Monday, July 30, 2012

မြောက်ကိုရီးယားမုန်တိုင်း လူ ၈၀ ကျော်သေဆုံး

Ever November | 7/30/2012 02:26:00 PM | Best Blogger Tips

မြောက်ကိုရီးယားနိုင်ငံမှာ တိုင်ဖုန်းမုန်တိုင်းဝင်ရောက် တိုက်ခတ်ခဲ့ပြီး၊ မိုးသည်းထန်စွာ ရွာသွန်းခဲ့တာကြောင့် အနည်းဆုံး လူ ၈၈ ယောက် သေဆုံးပြီး ၁၃၄ ယောက် ဒဏ်ရာရခဲ့တဲ့အပြင် လူထောင်ပေါင်းများစွာလည်း အိုးမဲ့အိမ်မဲ့ဖြစ်ခဲ့ရတယ်လို့ မြောက်ကိုရီးယားနိုင်ငံက ပြောပါတယ်။

ဇူလိုင်လ ၁၈ ရက်နေ့က စတင်ဖြစ်ခဲ့တဲ့ ရေကြီးမှုတွေကြောင့် အိမ်ခြေ ၅,၀၀၀ ကျော်ပျက်စီးခဲ့ပြီး၊ လူပေါင်း ၆ သောင်း ၃ ထောင် လောက် အိုးမဲ့အိမ်မဲ့ ဖြစ်ခဲ့ရတယ်လို့ မြောက်ကိုရီးယား အစိုးရရဲ့ ဗဟိုသတင်းအေဂျင်စီက စနေနေ့မှာ ပြောကြားလိုက်ပါတယ်။

မြောက်ကိုရီးယားနိုင်ငံ တ၀ှမ်းမှာ ဇူလိုင်လ ၂၃ နဲ့ ၂၄ ရက်နေ့တွေမှာ တိုင်ဖုန်း ခါနွန် ၀င်ရောက် တိုက်ခတ်ခဲ့တာကြောင့် မြေဟက်တာပေါင်း ၄,၈၀၀ လောက် ရေမြှုပ်ခဲ့ရပါတယ်။

မြောက်ကိုရီးယားရဲ့ ဗဟိုသတင်းအေဂျင်စီက ဒီကနေ့နဲ့ မနက်ဖြန် တနင်္လာနေ့တွေ မှာလည်း မိုးသည်းထန်စွာ ရွာသွန်းမယ်လို့ သတိပေးထားပါတယ်။
VOA

No comments:

England - Premier League

Italy - Serie A

Spain - Primera Division

Germany - Bundesliga

France - Ligue 1