှိနေပြန်သည်။ ပုံမှန်အတိုင်းဆိုလျှင် အုပ်ချုပ်ရေးအာဏာပိုင် အစိုးရအဖွဲ့၏ လက်အောက်တွင် ရှိနေရမည့် တပ်မတော်က ယခုကဲ့သို့ သူနှင့်လုံးလုံး မသက်ဆိုင် အပေါ်ထပ်အဆောက်အဦးပေါ်တက်ကာ ထိန်းချုပ်စီမံနေသောအခါ ၂၀၀၈ အခြေခံဥပဒေသည် စီရင်လိုသည့် သုံးချောင်းထောက် ပုံစံမဟုတ်တော့ပဲ စည်းပေါက်ကာ လဲပြိုနေရရှာ၏။

ထိုသို့စည်းပေါက်လဲပြိုနေသော နိုင်ငံရေးပုံစံတွင် နိုင်ငံကို စီမံခန့်ခွဲခြင်း လက်တွေ့ဆောင်ရွက်ရသော အုပ်ချုပ်ရေးအာဏာပိုင် အစိုးရအဖွဲ့ခေါင်းဆောင် သမ္မတထိုင်ခုံကို ငရဲပန်း ဟု တင်စားကြသည်မှာ အလွန်သင့်လျှော်သော ထပ်တူပြုမှုပင်။

သမ္မတကြီး ဦးသိန်းစိန်ခေါင်းဆောင်သော အစိုးရအဖွဲ့သည် ရာစုဝက်ကျော် စစ်အာဏာရှင်အဆက်ဆက်လက်အောက်တွင် ပြိုပျက်ချင်တိုင်း ပြိုပျက်ခဲ့ရသော နိုင်ငံတော်ကို အင်တိုက်အားတိုက် ပြန်လည်တည်ဆောက်နေသည်။ အင်တိုက်အားတိုက် ကြိုးပမ်းနေသော်လည်း အရွေ့မှာ နည်းပါးလွန်လှသည်။ သုံးနှစ်သက်တမ်းသို့ဝင်လာသည့်တိုင် ကျေးလက်နေ ၇၀ ရာနုန်းသော ပြည်သူများအပါဝင် ကျပ်တည်းနေသော လူထုကြီး၏ဘ၀အခြေနေ တိုးတက်မည့်အရိပ်အယောင်ပင် မမြင်ရသေးပဲ သတင်းစာများပေါလာရုံ၊ ကား နဲ့ ဖုန်းပေါလာရုံ၊ ဂုံးကျော်တံတားဆောက်ရုံ အရွေ့မှာ ကြိုးစားအားထုတ်မှုကြာမြင့်ချိန်နှင့် ယှဉ်လျှင် မပြောစလောက်၊ ထို့ကြောင့် အလုပ်မဖြစ်သေးဟု ဝေဘန်ကြခြင်းဖြစ်သည်။

သမ္မတကြီးဦးသိန်းစိန်တို့အဖွဲ့ ကြိုးစားအားထုတ်မှုနည်းသည်ဟု ပြောလျှင်မှားသည်၊ မကြိုးစားသည်မဟုတ် အလွန်ကြိုးစားပါသည် သို့သော် သမ္မတကြီးအဖြစ်က ကားတာယာကြီးဆွဲကာ အပြေးကျင့်သော အပြေးသမားနှင့်တူနေ၏၊ ခြေလှမ်းများ စိတ်တိုင်းကျလှမ်း၍မရ။

သမ္မတကြီးသည် အုပ်ချုပ်ရေးအာဏာပိုင် အစိုးရအဖွဲ့၏ ခေါင်းဆောင်ဖြစ်သောငြား သူလက်အောက်တွင် ရှိရမည့် ပြည်ထဲရေး၊ နယ်စပ်ဒေသ နှင့် ကာကွယ်ရေးဝန်ကြီးဌာနကို ထိထိရောက်ရောက် ကိုင်တွင်ပိုင်ခွင့်မရှိရှာ။ ထိုဌာနသုံးနေရာအတွက် ၀န်ကြီးရာထူးကို တပ်မတော်ခေါင်းဆောင် စစ်ဦးစီးချုပ်က သူ့စိတ်ကြိုက် ခန့်အပ်နိုင်သည် ထို့အတူ စိတ်တိုင်းမကျလျှင် ဖြုတ်နုတ်နိုင်သည်၊ သမ္မတအနေနှင့် ၀င်ရောက်စွက်ဖက်ပိုင်ခွင့်မရှိ။

ပြည်ထဲရေးဝန်ကြီးဌာန-

မြန်မာနိုင်ငံတွင် ပြည်ထဲရေးသည် အုပ်ချုပ်ရေးအာဏာပိုင်အဖွဲ့၏ အသက်ဟု ဆိုလောက်သည်။ နိုင်ငံတစ်နိုင်ငံအတွက် အရေးအကြီးဆုံးအချက်ဖြစ်သည့် တရားဥပဒေစိုးမိုးရေးအတွက်ဆိုလျှင် ပြည်ထဲရေးဝန်ကြီးဌာနက အခရာဟုပင် တင်စားလောက်သည်။ ပြည်ထဲရေးဝန်ကြီးလက်အောက်ခံ ရဲတပ်ဖွဲ့သည် တရားစီရင်မှုအာဏာပိုင်အဖွဲ့ကို အားကောင်းအောင် အားဖြည့်ထောက်ပံ့ ကူညီပေးရသော အဖွဲ့အစည်းဖြစ်သည်။

ထို့ကြောင့် ကမ္ဘာ့နိုင်ငံတိုင်းလိုလိုတွင် ပြည်ထဲရေးဝန်ကြီးဌာနသည် သမ္မတ၏ အနီးကပ်ထိန်းချုပ်မှု အောက်တွင် ရှိကြရခြင်းဖြစ်သည်။ မြန်မာနိုင်ငံ၏ အစိုးရအဆက်ဆက် လက်ထက်များတွင်လည်း ပြည်ထဲရေးဝန်ကြီးဌာနသည် အစိုးရအဖွဲ့ခေါင်းဆောင်၏ ထိန်းချုပ်ညွှန်ကြားမှု အောက်တွင်သာ ရှိခဲ့သည်ကိုတွေ့ရပါမည်။ တရုတ်လို ရုရှားလို အဖွဲ့လိုက်အာဏာရှင်နိုင်ငံ တစ်ဦးချင်းအာဏာရှင်နိုင်ငံများ၌ပင် ပြည်ထဲရေးဝန်ကြီးသည် သမ္မတ၏ ခေါင်းဆောင်မှုအောက်တွင်သာ လုပ်ငန်းများအကောင်အထည်ဖေါ်ရသည်။ ၂၀၀၈ အခြေခံဥပဒေက စံပြုခဲ့သော အင်ဒိုနီးရှား၏ ဆူဟာတိုခေတ်တွင်ပင် ပြည်ထဲရေးဝန်ကြီးဌာနသည် အစိုးရလက်အောက်တွင်သာ ပြည့်ပြည့်၀၀ရှိခဲ့ပါသည်။ ပြည်ထဲရေးဝန်ကြီးကို သမ္မတက တာဝန်ခံရပြီး ခေါင်းဆောင်၏လုပ်ပိုင်ခွင့်အတိုင်း ဆောင်ရွက်ချက်ညံ့ဖျင်းသူ နောက်လိုက်ငယ်သားအား ဖြုတ်နုတ်ပိုင်ခွင့်လည်း အစိုးရအဖွဲ့ခေါင်းဆောင် သမ္မတတွင် ရှိ၏။

အစိုးရအဖွဲ့ခေါင်းဆောင်အဖြစ် သမ္မတရာထူးရယူသောအခါ နိုင်ငံ၏ အတိတ်သမိုင်းက အစာမကြေခဲ့သည့်ဒဏ်ကို ဦးသိန်းစိန်အပင်ပန်းကြီးစွာ တာဝန်ယူဖြေရှင်းရသည်။ အခက်အခဲများကိုကျော်လွှားရင်း အပြောင်းအလဲကို ဦးတည်လျှောက်လှမ်းနေသည့် လမ်းတစ်လျှောက် ခရီးလမ်းအတိုက်မလိုက်ပါနိုင်သူများနှင့် ခရီးလမ်းကို ဖျက်လိုဖျက်ဆီးလုပ်လိုသူများကို ချန်ရစ်ခဲ့မည်ဟု ကြိမ်းဝါးရင်း အပြောင်းအလဲကို ကန့်လန့်တိုက်နေသူများ အပြောင်းလဲကို ဖေါ်ဆောင်ရာတွင် အရည်အသွေးမပြည့်မှီသူများကို သမ္မတကြီး တစ်ယောက်ပြီးတစ်ယောက် လက်တွဲဖြုတ်ခဲ့ငြား ပြည်ထဲရေး၊ ကာကွယ်ရေး၊ နယ်စပ်ဒေသ ၀န်ကြီးဌာနသုံးခုကိုမူ မျက်စောင်းပင် မထိုးရဲ။

လက်ပံတောင်အဓိကရုဏ်း ကိုင်တွယ်ပုံ၊ မိထ္ထီလာ၊ ဥက္ကံ၊ လာရှိုး စသည့် ပြည်မထဲမှာ ဘာသာရေးအဓိကရုဏ်းများကို ကိုင်တွယ်ပုံ၊ လယ်သမားအရေးအခင်းများကို ကိုင်တွယ်ပုံ၊ နိုင်ငံရေးအကျည်းသားအတွက် ပြည်ထဲရေးဝန်ကြီးထံမှ ထောင်ကြွေးတောင်းမှု စသည့်အဖြစ်အပျက်များက ပြည်ထဲရေးဝန်ကြီး၏ အရည်အသွေးကို ဖေါ်ပြနေခဲ့သော်လည်း သမ္မတကြီး နှာစေးရင်း အများ၏အဆဲကို ခေါင်းထိုးခံရုံကလွဲ ဘာမှလုပ်၍မရ။

ထို့အပြင် တိုင်းရင်းသားလက်နက်ကိုင်တပ်များနှင့် ဖြစ်ပွားနေသော စစ်ပွဲများအတွင်း တပ်မတော်ဘက်မှ စစ်ကိုရပ်စဲထားရန် သမ္မတကြီးက ညွှန်ကြားခဲ့သော်လည်း ကာကွယ်ရေးဝန်သည်လည်ကောင်း ကာကွယ်ရေးဦးစီးချုပ်သည်လည်ကောင်း ထိုအမိန့်ကို ဖုတ်လေငပိ ရှိသည်ပင်မထင်။ ထိုကိစ္စနှင့် ပတ်သက်၍ ကာကွယ်ရေးဝန်ကြီးကို အရေးယူရန် သမ္မတကြီးအနေဖြင့် စိတ်ကူးပင်မယဉ်ရဲရှာ။

ထိုကာလအတွင်း ကာကွယ်ရေးဦးစီးချုပ်က သူ့သဘောနှင့်သူ နယ်စပ်ရေးရာဝန်ကြီးဌာနအတွက် ၀န်ကြီးအပြောင်းအလဲလုပ်သည်၊ သမ္မတကြီးမှာ ပွဲကြည့်ပရိသတ်အဆင့်သာ။

စစ်တပ်သိမ်းမြေယာပြဿနာ-

အရေးကြီးဆုံးကိစ္စကား လယ်သမား ယာသမား များ၏ ဥယျာဉ်ခြံမြေလယ်ယာများကို စစ်တပ်များက အဓမ္မသိမ်းပိုက်ကာ သီးစားပြန်ချထားသည့်ကိစ္စ။ ထိုကိစ္စမှာ အလွန်ရွံရှာဖွယ်ကောင်းလှသည်။ ယခင်အစိုးရလက်ထက်မှ မခိုင်မာသော မြေယာဥပဒေကို အခွင့်ကောင်းယူအမြတ်ထုတ်ကာ လယ်သမား ယာသမားများ၏ ချွေးသွေးများနှင့် ဖေါ်ထုတ်ထူထောင်ထားသော လယ်ယာဥယျာဉ်ခြံမြေများကို အာဏာနှင့် အချောင်ဝင်သိမ်းပိုက်ခြင်းဖြစ်ပြီး ရရှိလာသော အကျိုးအမြတ်ကို တပ်ရံပုံငွေအမည်တပ်ကာ တပ်ရင်းမှူးများက မြေပိုင်ရှင်များသဖွယ် သိမ်းပိုက်ယူငင်ခြင်းဖြစ်သည်၊ ထိုအကျိုးအမြတ်ခွဲဝေမှုနှင့် ပတ်သက်၍ တပ်ရင်းမှူးကတော်နှင့် အောက်ခြေရဲမေ (ရဲဘော်၏ဇနီး) များအကြား အငြင်းပွားမှုများလည်း နိုင်ငံအနှံ့ကြားသိနေရသည်။ ထိုကိစ္စနှင့် ပတ်သက်၍ သမ္မတကြီးက တပ်မတော်ဦးစီးချုပ်နှင့် ဆွေးနွေးသောအခါ အကိုကြီးကို လေးစားလို့ ဒီတစ်ချက်တော့ လက်ခံပေးလိုက်ပါ့မယ် ဟူသော တပ်မတော်ဦးစီးချုပ်၏စကားသည် သမ္မတကြီး ဟူသော အဆင့်အတန်းကို မီးမောင်းထိုးပြနေခြင်းဖြစ်သည်။

ထို့အပြင် နိုင်ငံ၏ အဆီအနှစ်များကိုသာ သဲ့ပြီးခူးခပ်စားနေသော တပ်မတော်ပိုင် စီးပွားရေးလုပ်ငန်းစု ဦးပိုင်ကို သမ္မတကြီးထိ၍မရ၊ အခွန်ထမ်းဆောင်ပေးဖို့ရန်ကိုပင် အတော်လေးချော့မော့ပြောဆိုရသည်။ သည်အတွက်လည်း တန်ဖိုးနည်းလက်ကိုင်ဖုန်းဆင်းကဒ်ကိစ္စတွင် တပ်မတော်စီးပွားရေးအဖွဲ့ကို သမ္မတကြီး မျက်နှာသာပေးကာ ချော့မော့ခဲ့ရသည်။

လူတန်းစားသစ် -

သမ္မတကြီး၏ ဦးဆောင်မှုနောက် လုံးဝထောက်ခံ လိုက်ပါပါမည်ဟု တပ်မတော်ဦးစီးချုပ်က မည်မျှကတိပေးနေသည်ဖြစ်ပါစေ သတင်းထောက်များနှင့် တွေ့ဆုံမေးမြန်းခန်းတစ်ခုတွင် ဒုတိယ ကာကွယ်ရေးဦးစီးချုပ်က နိုင်ငံတော်၏ အထောက်ပံ့ကိုဂရုမစိုက်၊ တပ်မတော်က မိမိတို့ခြေ မိမိတို့ ရပ်တည်နိုင်အောင် ကြိုးစားနေသည် ဟူသည့်အဓိပ္ပါယ်ရသည့် စကားမျိုးပြောဖူးသည် သတိရဖို့လိုပါသည်။ ကိုယ်ပိုင်စီးပွားရေး၊ ကိုယ်ပိုင်ဘက်စုံမီဒီယာ၊ ကိုယ်ပိုင်ဆေးကျောင်း၊ ကိုယ်ပိုင်အင်ဂျင်နီယာကျောင်း ပိုင်ဆိုင်သော နိုင်ငံ၏ အပေါ်ထပ်အဆောက်အအုံကိုထိန်းချုပ်ထားသည့် နိုင်ငံ၏အင်အားအကြီးဆုံး လက်နက်ကိုင်အဖွဲ့အစည်းကြီးဟူသော ဂုဏ်ပုဒ်သည် နိုင်ငံ၏အုပ်ချုပ်ရေးအာဏာပိုင်အဖွဲ့အစည်း၏ ခေါင်းဆောင်ကို အဓိကခြိမ်းချောက်နေသည်။ ထိုအခြေနေတွင် သမ္မတရာထူးသည် ငရဲပန်းသာ ဖြစ်နေပါဦးမည်။

နည်းနှစ်နည်း -

ဤတွင် ငရဲပန်းကို နတ်ပန်းအဖြစ် ဘယ်လိုပြောင်းမလဲ ဟူသော အမေးက ပေါ်လာသည်။ လက်ရှိ နည်းလမ်းနှစ်မျိုးနှင့် ပြောင်းလဲရန်ကြိုးစားနေသည်ကို တွေ့ရသည်။ ဒေါ်အောင်ဆန်းစုကြည်နည်းနှင့် ဦးသိန်းစိန်နည်း။

ဒေါ်အောင်ဆန်းစုကြည်နည်း-

ဒေါ်အောင်ဆန်းစုကြည်တွင် လက်နက်ကိုင်အင်အားမရှိပါ၊ ထို့အတူ နိုင်ငံကို စီမံခန့်ခွဲခွင့် အာဏာလည်းမရှိပါ၊ သို့သော် သူမတွင် သူမကိုချစ်ခင်မြတ်နိုးလေးစားကြည်ညိုသူ ပြည်သူပြည်သားများသာမက နိုင်ငံတကာ၏ ထောက်ခံမှု အပြည့်ရှိနေသည်။ ထိုအရာကို တနည်းဆိုရလျှင် သြဇာဟု သုံးနှုံးနိုင်ပါမည်။ သူမပြောသည့်စကား သူမလုပ်သည့်အလုပ်တိုင်းတွင် ကြီးမားသော သက်ရောက်မှုရှိသည်။ အာဏာမရှိ သို့သော် သြဇာရှိသည်။ သူမသည် လွှတ်တော်အတွင်းဝင်ကာ တချိန်က သူမကိုဆန့်ကျင်သူများနှင့် လက်တွဲအလုပ်လုပ်ရင် ယုံကြည်မှုကိုတည်ဆောက်သည်၊ စစ်သားများနှင့် နီးစပ်စွာဆက်ဆံသည်။ အတိုက်အခံအမှုကို တက်နိုင်သမျှ ရှောင်၏။ လွှတ်တော်အတွင်း အတိုက်အခံနိုင်ငံရေးခေါင်းဆောင် ဖြစ်ရမည်အစား ပူးပေါင်းဆောင်ရွက်နေ၍ အများစုက အားမရ၊ လက်ပံတောင်းကိစ္စနှင့် ပတ်သက်၍ သူမကိုထောက်ခံခဲ့သူများကြား သူမကိုအယုံအကြည်မဲ့သူများပင်ပေါ်လာသည်။ သို့သော် သူမက သူမဘာလုပ်နေသည်ကို ကောင်းကောင်းနားလည်သူဖြစ်သည်၊ ၄၀ ကျော်မျှသော အင်အားနှင့် ၅၀၀ ကျော်အား အတိုက်အခံလုပ်နေပါလျှင် ပေါ်ပြူလာဖြစ်ကောင်းဖြစ်မည် အလုပ်ဖြစ်မည်မဟုတ်။ သို့သော် လွှတ်တော်ပြင်ပတွင် အခွင့်သာတိုင်း စစ်တပ်၏ ပုံမှန်မဟုတ်သော အနေအထားကို ထောက်ပြသည်။ လက်ရှိအခြေအနေအရ အချိန်အတိုင်းတာ တစ်ခုအတွင်း လွှတ်တော်တွင် သူမ၏သြဇာကို ထူထောင်နိုင်ခဲ့သည်ဟု ဆိုရမည်။
ကျွန်မသမ္မတဖြစ်ချင်သည်ဟူသော စကားသည် နိုင်ငံရေးတိုက်စစ်တစ်ခုဖြစ်သည်။ အခြေခံဥပဒေအရ သူမ သမ္မတဖြစ်ခွင့်မရှိ၊ ထိုသို့ကန့်သတ်ထားခြင်းသည် သူမကိုဦးတည် ကန့်သတ်သတ်မှတ်ထားမှန်း သိသာနေသောကြောင့် အခြေခံဥပဒေမတရား၊ ပြင်သင့်သည်ဟူ၍ ဖြစ်လာသည်။ သူမက အခြေခံဥပဒေပြင်မည်ဆိုပါက ပြင်ဆင်ရန်အလွန်ခက်ခဲအောင် ရေးဆွဲထားခြင်းကို ထောက်ပြသည်။ သူမထောက်ပြသည့် အချက်ကိုပြင်မှသာ အခြေခံဥပဒေသည် ခေတ်အဆက်ဆက်နှင့် သင့်လျှော်မည့် ဆန့်နိုင်ကျုံ့နိုင်မည့် အခြေခံဥပဒေဖြစ်မည်။ ထိုမှတဆင့် နိုင်ငံ့အပေါ်ထပ်အဆောက်အုံမှ တပ်မတော်ကို ဖယ်ရှားရန် (လွှတ်တော်အတွင်း ၂၅% ခပ်တည်ဝင်ထိုင်သည်ကို မဖယ်ရှားသေးလျှင်တောင် အုပ်ချုပ်ရေးအာဏာပိုင် အစိုးရအဖွဲ့အတွင်း တပ်မတော်ဝင်ရောက်ချယ်လှယ်နေမှုကို အဆုံးသတ်ရန်)။

ဦးသိန်းစိန်နည်း -

ဦးသိန်းစိန်တွင် ဒေါ်အောင်ဆန်းစုကြည်ကဲ့သို့သော ပြည်တွင်းပြည်ပ ချစ်ခင်မြတ်နိုးလေးစားမှု သြဇာမရှိပါ။
ဒေါ်အောင်ဆန်းစုကြည် အခက်ခဲအကျပ်အတည်းဖြစ်ချိန်တွင် ဒေါ်အောင်ဆန်းစုကြည်ကို ၀န်းရံကြ ဟု၍ဆော်သြသူများ ဒေါ်အောင်ဆန်းစုကြည်အတွက် အသက်ပေးသူများ ဒေါ်အောင်ဆန်းစုကြည်အတွက် နှစ်ရှည်ထောင်အကျည်းကျခံသူများ ရှိခဲ့သော်လည်း ဦးသိန်းစိန်တွင် ယခုလည်းမရှိ နောင်လည်းရှိမည်မဟုတ်။ သမ္မတကြီးကို ထောက်ခံပါသည်ဟုဆိုကာ ဗီနိုင်းဆိုင်းပုဒ်ကြီးများနှင့် ချီတက်ထောက်ခံခဲ့သူများသည် အကယ်၍ ဦးသိန်းစိန်သာ ဒေါ်အောင်ဆန်းစုကြည်ကဲ့သို့ ဒုက္ခအကျပ်အတည်းနှင့် ကြုံဆုံရပါလျှင် ယခုကဲ့သို့ သမ္မတကြီး ငါတို့သမ္မတကြီး ရှေ့ဆောင်မီးပြတိုက်ကြီး သမ္မတကြီးကို ၀န်းရံကြဟု မည်သူမှ ထွက်လုပ်ကြမည်မဟုတ်တာ ရာနုန်းပြည့်သေချာပါသည်။
သို့သော် ဒေါ်အောင်ဆန်းစုကြည်ကဲ့သို့ ကြီးမားသော သြဇာမရှိငြား သမ္မတကြီးတွင် ရိုးဂုဏ်ရှိသည်၊ သာမာန်အခြေအနေ သာမန်ပြည်သူများကြား ရိုးဂုဏ်ဟူသည် များစွာအင်အားမကြီးသော်လည်း တိုင်းပြည်ဘဏ္ဌာ ဥစ္စာမှတ်ခဲ့ကာ သိုဝှက်ခဲ့ကြသူ စစ်ဗိုလ်ချုပ်များကြား သမ္မတကြီး ဦးသိန်းစိန်၏ ရိုးဂုဏ်က အင်အားကြီးမားလွန်းပါသည်။ ဆင်ဖြူမျက်နှာ ဆင်မဲမကြည့်ဝံ့ ဆိုသကဲ့သို့ စစ်ဗိုလ်ချုပ်ကြီးများကြား ဦးသိန်းစိန်၏ ရိုးဂုဏ်အင်အားကို ရင်ဆိုင်ရဲသူ များစွာမရှိလှ။ သို့နှင့် သမ္မတကြီး ဦးသိန်းစိန်သည် သူ၏ရိုးဂုဏ်နှင့် ကိုယ်ကျင့်တရား အင်အားနှင့် တပ်မတော်ခေါင်းဆောင်များ၏လွှမ်းမိုးမှုများနှင့် နောက်ပြန်ရေးသမားများကို ရင်ဆိုင်ခဲ့ကျော်လွှားခဲ့ခြင်းဖြစ်သည်။
သို့သော် လက်တွေ့လက်ဆုပ်လက်ကိုင်မရှိသော အင်အားနှင့် ကြာရှည်ရင်ဆိုင်ရန်မလွယ်ကူပါ၊ ထို့ကြောင့် အရှိန်လေးရနေခိုက် နိုင်ငံတကာ၏ ထောက်ခံမှုကို ရရှိအောင် သမ္မတကြီး ကြိုးပမ်းနေခြင်းဖြစ်သည်။

တပ်မတော်သည်သာ အဓိက -

မည်သို့ပင်ဖြစ်စေ မည်သည့်နည်းလမ်းကိုသုံးသုံး အဓိကကျသူမှာ တပ်မတော်သာလျှင် ဖြစ်သည်။ တပ်မတော်များအနေဖြင့် ငါတို့ဟာပေးဆပ်ခဲ့ရသူတွေ ဒီအတွက် ခံစားခွင့်တော့ရသင့်တယ် ဟူသော ကြေးစားဆန်ဆန် စိတ်ဓါတ်ကိုလည်ကောင်း၊ ငါတို့သည်သာ အသိပညာဥာဏ်နှင့် ပြည်စုံသူတွေဖြစ်တယ် ငါတို့မထိန်းချုပ်လျှင် တိုင်းပြည်ပျက်သွားမယ် သာသနာပျောက်သွာမယ် ဟူသည့် စိတ်ကြီးဝင်နေသည်ကိုလည်းကောင်း၊ တပ်မတော်သာအမိ တပ်မတော်သာအဖ၊ တပ်မတော်အင်အားကြီးမှ နိုင်ငံအင်အားကြီးမယ် စသော ရှေ့က ကိုယ့်ကျိုးကြည့် စစ်ခေါင်းများ သူတို့ကိုယ်ကျိုးအတွက် ရိုက်သွင်းခဲ့သော မှိုင်းများကိုလည်းကောင်း ရင်ထဲ စိတ်ဓါတ်ထဲမှ မဖယ်ရှားနိုင်သေးပါလျှင် သမ္မတရာထူးသည် ငရဲပန်းသာဖြစ်နေဦးမှာဖြစ်ပြီး တိုင်းပြည်လည်း သာယာငြိမ်းချမ်းဝပြောစည်ပင်နိုင်မည်မဟုတ်ပါ။

Mg Thoung

 

moethihaaung blog